سعر الاوبترا زيرو فى حدود 105 الف جم وده قريب من سعر الاوكتافيا a5 موديل 2006 - 2007 ... السؤال ايهم تشترى ؟
عرض للطباعة
سعر الاوبترا زيرو فى حدود 105 الف جم وده قريب من سعر الاوكتافيا a5 موديل 2006 - 2007 ... السؤال ايهم تشترى ؟
زيرو :) واطمن يبقى اوبترا بس عندك سيراتو و النترا و جراند بونتو بولو سيدان ولينيا وكوردوبا إشمعنة الأوبترا ؟
انا شخصيا دايما بافضل الزيرو
الا لو هاركب حاجه اعلى وحالتها نضيفه اوى ومن شخص أعرفه وأثق فيه
بالنسبه لموضوع الأوكتافيا
فى حاجات لازم تتحط فى الاعتبار
بال 105 الف هاتجيب اوبترا اوتوماتيك كامله وجنوط و Abs و 2 ايرباج وطاره ملتى موديل 2010 زيرو انت أول شخص تركبها مش هاتحتاج مصاريف غير بعد 3 او 4 او 5 سنين حسب استخدامك وهاتستفيد بفترة الضمان
وال 105 الف دول برضه يجيبولك اوكتافيا أكيد عربيه أعلى بس موديل 2006 فرق 4 سنين ومش انت اول واحد تركبها واكيد هاتبقى محتاجه مصاريف مع مراعاة ان مصاريفها هاتبقى أغلى بحكم انها اوروبى وطبعا صيانتها أغلى غير ان العربيه هايبقى ضمانها خلص
لينيا أو سيراتو لو سيدان
جراند بونتو لو هاتش
غير كده أوكتافياa5
وإبعد عن منصور نصيحة من أخ (منصور طلعو عينه لحد ما باع العربية)
لا دى ولا دى اركب اللى قالو العضو yoko
رأيي من رأي Hosam Optrawy
طيب خلينى يا حسام اسالك السؤال بصيغة اخرى ...لو قدامك اوكتافيا a5 موديل 2007 اتوماتيك بحالة ممتازة عاملة فى حدود 50000 كم وهاتدفع فوق عربيتك فى حدود 25000 جم ... تعمل ايه ؟اقتباس:
المشاركة الأصلية كتبت بواسطة Hosam_Optrawy
بس قوللى رايك بدون تحيز للاوبترا علشان انا طالعه عنك اشاعة بالتحيز للاوبترا ههههههههه :shine[1]:
أوبترا زيرو
طبعا بما انى أكبر متحيز للاوبترا فى المنتدى هاقوللك اوبترا اكيد :shine[1]:اقتباس:
المشاركة الأصلية كتبت بواسطة just_magdy1
لأ لأ بجد
بص خلينا حتى نشيل الاوبترا من الموضوع
هانفترض انى معايا اى عربيه غير اوبترا ( النترا - لانسر - سيراتو شكل قديم )
الصراحه هاعتبر نفسى مجنون لو فكرت انى ابيع عربيتى وازود عليهم 25 الف عشان أركب عربيه مستعمله !!!!!
حتى لو اوكتافيا مع احترامى ليها
وانا شرحت فى المشاركه اللى فاتت المستعمل يعنى ايه والزيرو يعنى ايه
يوم ما أبيع عربيتى وأزود عليهم 25 الف أكيد هاشترى زيرو ( غالبا هاتكون نيو سيراتو او النترا الشكل الجديد لو نزلت ويمكن تطرقع فى دماغى واجيب السيراتو الكوبيه :shine[1]: )
دا رأيى ووجهة نظرى ممكن ابقى صح أو غلط
معاك حق برضه .. انا وجهة نظرى فى موضوع كسر الزيرو انها مناسبه ليا لانى بغير كتير بالاضافة الى انى هاركب عربيه اقل من تمنها بكتير .. مثلا لو افترضنا ان سعر عربيتى النهارده 85 الف جم والاوكتافيا اللى بتكلم عنها اتقيمت بمبلغ 110 الف جم ... ولو افترضنا ان سعرها زيرو 170 الف جم ولو افترضنا تانى ان حالتها تقترب من الزيرو ... اعتقد انا اللى كسبان ... دى وجهة نظرى واللى ممكن تكون صح وممكن جدا تكون غلط ..
اوبترا زيرو
بصاقتباس:
المشاركة الأصلية كتبت بواسطة just_magdy1
لو انت عامة من النوع اللى بيغير كتير
يعنى مثلا سنه او أقل
يبقى فعلا أنسب حاجه ليك هو كسر الزيرو
لان مش منطقى انك تفضل تشترى زيرو وكل 6 شهور ولا سنه تخسر 10 او 15 الف جنيه
طبعا حرام
اما لو العربيه بتقعد معاك 3 او 4 سنين يبقى الزيرو أفضل
وكمان فى الزمن اللى احنا فيه دا صعب اوى تلاقى مستعمل نضيف
الواحد بيسمع قصص عجيبه
دى العربيه بتبقى جديده وتتخبط وبعدين تتصلح وتتباع على انها زيرو
انا شخصيا صعب اوى اشترى مستعمل الا من اخويا او ابويا او صديق قريب منى وأثق فيه
غير كدا مستحيل
أ / حساماقتباس:
بال 105 الف هاتجيب اوبترا اوتوماتيك كامله وجنوط و abs و 2 ايرباج وطاره ملتى موديل 2010 زيرو انت أول شخص تركبها مش هاتحتاج مصاريف غير بعد 3 او 4 او 5 سنين حسب استخدامك وهاتستفيد بفترة الضمان
انا اشك انه حبقعد 3 او 4 او 5 سنين من غير مصاريف ( دي عربية تبع منصور حتى لو بي ام او مرسيدس طول ما هي تبع منصور يبقى الاوكتافيا احسن طبعاً حتى لو موديل قديم
و موضوع الأستفادة من الضمان مشكوك فيه بردو
انا أسف إذا كنت أختلفت معاك بس ده الواقع
أستاذ أبو أسر مش عشان الافيو بتاعتك مطلعة عينك (ربنا يكون في عونك) يبقى كل العربيات اللي تبع منصور وحشة انا اتنين صحابي معاهم الفيكترا من فترة والحمد لله سألتهم على العربية ومنصور مابيشتكوش منها (اللهم لا حسد) وكمان اعرف ناس كتير معاها الاوبترا وبرده بيشكروا فيها ....اقتباس:
المشاركة الأصلية كتبت بواسطة أبـو آســـــر
ياريت ما تتحملش على العربيات اللي تبع منصور بزيادة حبتين ...
وانا عندي تويوتا ياريس وطلع فيها عيب في طقم الدبرياج بعد 3 شهور من الشراء وتم التغيير بعد المماطلة معاهم واكتشفوا ان العيب كان في معظم موديل السنة.
صدقني أي توكيل في مصر للأسف فيه مشاكل بالجملة وللأسف ثقافة رضا العميل واجب مش موجوده في مصر في كل حاجة غير العربيات ...
وتقبل تحياتي ....
وبالنسبة للموضوع الاساسي
انا شايف انك لو تقدر تبعد عن موضوع المستعمل ده على قد ما تقدر صدقني العربيات في مصر بيتلعب فيها جامد وممكن لا قدر الله تكون المستعمل فيه مشاكل ...
وممكن تشوف عربيات تانية في رينج الاوبترا برضه وتقارن بينهم انت واحتياجاتك مع اني بأكدلك ان الاوبترا عربية كويسه بإذن الله .....
وياباشا الزيرو زيرو برضه (كفاية ريحة الفابريكة ) :C_laugh[1]:
اقتباس:
المشاركة الأصلية كتبت بواسطة Abomar77
you are right.....he doesnt think outside the box.....:majd(4):
+1000000000000000000000اقتباس:
صدقني أي توكيل في مصر للأسف فيه مشاكل بالجملة وللأسف ثقافة رضا العميل واجب مش موجوده في مصر في كل حاجة غير العربيات ...
وتقبل تحياتي ....
والله يا استاذ ابو اسر انا مش قادر افهم التوكيل دااقتباس:
المشاركة الأصلية كتبت بواسطة أبـو آســـــر
من كلامكم وتجاربكم معاه بأحس انه بيعامل ملاك الافيو بطريقه وملاك الاوبترا بطريقه تانيه مش عارف ليه
أكيد فرق المعامله بسبب ان الافيو عربيه عباره عن مجموعه من المشاكل
فبالتالى انت كل يوم والتانى عنده بتشتكى من العربيه وتتصلح وتبوظ تانى او متتصلحش اصلا
انما الاوبترا ملهاش عيوب جوهريه
وحتى لو ظهر فيها مشكله ولا اتنين على المدى البعيد
معتقدش ان التوكيل بيماطل او يتعبهم وبيحل المشاكل لانها قليله
يعنى انا سمعت من كذا عضو فى المنتدى انه غير علبة الدركسيون فى الضمان وكذا مره
مع ان انا رأيى الشخصى ان العيب مش فى العلبه
انا شخصيا زى ماقلت قبل كدا لحد دلوقتى ماشفتش منه حاجه وحشه
العربيه بقالها معايا 16 شهر
كلفتنى بالظبط
267 + 158 + 480 = 905 جنيه ( 3 صيانات فى مركز صيانة الهرم شامله تغير الزيت 10 الاف وفلتر مرتين )
وفى خلال ال 16 شهر كلفتنى حوالى 3000 جنيه بنزين
يعنى العربيه مصاريفها فى 16 شهر حوالى 4000 جنيه
تقريباً هو ده الي بيحصلاقتباس:
والله يا استاذ ابو اسر انا مش قادر افهم التوكيل دا
من كلامكم وتجاربكم معاه بأحس انه بيعامل ملاك الافيو بطريقه وملاك الاوبترا بطريقه تانيه مش عارف ليه
أكيد فرق المعامله بسبب ان الافيو عربيه عباره عن مجموعه من المشاكل
فبالتالى انت كل يوم والتانى عنده بتشتكى من العربيه وتتصلح وتبوظ تانى او متتصلحش اصلا
انما الاوبترا ملهاش عيوب جوهريه
وحتى لو ظهر فيها مشكله ولا اتنين على المدى البعيد
معتقدش ان التوكيل بيماطل او يتعبهم وبيحل المشاكل لانها قليله
يعنى انا سمعت من كذا عضو فى المنتدى انه غير علبة الدركسيون فى الضمان وكذا مره
مع ان انا رأيى الشخصى ان العيب مش فى العلبه
انا شخصيا زى ماقلت قبل كدا لحد دلوقتى ماشفتش منه حاجه وحشه
العربيه بقالها معايا 16 شهر
كلفتنى بالظبط
267 + 158 + 480 = 905 جنيه ( 3 صيانات فى مركز صيانة الهرم شامله تغير الزيت 10 الاف وفلتر مرتين )
وفى خلال ال 16 شهر كلفتنى حوالى 3000 جنيه بنزين
يعنى العربيه مصاريفها فى 16 شهر حوالى 4000 جنيه
و كمان في حاجة المهندسين الي هناك غالباً مش فاهمين حاجة إذا كانوا مهندسين اصلاً
علشان مشكلة الأوبل اللي اخر مرة غيرولها البطارية و انا واثق ان العيب مش في ضفيرة الكهرباء و لا طرمبة البنزبن و لا البطارية
لان الثلاث حاجات دول اتغيروا و انا واثق ان العربية هتعطل تاني
ربنا يباركلك في عربيتك و يكفيك شرها
انا الي مدايقني ان بعض الأعضاء عايز يثبت بالعافية ان التوكيل على حق في الي بيعمله من غير ما يجرب التعامل معاه في مشاكل جوهرية
و لما تتكلم يقولك ما تبيع العربية علشان هية مديقاك كأني بأنزل اشتري العربية من السوبر ماركت
و دايماً و جهة نظرهم بس هية الي صح
و يقولك تعالا التوكيل و كل ما تحصل حاجة روح التوكيل و هما ملزمين انهم يصلحوها
انت عارف ان يوم التوكيل بيبقى مضروزب يعني للتوكيل بس يعني المفروض اني اسيب شغلي و عيلتي و الحياه و اروح كل اسبوع التوكيل ( أعتقد ان محدش فينا فاضي ) يأما استقيل من شغلي و اقف بالعربية على باب التوكيل
هو انا جايب عربية زيرو علشان اقيم بيها في التوكيل
طيب بذمتك و ياريت تقول كلمة حق
انا لو جايب عربية 128 موديل 70 كان هيظهر فيها كل المشاكل دي مرة واحدة
كنت هلف بيها على الميكانيكية زي ما بروح بالأأفيو مراكز الصيانة
أكيد لاء
و للأسف بالاقي هجوم عليا شخصيأ من بعض الأخوة لمجرد اني بنقل تجربتي لبقيت الأخوة
و كمان بيطلب مني اني ما ادخلش نايل موتورز
هو احنا دورنا ايه في نايل موتورز
مش نوعي بعض و ننقل تجاربنا لبعض
هوده ليه مش عاجب ناس و ليه بيحاولوا يستهزؤا بكلامي مع اني مش ببالغ
ليه الأهانة الشخصة ( لشخصي فعلاً )
انا الحمد لله عمري ما اهنت حد او تهكمت على حد و مش بعرف اتكلم بالأسلوب ده اصلاً
ياريت تفهم وجهة نظري و نخلي الموضوع للنقاش المفيد و بلاش نجرح في بعضنا كاشخاص
انا طبعاً مش بقصدك انت بالكلام ده انا بحترمك فعلاً و بحترم آرائك لانك بتتكلم في صلب الموضوع و ما بتجرحش في اشخاص
تقبل و جهة نظر و تحياتي معاً
دي حاجة ترجع ليك انتا لو انتا من النوع الي بيغير كتير يبقي عليك وعلي الاوكتافيا لو انتا من النواع الي بيئني العربية يعني بالعربي العربية بتقعد معاك فترة كبيرة يبقي خليك ورا المثل الي بيقول قردة علي الزيرو ولا شفر ماشية كيلو
معاك فى كل اللى قولتهاقتباس:
المشاركة الأصلية كتبت بواسطة أبـو آســـــر
انت فعلا انسان محترم واهلا بيك فى اى منتدى :b4_388:اقتباس:
المشاركة الأصلية كتبت بواسطة أبـو آســـــر
أستاذ أبو اّسر أنت إنسان محترم وعندك حق في كل الي بتقولة(إسأل مجرب :_Alshmokh08[1]:) وأنا قلتلك إن في بعض الشخصيات في المنتدى ميستهلوش إنك تجادل معاهم لإنهم عارفين إنهم غلط ومصرين على الغلط (أيا كان السبب في الإصرار)اقتباس:
المشاركة الأصلية كتبت بواسطة أبـو آســـــر
وولا يهمك يا باشا وعقبال ما تخلص منها زي ما أنا خلصت:ma:
ومتعصبش نفسك كفايا قرف العربية
ومنصور فعلا سمعتة إتأثرت كفايه إن أحد أكبر شركات الأدوية في مصر كل كلامهم بقالهم شهر (بعد ما جاب إتنين هناك عربيات أفيو -واحد منهم العربية وهو بيستلمها الrpm علق وسابها ومشي وأخد فلوسه-) مبيتكلموش غير عن إن التوكيل وحش وكذا واحد كان هيجيب أفيو ورجعوا في كلامهم
الزيرو مفيش احسن منه
الجديد جديد، عربية انت اول يد و تربيها زى مانت عايز
الجديد جديد، عربية اول يد، لا يوجد شىء يقارن بذلك