انا ناوى اتعلم كمان (violin) :B4_282: فياريت لو حد عندة خلفية يقول لان عندى شوية حاجات عاوز اعرفها وشكراا مقدماااا :satelite:
عرض للطباعة
انا ناوى اتعلم كمان (violin) :B4_282: فياريت لو حد عندة خلفية يقول لان عندى شوية حاجات عاوز اعرفها وشكراا مقدماااا :satelite:
عايز تعرف ايه عن الكمانجه ؟
عندك كام سنه ؟
انا ياسيدى عندى 18 سنة وعاوز اتعلم الكمان بس عندى كدة كام سؤال:
انا اعرف ان كل ما الكمان يكون اقدم يكون احسن بس بيكون غالى شوية
وفية ناس بتقولى هات الصينى الاول وبعد فترة او بعد ماتتعلم كويس هاتلك واحد محترم
فياريت حضرتك تقولى اية اسعار و الانواع الصينى ومكان بيعهم ؟
وحضرتك تنصحنى باية ؟
انا عاوز حاجة ابتدى بيها يعنى تنفع لمبتدىء
وشكرا لاهتمام حضرتك
في البداية الأصل في تعلم اي ألة موسيقية هو انك تكون عندك أذن (ودن) موسيقية يعني لما بتردد موسيقى بينك وبين نفسك مابتنشزش وبتعرف تمشي على الطبقة الصحيحة للموسيقى وبالزمن الصحيح، وإلا هاتجيب ألة وهاتحفظ كام لحن عليها وبعدين هاتزهق منها
وحسب معلوماتي البسيطة جدا عن ألة ال violine هي مقاسات 2/1 & 4/3 & 1
و 1 بيكون للمحترفين، وكلامك صح انها كل مابتقدم بتكون اغلي ودا بينطبق على كل الوتريات
إشترى حاجة صغيرة كده و رخيصة و جرب نفسك ..
و لو بعد كده بقيت 100 100 هاتلك واحدة حلوة
الكمانجه ممكن تبتدى من 1000 او 2000 جنيه
وتوصل لملايين الدولارات
الصينى طبعا هو الرخيص ومناسب ليك بما انك لسه هاتبتدى
وبما ان عندك 18 سنه يبقى تجيب كمانجه اربع تربع 4/4 ودا أكبر مقاس
لو عايز تتعلم كمانجه ففى مدرسه اسمها ( سوزوكى )
دى مدرسه لتعليم العزف على الكمانجه ومكانها فى دار الاوبرا
بتروح يعملولك اختبار ويشوفو قدراتك وودنك موسيقيه ولا لأ
وبناء عليه يا تتقبل او لأ
بس بيتهيألى باب الاختبارات اتقفل دلوقتى هو معاده فى اول السنه
ممكن أبقى اسأل وأقوللك
شوف انا هنضحك نصيحه واحده
ناوي تكمل تعليم وتبقى محترف يبقى ادخل في الموضوع
مش ناوي تكمل وحاسس انك هتزهق يبقى بلاش منو أحسن
علشان هيكون تضييع وقت وفلوس على الفاضي
خد بالك ان التعليم بياخد وقت كبير
وهتفرح جداااااااااا لما تتقن اول لحن تتعلموا
وهتتعب اوي عقبال اما تبدأ بس تحرك صوابعك على الاله وكمان عقبال ما تحس بالوتر اللي هتلعب عليه
خد بالك بردو
انت عندك استعداد لكن لو أهملت يوم او يومين هتقدر تهمل أيام كتير وهتنسى
الجيتار بتاعي دلوقتي مركون في الدولاب ونسيت كل اللي اتعلمتو
يدوب حافظ اول لحن لعبتو
لو عاوز أي استفسار انا موجود ان شاء الله
هفيدك ان شاء الله
amrico شكرا لحضرتك بس احب اوضح لحضرتك حاجة بسيطة المقاسات دى بتتاخد على حسب طول زراع العازف (يعنى لو طفل هياخد مقاس صغير اما لو كبير (بالغ) هاياخد اكبر مقاس 4/4 يعنى المقاسات مالهاش دعوة بمستوى الاحتراف )
Relentless_mayhem
شكرا لحضرتك وانا عاوز اعمل كدة اجيب حاجة رخيصة فى الاول وبعدين اعرف اجيب واحدة محترمة
Hosam_Optrawy
بجد شكرا لمعلوماتك ا-حسام وهاشوف كدة فى الدليل تليفون المدرسة واتصل عليهم وانا كنت عاوز اعرف اية اسعار وانواع الكمان الصينى وعلشان انزل اشترية لازم يكون معايا حد محترف ولا ممكن اجيبة لوحدى واجيبة منين؟ وشكرا لحضرتك
musiccairo
شكرا لحضرتك وبجد انا عاوز اتعلم لان الكمان دة صوت ملائكى
ams
شكرا لحضرتك على الاختبار
بجد شكرا لكل الناس الى اهتمت بالموضوع بس انا كنت عاوز اعرف اية اسعار وانواع الكمان الصينى وعلشان انزل اشترية لازم يكون معايا حد محترف ولا ممكن اجيبة لوحدى واجيبة منين؟