معلومه جديدة عن الصني بمليون و نص جنيه

**Bishoy.Girgis** · 30-10-2009 01:12 AM

الي احلي منتدي حصل معايا موقف اننهارده قلبي كان هيقف منه لكن نيسان و التكنولوجيا الياباني الرائعة الخطيرة خلتني احترم العربية ديه كل يوم بعد يوم العربية نيسان صني اوتوماتيك 2009

اننهارده كنت ماشي بالعربية و اذ فجأة غظب عني ضغطت علي الزرار الشمال بتاع الفتيس لما بتيجي تنقل و اذ اجيبه علي الريفيرس "r" و طبعا كلنا عارفين ان معني ان الفتيس يجي علي الريفيرس دا معناه ان الموتور بيقلب دورانه العكس لكن لو تعرفوا ايه اللي حصل مش هتصدقوا

لاقيت الموتور محصلش منه اي حاجه خالص و مرجعش و في نفس الوقت العربية بطلت مني
فغالبا ان لما جيبته علي الريفيرس قامت العربية فصلت نفسها علشان ميخدش اشعار بالكهربا انه يرجع الموتور للعكس

بس يا ريت لو حد هنا في المنتدي متمكن يشرحلنا و ياحبذا لو الباشمهندس سبعاوي الحكاية ديه و هل فهمي للموضوع كده صح

علي العموم انا بشكر ربنا اوي اوي اوي علي اللي حصل اننهارده ده لأني كان ممكن يحصلي حاجه من حركة زي ديه لأن لما كان بيحصل معايا الحركة ديه في العربية المانيوال كانت بتقطع فيها . شوفوا بقي لو حصلت في الاوتوماتيك

**noon_eg** · 30-10-2009 05:26 AM

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

**bishoo33** · 30-10-2009 06:21 AM

smart gearbox
made in japan

**aboamr** · 30-10-2009 02:31 PM

المشاركة الأصلية كتبت بواسطة noon_eg

ربنا يسترها معانا جميعا وحمد لله على سلامتك انت والعربيه

فى حدود معلوماتى ما فيش حاجه اسمها الموتور يلف بالعكس دايما الموتور بيلف فى اتجاه دوران ثابت ولكن صندوق التروس هو المسئول عن عكس اتجاه الدوران اللى خارج من الفيتس

عموما لو حد عشق الريفريس فى عربيه مانيوال والعربيه ماشيه للامام وشال رجله من على الدبرياش يبقى كده الجيربوكس شكرا حيتدمر اما بالنسبه للاوتوماتيك غالب حتلاقى فيه نظام حمايه علشان ما يطييرش الفتيس لو حد بالغلط عشق ريفيرس وهو ماشى للامام

خلى بالك ان نيسان عريقه جدا وانا من عشاقها عربيتى موديل 99 وعامله 260 الف ولسه بحاله جيده جدا ولله الحمد والمنه

ممكن اعرف حضرتك بتعمل صيانه فين عشان عندى موديل 2000 ومحتاج اتعامل مع ميكانيكى فاهم
وشكرا

**night_whisper** · 30-10-2009 03:56 PM

كل يوم بيزيد أحترامى لأسم نيسان
الحمد لله أن ربنا حفظ ليك العربية بس خلى بالك علشان تحافظ على العربية
و ربنا يبارك ليك فيها يا رب

**fady_anis** · 30-10-2009 04:38 PM

This is Nissan
safty
powerful
stylish

**Youssef.Awad** · 30-10-2009 06:23 PM

حاجة غريبة جدا
ربنا سترها مع حضرتك
بس اعتقد ان ده نظام حماية فى كل الاوتوماتيك زى ماتيجى تدور وانت على d تلاقى العربية ماتدورش
وفيه عربيات كتير اتوماتيك لما تيجى تبطلها ما ينفعش تشيل المفتاح من الكونتاكت غير لما يكون الفتيس على p

**crazylambada** · 02-11-2009 11:43 PM

الحساس اللي بيقرا النقله بتاعتك بعت اشاره اشاره للكنترول بتاع الفتيس انك جبت الريفيرس و الكنترول بيبقى متوصل بحساس للموتور
فرفض الاشاره و الموتور بطل
ده في رايي اللي حصل
على العموم ربنا يحفظهالك بس خلي بالك لان واحد صاحبي جاب فتيس لانه و هو بيخمس جاب من 2 ل l
عربيه لانسر شارك

**amrnader** · 03-11-2009 01:11 AM

انا مش قادر افسر ليه العربية فصلت، بس انا عندى فى الانترا لو حاولت اجيب مارشيدير و العربية ماشية قدام و لو على سرعة بسيطة جدا ينفضلى و يقفش و ميرضاش يخش فى الحارة بتاعة ال r الا لما اقف خالص، هو اكيد ده حماية لفتيس بس مش فاهم ليه العربية عندك فصلت.