مش عارف اشترى ايه ساعدونى

**HEEEEERO** · 30-10-2009 03:02 AM

دلوقتى قولت اجيب اوبل قالولى حاجتها غالية قولت اجيب فيرنا قالولى الفيرنا وحشة فى الفرامل وبتقلب قولت اجيب نوبيرا قالولى عفشتها وحشة ورداخ البنزين مش عارف مالو وحتلاقى العربية مش راضية تدور ساعات ولو جيت تمشى بيها تقطع منك قولت اجيب لانوس ناس شكرت وناس قالوا مفيش فرق بينها وبين الادا يا جماعة انا مش عارف اعمل ايه وخايف من النوبيرا وخايف اجيب لانوس متعجبنيش مع العلم انى مش نازل من عربية المانى يعنى مش ححس بحاجة وحشة لو ركبت كورى انا نازل من عربية روسى ارجو الافادة

واسف انى طولت عليكوا

**عصام غنايم** · 30-10-2009 05:13 AM

الانترا لو معاك تمنها حتى لو استعمال

**samirayad** · 30-10-2009 07:57 AM

اجيب نوبيرا قالولى عفشتها وحشة ورداخ البنزين مش عارف مالو وحتلاقى العربية مش راضية تدور ساعات ولو جيت تمشى بيها تقطع منك قولت اجيب لانوس ناس شكرت وناس قالوا مفيش فرق بينها وبين الادا

ولا تصدق اللى قالولك الكلام ده
مفيش حاجه أسمها رداخ عندنا فى الدايو
أنا كنت راكب أوبل ومعايا نوبيرا حاليا
شتان بين الأثنين (من وجهة نظرى على الأقل )
الأوبل ورتنى الويل
عاوز تركب ألمانى يبقى تجيب جديد وأول ماتبدأ تفتح معاك
أقلبها على طول
أما الكورى قوة قتل ثلاثيه
بملاليم حتلمها لما تفتح معاك
ورفاهيه لا تقل عن الأوبل ( عن تجربه )

**samirayad** · 30-10-2009 10:32 AM

وقلنا قبل كده انك ركبت اوبل تعبان

الكلام ده ليا أنا
وأنت قولته لمين قبل كده
علشان نعرف برضه
وبالراحه شويه
أصلى أتخضيت الصراحه

آه دا سيادتك معاك أوبل
علشان كده

يبقى مش كل الاوبل تعبان

وفين كلامى اللى خلاك تقول كده
العربيات الأستعمال حظوظ
أما لو وقعت فى أوبل تعبان
حتفضل تعبان على طول معاها عند الصنايعيه
ومش حتعرف تمسك قرش فى جيبك
لأن حاجتها نار
واللى بيشترى ألمانى معظم الناس اللى مبتتعبش فى القرش (وطبعا أنا قصدى على اللى بيشترى ألمانى جديد )
وبعد كده لما بياخد رغبته منها ....ويحس أنها حتبدأ تقول ....بيبيعها للغلابه (اللى زى حلاتى ....علشان محدش يزعل )
وأنت وحظك

أما لو فرض ووقعت فى حته كورى
بشوية فكه من جيبك (حتخليها عروسه )
يبقى حنعيش عيالنا ....ولا نصرف على العربيات..!!!!!!!!!!!!!!

**gebreel** · 30-10-2009 10:46 AM

يا جماعة بلاش الهجوم الشديد ده احنا هنا عاوزين نفيد الراجل بخبرات كل واحد فينا ففي اللي ركب الماني بخيره و فيه اللي ركبو بعد ما كان تعب و انا واحد منهم ركبت فورد شيبتني قلبتها و نقلت لرينو مش معنى كدة ان الفورد وحشة ولا ان الرينو اعلى منها و لا اققل و لو قلتلي تركب فورد تاني اققولك اكيد بس زيرو
لولا اختلاف وجهات النظر هو مش هيعرف يحدد كويس
بالنسبة لسؤال حضرتك مفيش عربية كاملة 100% نصيحة بلاش الفيرنا و لو معاك فعلا ثمن الانترا تبقى ممتازة
اللانوس عربية محترمة جدا جدا جدا و مميزاتها اكثر من عيوبها و اللي قالك متفرقش حاجة عن اللادا ده يبقى اكيد مركبش اللانوس انا معايا اللادا و سقت اللانوس و شتان بين ال2
ممكن بردو تعمل زيي و تدخل على اللوجان فل اوبشن عربية فخمة و اقتصادية و مريحاني الصراحة
ممكن بردو تدخل على الافيو الهاتشباك بس اوعى من السيدان منها لانها للاسف فخر الصناعة المصرية
بس بلاش فيرنا لانها للاسف بقت عربية ............... بلاش اقول
و اي استفسار على اي واحدة من دول سواء اللانوس او اللوجان انا تحت امرك

**samirayad** · 30-10-2009 11:02 AM

يا جماعة بلاش الهجوم الشديد ده احنا هنا عاوزين نفيد الراجل بخبرات كل واحد فينا ففي اللي ركب الماني بخيره و فيه اللي ركبو بعد ما كان تعب و انا واحد منهم ركبت فورد شيبتني قلبتها

**gebreel** · 30-10-2009 02:08 PM

المشاركة الأصلية كتبت بواسطة heeeeero

الف شكر يا جماعة والله والف شكر يا سوبربوى بس فى ناس خوفونى من اللوجان وقالولى قطع غيار مش حتلاقى بس محدش قالى حاجة وحشة غير على قطع الغيار قالولى من جوة وسعة وحلوة بس قطع غيار يا معلم مش حتلاقى ولو لقيت دلوقتى مش حتلاقى ادام والف شكر بجد تعبكوا معاياا

بص يا باشا خلينا واقعيين
اللوجان عربية جديدة و عاملة اكتساح دلوقتي و انا شخصيا مبمشيش في شارع غير لما باشوف على الاقل واحدة و الحال نفسه كان من 10 سنين مع اللانوس العربية مش كانت ب70000 لأ دي كانت ب35000 انا فاكر و كان الناس بردو عمالة تطلع عليها اشاعات
قطع غيار اللوجان موجودة في التوكيل عادي جدا و اسعارها كويسة جدا في التوكيل و ان شاء الله تكون موجودة بعد كدة برة التوكيل و اسعار اققل كمان هي اغلى من الكوري سنة صغيرة مش كبيرة بس معمرة اكثر من الكوري

-

-

الموضوع: مش عارف اشترى ايه ساعدونى

LinkBack

أدوات الموضوع

عرض

-

-

-

المواضيع المتشابهه

محتار اشترى ايه .... ساعدونى

عايز اشترى عربيه عائليه ومش عارف اجيب ايه ساعدونى لو سمحتم

عايز اشترى فلوينس بس مش عارف اشترى من مين (توكيل ولا موزع)

انا عايز اشترى عربيه صغيره ومش عارف اشترى اسبارك ولا سوزوكى سيلاريو

الكلمات الدلالية لهذا الموضوع

المفضلات

المفضلات

ضوابط المشاركة