مساعده فى الالنترا

**m_s_h_a** · 30-10-2009 10:06 AM

انا محتار بين السيراتو والالنترا حاله مكرره طبعا بس انا كنت استقريت على السيراتو المانيوال بسبب طبعا شكل خارجى احلى وبسبب ان طبيعة استخدامى للعربيه بيكون فيها بضاعه فى الشنطه فالالنترا طبعا بتهبط مع اى وزن زىاده المهم روحت اجيب السيراتو لقيت الخامات الداخليه كلها من البلاستيك سئ الخامه الابواب متقفله بلاستيك سئ طبعا مردتش احجز ومش عارف اعمل ايه علما ان الالنترا طبعا ب 93000 والسيراتو ب97000 واستلم بعد اسبوعين رايكم ايه ولو مكانى تعملوا ايه؟

**lol1986** · 30-10-2009 02:05 PM

فيات لينا ب 110 جامده ومحترمة وانزل اتفرج عليها

**monmonmon** · 30-10-2009 02:55 PM

انا بردوا لما شوفت السيراتو على الحقيقة كان لى الملاحظات دى
و كنت قربت احبها اكتر من الالنترا لكن لما شوفت الفئات الاولى قلت الالنترا دى 100 100
انا لاحظت كمان فى السيراتو ان الفئات الاولى العداد مش زى الفئات الاعلى

لو شايف ان 4000 جنيه فرق و العربية نزلت فى نظرك يبقى هات الالنترا.. انا بصراحه مقدرش افيدك فى موضوع التحميل ده بس انا سمعت عنه كتيير

بس مميزات الالنترا:

باور كهرباء (افضل فى الركن و الزحام) لكن من خلال تجربتى الباور الهيدروليك على الطرق و السرعات بيحسسك اكتر بالطريق و رد الفعل

خامات تابلوه من الجلد (لكن مش عجبانى الابواب اوى) رغم انها حلوه بس فيها بلاستيك

فى منها تابلوه بنى* بيج و شوفت اسود*رمادى

و الاتنين فى الاول و الاخر قريبين جداااا من بعض.. و الانترا اصلا عربية ممتازه

بس خد بالك انا لاحظت فى الالنترا عيب فى بعض العربيات خد بالك و اوعى تكون فريسه.. عند هوايات التكييف من ناحية اليمين فى نهاية الجزء الفضى ساعات بلاقى المكان ده من الجلد مكرمش او عليه زى صمغ كده!!!

على فكره انا معايا ماتريكس و محتار شويه فى نفس كلامك و شكلى مش هغيرها
علشان مبتحكش و مريحانى.. لكن خامات التابلوه وحشه و دى خلاص مش فارقه معايا... لكن العربية اعتماديه من الدرجة الاولى و كذلك الالنترا و اكيد السيراتو

بالتوفيق ان شاء الله

**m_s_h_a** · 30-10-2009 05:04 PM

المشاركة الأصلية كتبت بواسطة lol1986

فيات لينا ب 110 جامده ومحترمة وانزل اتفرج عليها

شكرا على الرد هى فعلا جميله بس فى 3 مشاكل صيانه وقطع غيار واعادة البيع

**m_s_h_a** · 30-10-2009 05:06 PM

المشاركة الأصلية كتبت بواسطة monmonmon

انا بردوا لما شوفت السيراتو على الحقيقة كان لى الملاحظات دى
و كنت قربت احبها اكتر من الالنترا

لكن لما شوفت الفئات الاولى قلت الالنترا دى 100 100
انا لاحظت كمان فى السيراتو ان الفئات الاولى العداد مش زى الفئات الاعلى

لو شايف ان 4000 جنيه فرق و العربية نزلت فى نظرك يبقى هات الالنترا.. انا بصراحه مقدرش افيدك فى موضوع التحميل ده بس انا سمعت عنه كتيير

بس مميزات الالنترا:

باور كهرباء (افضل فى الركن و الزحام) لكن من خلال تجربتى الباور الهيدروليك على الطرق و السرعات بيحسسك اكتر بالطريق و رد الفعل

خامات تابلوه من الجلد (لكن مش عجبانى الابواب اوى) رغم انها حلوه بس فيها بلاستيك

فى منها تابلوه بنى* بيج و شوفت اسود*رمادى

و الاتنين فى الاول و الاخر قريبين جداااا من بعض.. و الانترا اصلا عربية ممتازه

بس خد بالك انا لاحظت فى الالنترا عيب فى بعض العربيات خد بالك و اوعى تكون فريسه.. عند هوايات التكييف من ناحية اليمين فى نهاية الجزء الفضى ساعات بلاقى المكان ده من الجلد مكرمش او عليه زى صمغ كده!!!

على فكره انا معايا ماتريكس و محتار شويه فى نفس كلامك و شكلى مش هغيرها
علشان مبتحكش و مريحانى.. لكن خامات التابلوه وحشه و دى خلاص مش فارقه معايا... لكن العربية اعتماديه من الدرجة الاولى و كذلك الالنترا و اكيد السيراتو

بالتوفيق ان شاء الله

شكرا على الرد وفعلا انا شايف ان السيراتو شكل خارجى فقط فى المانيوال ولا مميزات اخرى

**dr_abooody** · 31-10-2009 12:27 AM

انا معايا النترا لسة شاريها من شهرين و كنت محتار بينها و بين السيراتو

بس لقيت ان الالنترا كانت قدامي ب 90500 و السيراتو 97 الف بس خليجي و مش مضمونة

قولت اوفر فلوسي و خليني في الالنترا احسن

و الحمد لله الاختيار كان موفقبس مشكلته العربية انها شكلها بقى قديم شوية بس السيراتو شكلها هيقدم بسرعة انا عن نفسي زهقت بردة من شكل السيراتو و الكروز بقت عجباني

على العموم كل ما يطلع موديل يكرهك فيالموديل اللي قبلة
انت شوف الاوفر و الارخص و العملي و اشتري

و ربنا يوفقك