الموضوع: دعوه لمقاطعه مباره الجزائر ومصر

هو مش الماتش اللي المفروض نقاطعه هو المفروض نبطل الكلام اللي قبل الماتش ده كله كلام ملوش لازمة
شوية متعصبين مصريين وجزائريين قالبين الدنيا وعاملين ضجة من غير لزوم
ده انا كنت رايحة الاستاد بس غيرت رأيي حاجة تقلق وتخوف لما الناس عاملة كده قبل الماتش امال هيعملوا ايه فيه
بس يمكن اغير رأيي تاني اصلي مقدرش اسيب ماتش زي ده

سلام عليكم
دعوه للرجال
دعوه لاصحاب الهمم العاليه
دعوه لجهاد النفس
اننا نعرف ان المباره مصيريه ولكنها مباره ومهما كانت النتائج فهي لعبه
فانا ادعوكم لعدم المشاهده
لمقاطعه المباره والتفرغ لعمل اي شئ اخر
قراءه كتاب
ركعتين وقت انشغال الناس
وكلما كانت المباره مهمه وعسير عليك تركها كلما كان ثوابك وقوه عزيمتك اكبر
قاطعوا المباره فقد تحولت الي جنون
معنا الله

بعيدا عن موضوع الكوره والجزاير
عارفين الفكر التكفيري؟
أهو الدعوه دي انا شايفها بدايه لسكة التكفير دي
النهارده يقوللك اعمل حاجه أفيد من الماتش في وقته
بكره يقوللك الماتش مش مفيد
بعده هيقوللك الكوره حرام اصلا
فعلا عمرو اديب عنده حق لما بيقول ان المجتمع ده محتاج للتنوير
وبعدين ايه حدوته المقاطعه دي؟
كل واحد يطلعلنا بدعوه للمقاطعه كل يوم
عاوزين ناس تطلع تدعو الناس لحاجه مفيده مش لمقاطعات

وعموما انا هشجع الماتش وناوي اروح الاستاد وان شاء الله مصر هتكسب 4/1

- المقاطعه سلاح لا يجب استخدامه في كل موقف حتي لا يفقد قيمته
- الكرة أداة لإلهاء الناس عن أشياء أهم و هو يستخدم بقوة من فترة و غدا تنكشف الحقائق
- بالفعل ذكر الله وقت غفلة الناس عن ذكره لها أجر كبير و ليقم بها من يريد بشكل شخصي و في أي وقت يستشعر غلبة اللهو علي عقول الناس لينفرد بذكر الله ، لذكر الله فيذكره الله

تستطيع أن تري المباراه و لكن تستطيع أن تقتطع من المباراة ثوان معدودة لتعتزل الناس و تذكر الله بأي طريقة

الموضوع النية الطيبة فيه موجودة و لا أعرف كيف نطلق كلمة التكفير بهذه البساطة و ندعي التحرر و نوصم غيرنا بالتعصب ، لا حول و لا قوة إلا بالله ، هل ضاعت حتي معان الكلمات