حد يعرف ايس كريم pops بيتباع فين يا شباب ؟؟
عرض للطباعة
حد يعرف ايس كريم pops بيتباع فين يا شباب ؟؟
تصدق انا قعدت ادور عليه اكتر من شهرين وكل مااسأل سوبر ماركت يقولى دا شاحح جدااا (تحس ان انت بتطلب مخدرات )وبنجيبه من العربيه الخاصه بالشركه بفلوس زياده مع ان بوبس ده موجود بقاله اكتر من سنتين وماكنش حد بيطلبه خالص !!! وكان بيرجع للشركه زى ماهوا !!!
واخيرا من حوالى اسبوعين لقيت محل ايس كريم عندنا فى المنصوره حاطط يافطه كبيره على بابا المحل مكتوب عليها يوجد ايس كريم بوبس :) اشتريت منه اتنين والخلاصه ان بوبس ده هو نفس مكونات الاستيك بتاع نستله بس عباره عن كور صغيره وبدون عصايه :)
والحمد لله عرفنا سر بوبس وعقبال مانعرف سر شويبس :)
هو ده بقى pops ياسلام
انا اشتريته مره قبل كدا وسألت الراجل لو عنده عصيان اكل زي بتوع اليابانيين عشان ماينفعش يتاكل غير كدا
شوفته مرة و جربته بس ما شوفتوش تانى
انا مش لاقيه خالص
و برضو دخلت سوبر ماركت أسأل عليه قالى الشركة نزلته مرة واحدة و منزلتوش تانى
ايه الغرض من كدة معرفش
الواحد كدا بدأ يقلق انه يكون كان مصنوع بطريقة (عضوية) والكائن اللي كان بينتجه مات :36_1_2[1]:
دا شئ فاشل
زي ما اتقال في الاول
انا اول ما جبته قلت دا الستيك بتاع زمان بس من غير عصايه
هوا هوا بالظبط
ايس كريم عيان وميستاهلش اللي بيتدفع فيه اساسا
انا كنت جبته من البنزينه اللي في اخر كوبري قليوب من ناحيه اسكندريه -اللي فيها الشبراوي-
انا السوبر ماركت الى تحتية بتجيلوا كل اسبوعين عربية نسلة بفضل واقف فى اليوم الى بتيجيلوا العربية فيه نزلت جبت كرتونة كاملة
وكان فى كرتونة كاملة تانية رحت مكلم صحبى نزل جابها كلها
بس طبعا عشان الراجل بتاع السوبر مركت عرفنا اوى ادهلنا
ودلوقتى اخر علبة فى الفريزر وعامل عليها كمين
لانه فعلا حلو اوى
بس اسمه هوا الى مضايقنى
ياترى هيعملو ايه فصوابع زينب ؟؟
سوبر ماركت عندنا في أكتوبر اللي واقف فيه مفتي كبير
لقيته عنده مرة أيام الاعلانات
وبعدها مبقاش ييجي، كل ما أسأل عليه يقولوا بييجي يوم واحد في الاسبوع وبيخلص يومها عشان كل محل حصته كرتونة واحدة بس
زي نظام وزارة التموين
ودلوقتي بيقول بطل يجيبه لأن الشركة بطلت تنزله لانه كان منتج قديم عندهم وبيصرفوه
سألت عليه عندنا,الراجل قالي تعالى الجمعه عشان هوا بييجي الجمعه يشرب الشاي معانا ويمشي , قلت له هوا مين؟ قالي: بوبوس اللي انت عايزه,قلت له :طيب.
بس أنا جبته في اسكندريه ولقيته عادي.
فرضنا شح من السوق
الغلابه الى اتعودو عليه يعملو ايه
يشمو فى الاستيك على ما ربنا يفرجها
أنا كمان سمعت عنه وبدور عليه مش لاقيه خالص
اقترح يوزعوه علي بطاقات التموين
انا كنت فاكر المشكلة مشكلتى انا بس، الأنسة ليليا معلق معاها البتاع ده مش عارف ليه، الأيس كريم اشكال و الوان و انضف منه 100 مرة، بس تعمل ايه لدلع البنات، انا بقى بالاقيه فى مكانين، بنزينة موبيل فى الزعفرانة و سوبرماركت فى الدهار فى الغردقة و ساعة ما نوبة البوبس بتزيد عليها، باضطر اسوق رايح جاى 120 كم علشان اجيبلها، و صدق اللى قال، رزق الهبل على المجانين
استاذ حسام بعد اذنك بلاش مقوله رزق الهبل .......... ومصدقش و لا حاجه اللي قالها
الرزق علي ربنا ومن ربنا
وانا الحمد لله مليش في الايس كريم بتاع الشركات دي
بحب الايس كريم اسوفت بتاع المكنه اللي هو كان في السندباد زمان