ألف شكر يا باشا:)
عرض للطباعة
يا جماعة صلوا على النبي - اللهم صلي على محمد - الموضوع بسيط . معلش يا نادر امسحها فيه عشان نخلص و نقفل الموضوع . الصور جميلة و شكرا لصاحب الموضوع .
الأستاذ . مشرف هيونداي :: هو حضرتك مش شايف التعليقات التانية اللي بيقولي حسن اسلوبك و اللي بيقول أنت مش عارف حاجة . !! هي التعليقات دي كلها مافيهاش شخصنة !؟!؟؟!!!؟؟؟؟؟؟!!!
ياعم خلي قلبك أبيض وماتزعلش نفسك أوي كده
وباعدين دماغك الناشفة دي ممكن تستفيد منها في حاجات تانية كتير أهم من العند في موضوع بسيط
يا راجل ماتحطش المواضيع في حجم أكتر من حجمها الطبيعي
وباعدين الراجل عايز ينقل معلومة ممكن تحتمل الصح أو الخطأ
لوهي صح يبقى كتر خيره
ولو غلط يبقى نحاول نشرحله خطأه في ايه بالظبط بالأدلة والحجة والبراهين
ولو ما اقتنعش بخطأه ، الناس اللي على المنتدى كلهم بتفاوت قدراتهم الاستيعابية عندهم القدرة على تمييز الصح من الخطأ وتبقى كده عملت اللي عليك وزيادة
وسوف يقوم الجميع مرغمين برفع القبعة لك واحترامك عند اعتذارك عن أي شيء غير مقصود بدر منك و اعترافك بعدم صحة وجهة نظرك (ده لو هي أساسا خطأ)
وبعدين ان غدا لناظره لقريب
2011 ان شاء الله نحضرها كلنا على خير وهانشوف الموديل الجديد و ماحدش هايفتكر أي حاجة من الكلام ده لأنها لو أكسنت هاتبقى جامدة جدا
ويا باشا المهم ماتنرفزش نفسك ويومك سعيد ان شاء الله
ألف شكر ليك يا بشمهندس على الصور...
موضوع الصور التجسسية مش بس في موديلات العربيات... لأ دا كمان في موديلات الموبيلات.. !!
و طبعاً لو كلنا did the math على رأي البشمهندس مروان... هنفهم احنا لية متخلفين!!
شكرا للرد المحترم
اولا اى حد بيكتب موضوع قبل انه يتقبل اراء الاخرين فلازم اراء الاخرين تكون بشكل مهذب و محترم و مفيش فيه تريقه
ثانيا قبل ما اى عضو يرد لازم يكون متاكد من معلوماته
ثالثا حضرتك لا تمثل لى اى شئ عشان اعيط من ردك واضح ان حضرتك متعرفش شخصيه اللى انت بتتكلم عنه و بتقول انه هيعيط
شكرا لردك و ردك ده طبعا مش هقول بعده كلام
قول لاى حد ميعرفشيا نادر واضح ان فى ناس فكره كلمه تجسسيه دى ان العربيه تبع المخابرات هههه
شكرا لردك و هى دى الردود المنطقيه
اما الواحد يقتنع بالموضوع او لا و فى كل الاحوال لازم الرد يكون مهذب
و فى النهايه
no comment
أستاذ مروان .. شكرا لردك و نصيحتك .. كلام حضرتك موضوعي و محترم جدا . و ع العموم أنا اسف للناس اللي اديقت من وجودي . بس والله أنا لا غلطت و لا اتريقت و تعليقي الاولاني خالص كان عادي جدا .. بس ع العموم أنا اسف لو كنت خليت الموضوع خد اكبر من حجمه .. معلش عملتلكو صداع .. سلام
الناس معادن
وانت معدنك نفيس وأصيل و راجل بتشتري و بتفهم وبتقدر
تبقى كده فله شمعة منورة
وبما اننا في نايل موتورز والموضوع له علاقة بالمواتير
والمواتير يعني معادن
يعني صباحوا حديد زهر و ألومينيوم
وأشكرك على روحك الرياضية :Ta_clap[1]::S_thum1[1]:
وأرجوا من الأعضاء اللي زعلوا من الأستاذ خالد انهم يقدروا اللي هو عمله ونبقى سمنة على عسل
الله أعلم العمر فاضل فيه ايه علشان نضيعه في عناد وزعل من بعض
و أتمنى من الله اني أتشرف بمعرفتكم كلكم ياجماعة وأقابلكم في النادي
http://www.nilemotors.net/Nile/101471-a.html