مشكله فى الدريكسيون ارجوكم أفيدونى

**Magdih** · 30-10-2009 02:52 PM

سيارتى أوبترا أوتوماتيك 2007. عداد السياره الآن 25,000 كم واسياره معى حوالى سنتين منذ شرائها زيرو. ظهرت عندى مشكلة صوت تزييق فى الدركسيون عند تحريكه يمينا وشمالا. يكون الصوت منخفضا جدا عند بدء القياده ويزيد مع الوقت وإستمرار القياده. أرجو الإفاده ماذ أفعل وهل هى مشكله شائعه وهل تطلب تغيير علبة الدريكسيون وهل سوف يتهرب ويماطل التوكيل لعدم التغيير فى حالة حاجة السياره لذلك. أرجوا المساعده ولكم الشكر جميعا

**Magdih** · 30-10-2009 02:53 PM

ارجو المساعده بالرد على ولكم جميعا الشكر

**egyptianmafia** · 30-10-2009 02:57 PM

if the car is still under warranty then the 3elbet el derekseyon will be replaced under warranty if your car is not under warranty anymore you will need to buy it and replace it

**Nader007** · 30-10-2009 03:03 PM

المشكلة مش فى علبة الدركسيون شوف الموضوع دا هيفيدك
http://www.nilemotors.net/Nile/89763-a.html

**Magdih** · 13-11-2009 11:30 AM

إخوانى الأعزاء. متابعة للمشكله بتاعتى أنا كنت بأعمل صيانة ال25 ألف إمبارح وقولتلهم على مشكلة الدريكسيون وبعد الفحص كان القرار تغيير علبة الدريكسيون. الحمد لله أنا فى الضمان ولكن ما يخيفنى الآن وهو سؤال لكل من غير علبة الدريكسيون لهذا السبب. هل ظهرت هذه المشكله مره أخرى. وماذا لو ظهرت هذه المشكله بعد إنتهاء الضمان (فاضل سنه تقريبا) وما هو سعر علبة الدريكسيون

**أبو عمار** · 15-11-2009 09:13 AM

بإذن الله مش هترجع تانى أنا عامل 20 ألف بالعلبة الجديدة و الحمد لله ما فيش مشاكل

**totaman** · 15-11-2009 03:00 PM

المشاركة الأصلية كتبت بواسطة أبو عمار

بإذن الله مش هترجع تانى أنا عامل 20 ألف بالعلبة الجديدة و الحمد لله ما فيش مشاكل

غيرتها فى انهو فرع يا ابو عمار

الصحراوى ولا سموحة

وهل دوخوك ولا غيروها على طول

يا ريت تفيدنى لان الصوت ظهر تانى عندى بعد صيانة ال 15000

وانا افتكرت لما قولتلهم على التزييق ده راح مزيت حاجة من تحت كدة وهوة رافع العربية

والصوت اختفى فعلا حوالى اسبوعين تلاتة ورجع تانى

**أبو عمار** · 16-11-2009 11:37 AM

المشاركة الأصلية كتبت بواسطة totaman

غيرتها فى انهو فرع يا ابو عمار

الصحراوى ولا سموحة

وهل دوخوك ولا غيروها على طول

يا ريت تفيدنى لان الصوت ظهر تانى عندى بعد صيانة ال 15000

وانا افتكرت لما قولتلهم على التزييق ده راح مزيت حاجة من تحت كدة وهوة رافع العربية

والصوت اختفى فعلا حوالى اسبوعين تلاتة ورجع تانى

الصوت ده يا باشا تزييق أويل سيل العمود الرئيسى و عيبه إنه ناشف مش أكتر عشان كده لما زيتوه الصوت وقف و بعدين رجع تانى
عموما هما فى إسكندرية ما بيغيروش حاجة فى الضمان بالساهل و كنت عرضت عليهم المشكلة و قالولى خليك معانا لما الصوت يعلى و بمتابعة مشاركات الإخوة فى المنتدى عرفت إنهم بيغيروه عادى فى فرع الهرم و فعلا كنت رايح القاهرة طبيعى و حجزت قبلها و قابلت المهندس شريف و هو راجل محترم و تم التغيير و الحمدلله