أرجوكم المساعدة بين البنك والمرور

**elazomy** · 30-10-2009 02:52 PM

أنا أشتريت السنة الي فاتت سيارة هيونداي فيرنا 1600 من فرع المصرية في أسكندرية تقسيط علي خمس سنوات ... قالولي حتدفع تأمين في الشركة التعاونية 1500 جنيه علي السيارة قلت ماشي ودفعت ورخصت العربية وتمام التمام .... قبل ما رخصة العربية تنتهي بشهر اتصلوا بيا وقالولي لو سحمت تشرفنا في فرع المصرية ( المكان الي اشتريت منه العربية )... علشان الترخيص ...
رحت لقيت بنوته حلوة هي دي المسؤلة عن شركة التأمين قالتلي حتجيب العربية يوم السبت وتدفع 2200 جنيه وبعد كده حتروح المرور ترخص ....
يا جماعة انا العربية عندي ما فيهاش خربوش مش حرام 2200 جنيه اونطا ؟؟؟ يعني أنا كده معرفش أرخص العربية من غير التأمين الهباب ده !!!!! ده انا لسه عليا ضريبة و مخالفات مش عارف نظامها أيه ؟؟؟

ألاقي عند أي حد نصيحة يمكن أخفف بيها المبلغ ... أو اتحايل علي التأمين او ينفع أأمن في شركة أرخص من كده والبنك يا تري حيرضي ؟؟؟ أنا مش عارف حد يعرفني

**samehafez** · 30-10-2009 03:50 PM

الجمعية قفلت ....
حضرتك ممكن تعمل التامين مع اي شركة تانية و تاخد منها جواب و تروح للبنك ..
بالتاكيد التقسيط ده مع بنك !؟!؟!
بس مينفعشي تهرب من موضوع التامين ده
الحل الوحيد انك تدفع المتبقي من ثمن العربية كاش

**mada121977** · 30-10-2009 05:51 PM

زى ماقال الاستاذ سامح بالضبط
التأمين اجبارى ومن شروط العقد بينك وبين البنك
والجمعيه التعاونيه طلعوا نصابين والناس راحت فلوسها وممكن تأمن مع اى شركه تانيه علشان البنك يوافق على جواب التجديد اللى بتروح بيه المرور

**m7nsh** · 30-10-2009 08:51 PM

فعلا لا مفر ,, لازم تأمن تانى سنه عشان البنك يبعت للمرور جواب بانك تقدر ترخص
مفيش غير حل واحد وهو تكييش باقى الأقساط مره واحده و لكن هيكون فى غرامه سداد مبكر ,, بس قضا اخف من قضا
انا نفس حاله حضرتك كده ,, بس هاكيش الباقى و مش ناوى أأمن ,, الحظر يتفك و اعيش حياتى
منه لله القسط ,, طالع واكل نازل واكل

**elazomy** · 31-10-2009 05:00 AM

طيب حد يعرف ويدلني علي شركة تأمين كويسة و حنينه في الفلوس شوية ... حتي لو تأمين أي كلام

**elazomy** · 31-10-2009 05:01 AM

أهم حاجة تكون شركة حنينه وخلاص ؟؟ يعني لو حيدفعوني باكو يبقي كويس
أنا أشتريت تبع سيتي بنك ؟؟؟ هل يتري البنك حيجبرني أني أأمن مع شركة معينة ولا أي شركة والسلام ؟؟؟؟

**mada121977** · 31-10-2009 02:29 PM

[QUOTE=elazomy;3872091563]أهم حاجة تكون شركة حنينه وخلاص ؟؟ يعني لو حيدفعوني باكو يبقي كويس
أنا أشتريت تبع سيتي بنك ؟؟؟ هل يتري البنك حيجبرني أني أأمن مع شركة معينة ولا أي شركة والسلام ؟

البنك مش مهم عنده شركه معينه اى شركه والسلام وممكن تشوف مصر للتأمين انا سامع انهم بياخدوا نسبه قليله

**m7nsh** · 01-11-2009 06:54 PM

اى شركه عادى ,, المهم تبقى من اللى بيتعاملو معاهم
النهرده كنت بكلم خدمه عملا سيتى بنك ( انا برده مقسط معاه ) و قالولى لسته طويله عريضه ع شركات التأمين اللى بيتعاملو معاهم ,, اغلبيه الشركات هنا شغاله معاهم عادى مفيش مشاكل