بالله عليكم حد يرد عليا مهم جدا لكل اصحاب البيتلز

**akeka0000** · 30-10-2009 03:08 PM

السلام عليكم ورحمه الله وبركاته
في البدايه احب ارجب بكل اعضاء المنتدي الكرام و بخصوصا عشاق البيتلز
انا كان عندي سوال مهم و و لما معرفتش ليه اجابه قلت اسالكم فيه باعباركم اكتر ناس هتعيش الموضوع ده عاجلا ام اجلا... و السوال هو انا امامي سياره بيتلز موديل 60 الماني حاله ممتازه و اساسيات سليمه و متركب لها سنتر و انذار و كاوتش عريض و صالون جديد و دوكو جديد و دفيره كهرباء جديده و هو البائع طالب فيها عشره اه معلش نسيت اضيف حاجه انه معهدلها شكل سبعينات
كل ده جميل بس انا الي محيرني موضوع احلال السيارات الملاكي القديمه لان في ناس قالتلي انا لو الموضوع ده اطبق مش هينفع تجدد تاني و هياخدوهل ب 5000 ج و تقسط عربيه جديده ..و نا بكده اكون خسرت 5000ج لاني لو اشترتها هشتري ب 10000ج .فياريت تفيدوني و طبعا الموضوع ده مهم ليكوا انتم كمان و لو حد عنده اخبار موثوق فيها ياريت يقولنا و يطمنا و هل لو اطبق القرار هيكون اجباري ولا اختياري.......و عذرا علي الاطاله بس بالله عليكم الي عنده معلومه مايبخلش بيها
والسلام عليكمن ورحمه الله وبركاته

**smsmxxxxxx** · 30-10-2009 06:47 PM

بص يا اخ akeka0000 انا هقول لك وجهة نظرى واللي طبقتها على نفسي
انا جايب البيتلز بتعتي بعد ما عملت حسبة صغيرة
حسبت تكلفة المواصلات للمشاوير العادية اللى بقوم بيها بصفة دورية زى الزيارات الاسرية مثلا ومدارس الاولاد
وحسبتها فى الثلاث سنوات ممكن تتكلف كام
وحسبت برضه متوسط تكلفة العربية خلال الثلاث سنوات كام ودى جبتها من ناس عندها بيتلز من المنتدى هنا
بس بشرط ان الاساسيات تكون سليمة ويادوب الصيانة العادية بس والبنزين
وجمعت عليهم ثمن العربية وثمن تجديد الرخصة ثلاث سنوات

وقارنت مبلغ المواصلات العادية مع مبلغ العربية
لقيت ان تكلفة العربية ارخص

بس خللي بالك انا مشاويري فى منطقة فيصل مع الاولاد مستحيل تركب غير تاكسي
علشان كدة العربية اوفر كتير

بالنسبة لموضوع الاحلال والتجديد
حتى لو خدوا العربية ومدونيش فلوس
انا الكسبان رحت كل مشاويري لمدة ثلاث سنوات وانا مرتاح وبتكلفة اقل من المواصلات

بس متنساش تجدد ثلاث سنوات اول ما تاخدها حتى لو فيها سنة كمل الثلاثة
علشان هما لو نفزوا موضوع الاحلال مش ممكن يلغوا الترخيصات اللى طلعت

ولو ادوك 5000 جنيه وعربية بالقسط
يبقي انتا خسرت 5000 من ثمن العربية ودى متحسبهاش خسارة لان انتا هتتكلف مواصلات اكتر بكتير فى الثلاث سنوات

فى حاجة كمان انا فكرت فيها
لنفرض انك جبت عربية موديل حديث السنة دى وبعتها بعد ثلاث سنوات
هتخسر كام
اولا هتخسر من 5000 الى 7000 من ثمن العربية سنويا
ودى حصلت مع صاحبي عنده فيرنا موديل 2007 جايبها 64000 وعارضها على 49000 ومش راضية تتباع ومبيركبهاش من ساعة ما جبها
غير مشاوير بسيطة وحالتها كانها لسة مستلمها
يعنى خسر 15000 فى ثلاث سنوات غير ثمن التامين حوالى 5000
يعنى 20000 غير الصيانة العادية بتاعتها طبعا بتتكلف اكتر من البيتلز بكتير

بأختصار
البيتلز مش هتخسرك لو تكلفة مشاويرك اكبر من تكلفتها
احسبها كويس وتوكل على الله
واعمل اللى يناسب ظروفك

بس متتغرش بشكل العربية اهم حاجة الموتور والاساسيات علشان تريحك ومتكلفكش بعد كدة

معلش طولت عليك
لانى حبيت اكتب الموضوع مفصل علشان تستفيد اكتر

وربنا معاك

-------------
محمد سالم

**ابوهاشم** · 30-10-2009 10:15 PM

انا كمان بضم صوتى لصوت محمد سالم
العربيه لو حالتها كويسه توكل على الله
وبدون تردد ومافيش خساره ولا حاجه
ولو افترضنا انك هتسلمها احلال ب5000
دى مش خساره لانك هتاخد مكانها عربيه
زيرو بسعر خيالى بدون جمارك وبالقسط
ده غير ان ان شاء الله لو نفذو الاحلال
مش هيكون اجبارى يعنى لو عاوز تحتفظ
بعربيتك مافيش مشاكل
والكلام ده مش من عندى
لان احلال التاكسيات نفسه ماكانش اجبارى
وربنا يوفقك

**gomangy** · 03-11-2009 11:27 AM

وانا بضم صوتي للاستاذ محمد واستاذ هاشم بجد اكيد انت اللي كسبان

**ahit** · 03-11-2009 12:37 PM

بسم الله ما شاء الله
تحليل ممتاز و منطقى جداً من الأستاذ محمد سالم و الأستاذ هاشم

لكن أحب أضيف إن لو مشروع إحلال الملاكى إتنفذ فإن أسعار الملاكى القديم لبعض الموديلات زى البيتلز هاترتفع و بعض الموديلات زى المرسيدس 200 اللى بتتباع ب حاجه و أربعين سعرها هاينزل كتير بردو إلى أن نصل لسعر يكاد يكون ثابت لجميع موديلات السيارات القديمه مهما كانت حالتها و نوعها زى اللى حصل فى التاكسى