الموضوع: قربت استلم اللوجان ,,,, وعندي شوية اسئلة

المشاركة الأصلية كتبت بواسطة ringoo

اولا الف الف مبروك وربنا يعطيك خيرها ويكفيك شرها
1- لف حوالين العربية كذا مرة اتأكد ان مافيش اى خدوش فى جسم العربية
2- شغل كل حاجة فى العربية انوار وكلاكس وكاسيت وتكييف ومرايات وكلوا كلوا
3- راجع على العدة والاستبن واتاكد انو نفس نوع ومقاس الكاوتش اللى راكب فى العربية
4- شهادة بيانات + ورق الإفراج و التخليص الجمركي
5- كتالوج السيارة و كتالوج الكاسيت وكتالوج الصيانة و الضمان
6- الايريال والطاسات وافتح الشنطة والكبوت وراجع على سوائل العربية
7- بالنسبة للكاسيت عادى انك تغيروا ومش شرط داخل التوكيل انت مجرد حتشيل جاك وتحط جاك
ودى شوية تقارير حتستفاد منها جدا اقراهم كويس
http://www.nilemotors.net/Nile/100465-2010.html
*
http://www.nilemotors.net/Nile/92624-a.html
*
http://www.nilemotors.net/Nile/101396-a.html
*
http://www.nilemotors.net/Nile/100109-5.html
*
ومقولتليش لونها ايه
وابقى طمنى يا باشا وان شاء الله تستلم على خير

ينفع كدة يا عم رينجو تخلص كل الكلام اللي كنا ناويين نقوله
الراجل قال كل حاجة و متنساش بقى لما تركب العربية تقول بسم الله ما شاء الله اللهم اعطني خيرها و اكفيني شرها و ياسلام بقى لو CD عليه صورة البقرة تبقى في الجون

و راضي العمال اللي هينضفوا العربية كويس قوي و طلع حاجة لله و اتوكل على الله و استمتع
بالنسبة للترخيص انت بما انك هتستلم من التوكيل فمش هيطلعلك شهادة البيانات بتاعة العربية فهتطلع على بين السرايات لان ده المرور التابع له التوكيل و تطلها بموجب الورق اللي معاك ناخد اد ايه فلوس و وقت معرفش علشان انا مطلعتهاش
الترخيص كله هيتكلف بكل الحبشتكانات و الشاي و القهوة و القرف ده في حدود من 1150 جنيه لحد 1300 لل3 سنوات

التأمين انا مامن تبع مصر للتامين تامين شامل اتكلف 2491 جنيه بس نصيحة امن قبل ماترخص علشان متحتاجش ان يجي مهندس من الشركة يعاين و مواعيد مضروبة بالنار و وجع قلب لما بتامن قبل ماتعلق نمر بيبقى معروف ان العربية ممشيتش في الشارع اصلا و بيامنوا و هما ساكتين

متتخضش لو لقيت ان كاوتش العربية مش ميشلان زي حالاتي لان رينو بتركب 4 انواع كاوتش في عربياتها و هما ميشلان و بريدجستون و كونتشتال او كونتنتال مش فاكر بالظبط و كورموران و ده اللي راكب في عربيتي

يا سلام لو تغير الهوا اللي في الكاوتش لنيتروجين سمعت انو بيخلي العربية حاجة تانية ناوي ان شاء الله اعملو بس ربنا يشفيني من داء الكسل ده :)

الاريال مش محتاجه غير علشان تظبط بيه المحطات و بس و بعد كدة كل اللي انت هتعملو انك تختار المحطة انا عملت كدة و حطيتو في البيت عندي علشان هو سهل انو يتقلب بسهولة

و اعمل حسابك على 90 جندي بنزين اول ماتطلع من المعرض علشان تفول العربية 92 و مش 90 علشان احنا بنقول يا هادي و المصنع قال 91 فزود انت و خليك 92

ده اللي انا فكرو دلوقتي و انا تحت امرك في اي استفسار انت عاوزو و اهلا بيك معانا هنا