الف مبروك ياباش سؤالى فرشت العربيه جلدفوق الوكيت بكام ومنين
علشان ان شاء الله ناوى
عرض للطباعة
الف مبروك ياباش سؤالى فرشت العربيه جلدفوق الوكيت بكام ومنين
علشان ان شاء الله ناوى
ده طلع ان موضوع الفرش ده فيه قصص لوحده ..
راجعوا الموضوع ده : http://www.nilemotors.net/Nile/94663-cps.html
انا فشت الارضيه والشنطه والكراسى وجلد نضيف جدا كل الحكايه ب 450 جنيه + 100 تركيب
ايه اخبارك يا تيست انت وحامد انتو لسه مجبتوش الغطا ولا ايه على فكره انا اخويا حد منى العربية وعمل جلد للارضيو والشنطة جامد جدا مكلفش بالمصنعية 260 بس مش فاكر فين بالضبط هبقى اكلمو واقولكم:36_1_1[1]:
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
فى سنه 1973 كان المشروع القومى للبلد تحرير الارض
فى سنه 2009 اصبح المشروع القومى للبلد لم الزباله :whtauwant:
[QUOTE=islamislam;3872101269]ايه اخبارك يا تيست انت وحامد انتو لسه مجبتوش الغطا ولا ايه على فكره انا اخويا حد منى العربية وعمل جلد للارضيو والشنطة جامد جدا مكلفش بالمصنعية 260 بس مش فاكر فين بالضبط هبقى اكلمو واقولكم:36_1_1[1]:
عاوزين نشوفك قريب يامان ونشوف الوحش بعد التعديل
بيس يمان مستنين ردك
موضوع جااااااااااااااامد جداااا ومتابع باهتمام
بعد الاتصال بالتوكيل للاستفسار عن استمرارية الضمان ، والإجابة بأن الضمان سارى طالما ما يتم تركيبه لا يسبب مشاكل فى كهرباء السيارة، تم بحمد الله تركيب بعض الأشياء ومنها :
جهاز انذار من النوع اللى هو 2-way ..
يعنى بالإضافة للانذار العادى ، فالعربية بتبعت اشارة ليا عن طريق الريموت (فيبراشن وصوت وصورة) وأنا بعيد عنها انها اتخبطت ، أو الباب اتفتح أو دارت إلخ ..
كما تم تركيب شاشة مراية + كاميرا خلفية ..
والحقيقة الشاشة دى متعددة الوظائف ..
1- تعرض صورة حية لخلف السيارة عن طريق الكاميرا للمساعدة على الركن مع وجود مقياس لبعد السيارة الخلفية عنك.
2- تقوم بعمل (كار كت) للموبايل حيث يتم ربط الموبايل عليها بالبلوتوث ثم يمكن التحدث من خلالها بدلاً من الموبايل.
3- تقوم بعمل الـ FM modulator وأكتر الحقيقة .. يعنى النوع اللى بيركب على الولاعة بيقرا الأغانى من اليو إس بى كلها ورا بعضها حتى لو 100 أغنية ، أما فى الشاشة دى فبيعرض لك الألبومات اللى انت حاططها على اليو إس بى (فولدرات) وانت تختار الألبوم اللى انت عايزه، بيشتغل برضه عن طريق الإف إم على سماعات العربية.
4- الشاشة أيضاً تعرض أفلام الفيديو.
5- بها ساعة ومنبه.
6- يمكن عرض ألبومات صور عليها ، ومزج ألبومات الصور بالأغانى
7- معها عصا ألعاب Joystick ويمكن للأطفال لعب ألعاب الأتارى عليها.
8- تقوم بوظيفة المراية ، وفيها ميزة انها أكبر (طول وعرض) فحلت مشكلة المراية الصغيرة بتاعتها، ولونها فاميه ، فالعربيات اللى منورة العالى فى ضهرك بيكون نورها هادى فى المراية دى حتى لو زينون.
الحقيقة انا مش عايز أفتى فى ذكر مميزات الحاجات اللى أنا ركبتها ، فادونى فرصة كام يوم كده للتقييم (وبرضه لفهم كل امكانيات الحاجات دى) ،
نيجى بقى للـ bad news أو الأخبار غير السعيدة ، وهى أنه لا يمكن تركيب وحدات رفع فى رينو لوجان ..
جيت معاهم يمين وجيت معاهم شمال ، ورفضوا التركيب ، لأنهم قالوا أن العربية لا تقبل وحدات الرفع.
حاولت أفهم ليه ، قالوا ركبناها فى عربيتين قبل كده ، ولم تعمل أكثر من أسابيع قليلة وتلفت ..
طب ليه يا جماعة .. الإجابة ان العربية لا تقبل وحدات الرفع .. مافهمتش حاجة أكتر من كده.
يا ريت لو حد ركب وحدات رفع فى أى مكان وشغالة معاه كويس يقول لنا لأنى شايف انها مهمة جداً والموضوع كده هيبقى غير كامل فى ظل غيابها.
الله يبارك فيك
الشراء والتركيب كان عن سبير كار اللى أمام وزارة الداخلية ..
والتركيب كان امبارح (الجمعة) صباحاً فى الروقان من الساعة 10 إلى الساعة 2 ظهراً تخللها راحة فى وقت الصلاة.
الأسعار مش فاكر التفاصيل فادينى فرصة لما أشوف ورقة الحساب من العربية لأنى لسه راجع من القاهرة من شوية وماطلعتش الكراتين الفاضية بتاعة الحاجات دى.
بس أنا دفعت كله 1265 جنيه فى جهاز الانذار + الشاشة + الكاميرا + التركيب + دواسات + عراقات
وتقريباً كده جهاز الانذار كان بـ 350 جنيه ، وتركيبه 50 جنيه
والشاشة بـ 400 وشوية والكاميرا بـ 150 وتركيبهم 80 جنيه
بس أنا هابقى أشوف الورقة واكتب الاسعار بدقة لأنهم المفروض عملوا لى خصومات كويسة ، وكاتبين السعر قبل وبعد الخصم.
وهم كمان عندهم فرش جاهز على مقاس لوجى قماش وجلد وخامات كويسة جداً بس أنا أجلت الموضوع ده علشان بأفكر أعمل فرش جلد تفصيل، حاسس انه هيبقى أشيك.
الله يبارك فيك .. وان شاء الله سأوافيكم بالأسعار الدقيقة غداً والتفاصيل تتبع ..
أنا من المنوفية ، وبالنسبة للفرش يا ترى كلفك كام عشان أعرف بس معدل الأسعار عشان ماينضحكش عليا.
ياريت الصور كمان تعبتك معايا
أكيد طبعاً هيبقى فيه صور وتقييم شامل .. بس معلش اصبروا معايا شوية ، لأنى لسه مش عارف كل الامكانيات وطرق التشغيل ، علشان بس أديكم تقييم دقيق كأن كل واحد منكم هو اللى مركبها وبيستخدمها .. يعنى اعتبروا انكم بتجربوا فيا ، عشان بس الموضوع يجيب الفايدة اللى احنا عايزينها منه ومش بس نعرض كماليات ، انما نعرض مدى جدواها وضروريتها.
الف مبروك يا زيزو وربنا يباركلك فى عربيتك
الله يبارك فيك يا رنجو ، وعقبال ما نبارك لك على الاستلام قريبا ً ..
عظيم أنا عامل حسابى فى المعدل ده برضه ..اقتباس:
حوالى 900 او 1000 بس جامد والجلد كان من عند الراجل برضه ( طبعا السعر ده شامل كل حاجة والجلد خامة نظيفة ) http://www.nilemotors.net/nile/nile/buttons/quote.gif
بس يا ترى السعر ده شامل فرش الأرض والشنطة واللا كراسى بس؟
وياترى عربيتك لونها ايه ، وايه لونين الفرش اللى اخترتهم
ويا سلام لو صورة.
بالنسبة للانذار .. فهو اسمه Spy two-way car alarm system
وهو بالإضافة لأنه جهاز انذار عادى زى الانذار اللى كلنا عارفينه، فيه ميزة إضافية وهى ان لو حاجة حصلت للعربية وصاحبها بعيد عنها ، العربية بتبعت إشارة للريموت اللى مع صاحبها وتعرفه اللى حصل فيها ، يعنى لو اتخبطت مثلاً بيظهر شاكوش على شاشة الريموت مع صفارة وفيبراشن فى الريموت ، ولو اتفتحت ، بيظهر باب بيتفتح ، ولو دارت بيظهر رسم شكمان بيطلع دخان ..
بس لازم المسافة بين العربية والريموت تكون فى حدود 300 أو 400 متر (ماحسبتهاش قوى) .. يعنى تكون راكنها جنب البيت مثلاً أو جنب شغلك ، لأن ده المدى اللى بيقدر فيه الريموت انه يستقبل الإشارة من الاريال بتاعه اللى راكب فى العربية.
وبالنسبة للصور ، فمش هاقدر أعمل احلى من الصور اللى عملها الزميل ahmed_su فى موضوعه اللى عمله عن نفس جهاز الانذار (رابط الموضوع) ويمكن الرجوع اليه للمزيد من المعلومات عن جهاز الانذار .. على اى حال الصور فى الاقتباس التالى :
وبكره ان شاء الله أصور الشاشة والكاميرا اللى ركبتهم مع الانذار ...
الف مبروك ومستنين بقيه الصور
والاسعار الدقيقه بالتركيب وكله
انا عربيتي هاف اوبشن
ركبتلها سماعتين
kenwood
300واط
السعر 260+20تركيب=280جنيه
مكان التركيب كلاريون النزهة
بس عندي سؤال هل يؤثر على الضمان تركيب سماعات خارج الوكيل و شكرا
سؤال اخر يا جماعة الرفرف الخلفي اتخبط و عاوز ارده اروح للتوكيل و لا لبره
ولو بره ممكن حد يرشحلي واحد كويس
لا يؤثر على الضمان ، وعشان تطمئن اتصل بـ 16202 واسألهم ..
أنا شايف ان الموضوع ده مش مستاهل توكيل ولو حد كويس بره يرجعه تمام ويبقى سعره حنين.اقتباس:
سؤال اخر يا جماعة الرفرف الخلفي اتخبط و عاوز ارده اروح للتوكيل و لا لبره
بس مش هاقدر أفيدك فى تروح لمين لأنى مش من القاهرة .. بس أكيد حد من الزملاء هيفيدنا.
يلى يادكتور عزت مستنين الصور والاسعار
و الله في واحد جنب بيتي جربتو في عربية اختي فورد و عربية جوز اختي لانسر 2007 و بصراحة طلع ال2 احلى من بعض خصوصا اللانسر لان بان فيها صنعته حتى الحاجات اللي بتيقى مسحوبة في الببان عاملها بنفس الساحبة
هو اسمو محمد و هو ناحية انبي في مدينة نصر لو عاوز التفاصيل بالظبط انا تحت امرك
أنا لما جيت أصور بالنهار ، صورت صورة واحدة ولقيت الكاميرا فصلت وعايزة تتشحن ، وعلى ما اتشحنت كان الليل دخل ، فمعلش أنا هاحط الصور الليلية اللى مش أد كده على وعد بصور أفضل بكره ..
وبالنسبة للأسعار الدقيقة فكانت كالتالى :
جهاز الانذار تمنه بعد الخصم 350 جنيه (ممكن ييجى أقل 10 أو 20 جنيه من التوفيقية)
الشاشة 590 جنيه والتمن بعد الخصم 500 جنيه
الكاميرا 190 جنيه ، والتمن بعد الخصم 140 جنيه
والتركيب كان 50 جنيه لجهاز الانذار ، و80 جنيه للشاشة والكاميرا
طقم دواسات 115 جنيه ، و80 جنيه بعد الخصم
والعراقات 80 جنيه ، و60 جنيه بعد الخصم
والنهارده جبت من شبين الكوم طقم دلايات سمرا بـ 35 جنيه
بس دول عايزين سمكرى يركبهم ، فهاصورهم ان شاء الله بعد التركيب
الحقيقة أنا برضه لاحظت ان اللون الفيرانى التراب بيبان فيه
ولما بامسحه باحس انه مش بيتشال بسهولة
فجبت شمع سيارة اسمه ابرو Abro car wax تمنه 20 جنيه
المفروض انه يخللى التراب والأوساخ ما تلزقش فى العربية ويديها لمعة
وأنا استخدمته على نص الشنطة وسبت النص التانى وسبت العربية من غير غطا عشان لما أشيل التراب الصبح أقارن وأشوف اذا كان فعلاً فعال فى موضوع سهولة ازالة التراب واللا لأ.
هاجهز الصور وأرفعها واحطها فى المداخلة التالية أول ما تجهز ..
مشكور جدا ومنتظرين البقيه
دى صور للشاشة
http://www7.0zz0.com/2009/11/09/23/202777388.jpg
http://www7.0zz0.com/2009/11/09/23/466053372.jpg
ودى صورة الشاشة شغالة على وضع المارشيدير ، ويلاحظ الخطوط التى توضح المسافة بينك والعربية اللى وراك
http://www7.0zz0.com/2009/11/09/23/392123430.jpg
ودى صورة الكاميرا راكبة فى الاكصدام الخلفى ، والحقيقة مش عاملة نشاذ خالص وكأنها جاية مع العربية.
ولتركيبها فى المكان ده قصة هاحكى عليها بكره ان شاء الله.
http://www7.0zz0.com/2009/11/09/23/402570785.jpg
http://www7.0zz0.com/2009/11/09/23/189041462.jpg
ودى صورة ريموت الشاشة ..
http://www7.0zz0.com/2009/11/09/23/123312614.jpg
دى صور كده تصبيرة على السريع لغاية ما أصور بكره بالنهار وأحاول أصور الشاشة فى أوضاع التشغيل المختلفة.
انا اولا ركبت طقم دلايات ب 50 جنية ثانيا شمعت العربية كلها ودا كلف حوالي 400 او اقل لاني بصراحه لسه محاسبتش علية
لا مبروك ومنتظرين بقيت الصور
دى صورة الشاشة عند بداية التشغيل :
وهى من الشمال لليمين : وضع عرض الصور ، وضع تشغيل الأغانى ، تشغيل الفيديو ، عرض صور مع موسيقى، الساعة والمنبه والتاريخ ، اعدادات ، وآخر حاجة وضع الألعاب
http://www13.0zz0.com/2009/11/10/12/910323037.jpg
ودى الصورة والفلاشة راكبه (وفوق فتحة الفلاشة فيه فتحة لكارت ميمورى)
http://www4.0zz0.com/2009/11/10/12/803990081.jpg
صورة وضع الساعة والتاريخ
http://www4.0zz0.com/2009/11/10/12/608434210.jpg
صورة الكاميرا راكبة فى الاكصدام
والمكان اللى هى راكبة فيه ده اللى هو النص بالظبط المفروض وراه فانوس إضائة فوق النمرة ، وكانوا عايزين يركبوها على جنب بعيد عن الفانوس مش فى النص بالظبط ، بس أنا لقيت ان شكلها هيبقى وحش ، فخليتهم يشيلوا الفانوس ، وهو بيتشال بكلبسات وشلته عندى وخليتهم يركبوا الكاميرا فى النص بالظبط، وتم ثقب الاكصدام عن طريق شنيور فيه بنطة مخصوصة على مقاس الكاميرا تماماً.
ويراعى عند ربط الكاميرا ان تكون عمودية تماماً على الأرض علشان خطوط تحديد المسافة بينك وبين العربية اللى وراك تكون مظبوطة فهى محتاجة فن فى الربط لأن الاكصدام فيه ميل خفيف ومش عمودى فيراعى التغلب عليه وجعل الكاميرا عمودية أثناء الربط.
http://www7.0zz0.com/2009/11/09/23/402570785.jpg
ودى صورة الكاميرا فى وضع المراشيدير والعربية اللى ورايا بعيدة
http://www13.0zz0.com/2009/11/10/12/797698696.jpg
وهنا قربت من العربية اللى ورايا والمسافة بينى وبينها أقل من 2 متر
http://www14.0zz0.com/2009/11/10/12/747552535.jpg
وأقرب من كده بتظهر أهمية الكاميرا لأن فى الوضع ده مش بتشوف حاجة خالص فى المراية العادية وكله يعتمد على توقع أبعاد العربية ، لكن مع وجود الكاميرا الوضع يختلف
فى الوضع القادم لو بصيت فى المراية العادية أو حتى لو بصيت وراك اللى هتشوفه فقط هو راس السائق اللى فى العربية الخلفية عشان كبوت اللوجان عالى ، لكن فى الكاميرا بتشوف التالى :
http://www13.0zz0.com/2009/11/10/12/505882410.jpg
وفى الوضع السابق فيى ميزة مهمة جداً برضه أنك بتتغلب على موضوع الـ Blind spot بتاعة المرايات ، يعنى لو فيه حاجة واطية يعنى عيل معدى مثلاً مستحيل هتشوفه
وده حصل وأنا باصور من شوية ، عيلين كانوا بيلعبوا وقربوا من العربية وأنا مش واخد بالى وماشفتهمش غير فى الكاميرا ولما لفيت علشان أقول لهم امشوا يا عيال عشان أعرف أصور مالقيتهمش ، ولما بصيت فى الشاشة تانى لقيتهم قاعدين ورا العربية ، ستر ربنا انى كنت واقف.
وبالنسبة لعرض الفيديو فكويس جداً وبرضه بتسمع الصوت على سماعة الشاشة أو على سماعات العربية عن طريق الـ FM
وبالنسبة لتشغيل الأغانى فهو عشرة على عشرة ، والميزة اللى أنا مبسوط منها عن الـ FM modulator انك بتقدر تختار الألبوم اللى انت عايزه فقط ، مش كله ورا بعضه
وجربت برضه ربط الشاشة بالموبايل عن طريق البلوتوث وبتظهر نمرة المتصل على الشاشة ، والرد بيكون من زرار الموبايل لكن الكلام بيكون عن طريق الشاشة فى الميكروفون الموضح بالصور.
وبالنسبة للألعاب فلسه ما جربتهاش.
الحقيقة كل ده كان عرض للامكانيات بس الوقت كان غير كافى للتقييم الفعلى
تسلم ايدك يا زيزو
صور جميلة وشرح اكثر من رائع
تسلم ايدك يا باشا على الصور والشرح الهايل دا
شرح تمام ياباشا والف مبروك