انا لسة شاري العربية اللوجان جديد بفضل الله و نصايح المنتدى
يا ريت حد ينصحني منين في الاسكندرية اجيب فرش جلد و جهاز انذار و باركنج سنسور
و اركبهم فين و اسعارهم
و شكرا مقدما
عرض للطباعة
انا لسة شاري العربية اللوجان جديد بفضل الله و نصايح المنتدى
يا ريت حد ينصحني منين في الاسكندرية اجيب فرش جلد و جهاز انذار و باركنج سنسور
و اركبهم فين و اسعارهم
و شكرا مقدما
ألف مبروك أولاً ..
وحالاً الاسكندرانية جايين ينوروك باللى انت عايزه كله ..
ألف مبروك و ربنا يديك خيرها و يكفيك شرها
الفرش الجاهز و جهاز الانذار و الباركينج سينسور هتلاقيهم فى عزبة سعد و التركيب من نفس المحل اللي هتشري منه الحاجات
لكن لو عاوز فرش تفصيل و ده طبعا أشيك و أغلى فعندك النوام في الشاطبي في الشارع اللي قصاد نادي المحافظة و فيه السجان في شارع بورسعيد عند مدرسة سان مارك كده
موضوع أكثر من رائع جزاكم الله خيرا
دايماً كان شاغل بالى موضوع تغيير الكاوتش والبهدلة والتراب المصاحبة ليه ، لغاية ما سمعت من فترة عن المنفاخ اللى بيشتغل على ولاعة العربية وتقدر بيه تزود الفردة وتمشى بيها لغاية ما ربنا يسهلها فى واحد بتاع كاوتش .. ومؤخراً لقيت واحد اقتنعت بيه واشتريته وبالتجربة الأولية فاستعماله مريح وسرعة النفخ معقولة ، ودى صوره :
http://www14.0zz0.com/2011/10/02/17/823816669.jpg
http://www14.0zz0.com/2011/10/02/17/768076400.jpg
كان معروض ثلاث أنواع : واحد بـ 50 جنيه ، وواحد بـ 65 جنيه مزود بلمبة ، وواحد بـ 82 جنيه ..
أنا الحقيقة ماعجبنيش تقفيل الاتنين الأولانين ، فاشتريت الأخير اللى لقيت تقفيله كويس جداً.
وجبت كمان الجهاز المسمى (بوليشر) اللى بيساعد فى تشميع العربية ، لقيت واحد بيشتغل برضه على ولاعة العربية وسعره مناسب (70 جنيه) فاشتريته ، ولم يتم تجربته بعد ودى صوره :
http://www14.0zz0.com/2011/10/02/17/220091854.jpg
http://www14.0zz0.com/2011/10/02/17/475138004.jpg
أنا جبت الحاجات دى من هايبر جامد جداً اسمه (مـــاكرو) على الطريق الزراعى عند أول قليوب وانت داخل القاهرة على يمين الطريق (يعنى ناحيتك وانت رايح القاهرة) ، ولو جاى من القاهرة هتضطر تعمل له يو تيرن علشان تدخل الموقف بتاعه.