يا ريت نخلى الموضوع ده مخصص لاكسسوار العروسة ..



يعنى اللى يجيب حاجة ولقاها حلوة وعلى المقاس بعد ما ركبها ومقتنع بيها ، يا ريت يقول لنا هى ايه وجابنها منين وبكام ولو أضاف صور يكون أفضل.
وده يشمل الفرش والدواسات والغطا والانذار وحساسات الركن و .. إلخ ..

أنا عارف ان فيه مقتطفات متفرقة فى المنتدى عن الحاجات دى ، وبعضها بالتفصيل ، بس يا ريت يبقى الموضوع ده إجمال للاكسسوار ..

أنا هابتدى بسؤال عن حاجة حاسس ان العربية محتاجة لها ، وهى البتاعة البلاستيك اللى بتركب فى الرفرف ورا الكاوتش عشان تمنع الطين والتراب اللى بيعمله الكاوتش انه ييجى على جسم العربية .. يا ريت لو حد شاف طقم شكله ظريف يقول لنا.