تركيب جهاز إنذار فى سيرلتو lx

**amr mokhtar** · 30-10-2009 06:34 PM

السلام عليكم

الحمد لله تم تركيب جهاز إنذار فى السيراتو
تم تركيب الجهاز يوم الأحد الماضى فى التوكيل و قلت أجربه كام يوم قبل ما أعمل الموضوع ده

فى البداية انا فكرت أركب جهاز الإنذار اللى موجود فى التوكيل و هو ماركة Cobra صناعة صينى
و كان سعره فى حدود 250 جنيه انا مش فاكر بالظبط

و بالصدفة روحت سألت عند كلاريون اللى فى سموحة و لقيت الجهاز ده
ماركة Gimini صناعة إيطالى بالكامل و محفور على كل حتة Made in Italy و سعره 500 جنيه

فقلت أتوكل على الله و أركبه و الحمد لله كان إختيار موفق

حجزت معاد بالتليفون و روحت التوكيل
بدئوا فى العربية الساعة 9:30 تقريبآ و طلعت من التوكيل الساعة 2:30 إتفرجت على فيلمين مملين جدآ على التلفزيون و الحمد لله مشيت قبل الفيلم التالت

التركيب ممتاز جدآ و بإحتراف و الحقيقة مفيش سلك باين او حاجة مش فى مكانها حتى انا مش عارف الجهاز متركب فين لحد دلوقتى

و تكلفة التركيب 250 جنيه و أخدوا كمان 30 جنيه بس مش عارف بتوع إيه
المهم كله 280 جنيه

دى صور للجهاز و المفاتيح
ميزة المفتاح ده إن مفيش فيه النيكل اللى بيسود و البلاستيك ده أعتقد انه مش بيتخدش بسهولة
الصورة الأخيرة دى عبارة عن Ultra sonic سينسور بيتركب على القوايم الأمامية و بيتوجه للزجاج الخلفى لو الشابيك مفتوحة و الجهاز الإنذار شغال و حاولت تدخل إيدك من الشبابيك جهاز الإنذار بيشتغل

**sherif2net** · 30-10-2009 07:40 PM

جهاز جميل ............ ألف مبروووووووووووووووووووك

**blackknight** · 30-10-2009 09:25 PM

بالشكل ده انا لو معايا ex او sx هضطر استغنى عن الريموت الاصلى اللى جاى مع العربية ولا فى التوكيل بياخدوا وحدة الانذار و بيركبوها علشان تشتغل مع الريموت الاصلى ؟؟؟؟؟

**amr mokhtar** · 30-10-2009 11:25 PM

المشاركة الأصلية كتبت بواسطة blackknight

بالشكل ده انا لو معايا ex او sx هضطر استغنى عن الريموت الاصلى اللى جاى مع العربية ولا فى التوكيل بياخدوا وحدة الانذار و بيركبوها علشان تشتغل مع الريموت الاصلى ؟؟؟؟؟

لا يا فندم مش لازم تستغنى عن وحدة الريموت الأصلية
فيه نوع تانى من الإنذار ده ممكن يتشفر على الريموت الأصلى بتاع العربية
بس ده سعره 600 جنيه

**YaSSerwIN** · 31-10-2009 12:17 AM

يرجى فقط التوضيح
انت اشتريت الجهاز دة من برة وركبته فى التوكيل
ولا كان موجود فى التوكيل مع الجهاز الكوبرا
الجهاز بكام وتكلفة التركيب كام

**YaSSerwIN** · 31-10-2009 08:36 AM

ياعنى هما عندهم أمكانية تركيب اجهزة من برة
اومال لية عندنا مش بيردو يركبه غير الجهاز الى عندهم بس الى هو الكوبرا

**All_New_Cerato** · 31-10-2009 12:29 PM

قشطة موت, انا بقي اضحك عليا في التوكيل و ركبولي جهاز تعبان قوي بس مش cobra جهاز معفن اسمه defender ودفعوني 600 بالتركيب!!! والمدي بتاعه و signal بتاعته ضعيفة جدا.
المهم, السؤال اللي بيطرح نفسه, ليه مينفعش اركب للLX ريموت الEX؟؟ كان ردهم عليا في التوكيل انه بينزل في العربيه بالدايره الخاصة بيه.
وعلي فكرة ياعمر انتا كدة صح انك اشتراته من بره, بس كان هيبقي فيها اية لو ركبته برة

**Beeso** · 01-11-2009 09:12 AM

مبروك على الانذار هو معروف ونا ركبته أبل كدة في عربتي بس من زمان بس ب صراحة شكل الرمت مش حلو خالص وكمان حاجة رخمة أوي انك يكون معك remoteen لل عربية حتى لو حتستخدم الإنذار أكيد
أولاً هما حرامية أوي في موضوع ٢٨٠ مصنعية تركيب بس ممكن تالي تفاصيل أكتر على الإنذار إلي بيتبرمج دة عشان أنا بصراحة مش طيء انهم منزلين العربية bremote ومش مركبين إنذار

اه ممكن تالي في أنهي توكيل ركبت الإنذار
شكراً

-

-

الموضوع: تركيب جهاز إنذار فى سيرلتو lx

LinkBack

أدوات الموضوع

عرض

تركيب جهاز إنذار فى سيرلتو lx - انشر الموضوع فى :

-

-

-

المواضيع المتشابهه

جهاز إنذار

جهاز إنذار

جهاز إنذار

تركيب جهاز إنذار للانسر الرياضيه 2007

تركيب جهاز إنذار للانسر 2007

الكلمات الدلالية لهذا الموضوع

المفضلات

المفضلات

ضوابط المشاركة