-
ماشترييتش الفيكترا 95
انا متشكر لكل الشباب اللي شاركوني موضوع الفيكترا 95 سعرها كام واخص بالشكر طناني باشا. العربية دي كانت معروضة على بـ 50000, أنا نزلت السوق النهاردة لقيت المبلغ دا يجيب موديل 98 و 99 مانيوال 1600. كنت عايز اعرف معلومات على الموديل دا زي سعره وقطع غياره. أعطاله؟ وكل اللي عنده معلومة ياريت يفيدني بيها اكون شاكر جداااا وتحياتي لعصابة الأوبل واخلاقها
-
-
السعر ممكن يوصل ل 55
اهم حاجة التكيف يكون سليم و شغال
قطع الغيار ما تفرقش فى السعر قوى عن ال 95 مش الفرق الكبير يعنى قطع الغيار موجودة إستيراد و جديد عادى جدا
دا كل الى فى بالى دلوقتى
بس العربية جميلة جدا و أحسن من مثيلاتها فى نفس سنة الموديل
-
-
انا كدا كان مضحوك عليا في الـ 95؟ ولا كان سعر طبيعي؟
-
سعر طبيعى ايه يا عم فى عربية خرده زى دى
خلاص يا اخوانا انا عايز فى عربيتى 55000 جنيه فابريكه جوه و بره مواصفات خاصه رياضية 2000 سى سى سبويلر و جنوط اسبور نازله بيهم و انا تانى مالك و الصالون زيرو و تكييف تلاجة
مش من حقى بقى
-
حاجة تانية السعر ده يجيب 1.6 بس مش ال 100% لازم السعر يعلى شويه يعنى على الأقل فوق 3000-5000 جنيه عشان تحس انك راكب عربية محترمه
انا و انا جاى دلوقتى اتفرجت على عربية واحد صاحبى شاريها امبارح فيكترا 97 - 1.6 مانيوال - لونها ذهبى غامق ( لون غريب كده ) العربية اقسم بالله العظيم و ربنا يحفظها فابريكه جوه و بره و متفكش فيها مسمار حتى فوانيس ورا بحالتها الأصلية و قدام كذلك و مش متغيرين و عامله 102000 كم و كاوتش ميشلان و بطارية جداد
بس هو خداها غالية لحالتها الشاذه خدها ب 60000 بس العربية مش عايزه جنيه مصاريف
-
ايوا ياباشا دي بتستاهل 60000
-
لأ للأسف الرقم ده عالي عليها جدا.. و صاحبها مكانش هيعرف يبيعها بالسعر ده لو كنت سيبته شوية..
عشان كان في واحدة للبيع بس مشوفتهاش.. موديل 99 1.5 الف كم فقط لونها كحلي فبريكة برة و جوة.. تاني يد.. صيانة دورية.. كان مطلوب فيها 49 الف جنيه و معرفش يبيع بسرعة كمان..
و التكييف شغال و كل الكماليات شغالة بكفاءة..
معني كده انها لو احسن حالة في الدنيا.. و تقريبا نفس المواصفات.. متزيدش بأي حال عن ال55 الف جنيه.. و هاقولكم مثل كمان..
واحد قريبي كان معاه فيكترا 2000 برضه 1.6 مانيوال.. و مكانش فيها حاجة محتاجة تتعمل خااااااالص.. ولا الهوا فعلا كانت تحفة.. (كنت هاشتريها منه اصلا بس النصيب بقي.. :) ) و الكلام ده من حوالي 5 شهور.. و اتباعت ب 56.5 و الكلام ده قبل ما الاسعار تقع قوي زي دلوقتي..
الخلاصة.. السعر باي حال لا يزيد عن ال55 الف في الموديلات اللي قبل 2001.. من اول 2001 لحد 2003 و الكلام كله علي 1.6 مانيوال لا تزيد عن ال60 ابدا..
-
Content Relevant URLs by
vBSEO 3.6.0 PL2