الحمد لله علي كل شيء..........التيجو اتخبطت يا جماعة

**akramesg** · 05-11-2009 03:30 PM

حمدآ لله على السلامه يا باشا بس سؤال بايخ هو اللانسر طالت غطا الاستبن ازاى دة عالى قوى (اكيد فوق وش اللانسر) !!!!

ممكن يكون كبوته اتفتح ودة اللى طاله مش لاقيلها تفسير تانى

**hamada441973** · 08-11-2009 03:14 PM

الف سلامة اللي يجي في الحديد ميهمش يتعوض اهم حاجة نفسيتك تكون تمام

**mantoros** · 09-11-2009 11:16 PM

انا نفسيتي تمام طبعا !!
من عرف الله يا سيدي و رضا دائما بقضاءه لازم يبقي تمام
مهما كان انسان و بيخطيء و يذنب و لكن طالما ربنا بداخلك يبقي اكيد راضي و مبسوط حتي لو بموت
و ربنا يكرمنا و يحفظنا جميعا

اما بخصوص اللانسر.....انا مكنتش موجود و مشفتش ...بس اللي شفته في خبطة السيارة بعد كدة و اللي فهمته من زوجتي ان السيارة اللانسر نزلت تحت الاستبن عشان كدة كسرت الرفرف بتاعنا و اعلي الكبوت بتاعه اتخبط في الاستبن و كسر غطاء الاستبن

و الف حمد و شكر لله علي كل شيء

و السلام عليكم

**ahmatar** · 11-11-2009 09:32 PM

الف سلامه

**pinkfloyd** · 26-11-2009 12:02 PM

الف سلامة يا باشا
ربنا يحفظك ويعافينا كلنا

**attiahf** · 26-11-2009 04:43 PM

ارجو انك ما تغيرش رايك فى العربية لانى حجزت العربية بعد ما سمعت ارائك عن العربية
هى اخبارها اية دلوقتى.....ماشية كويس والا السحب فى مشكلة زى ما سمعت من بعض الناس
شكرا

**maged** · 26-11-2009 08:39 PM

انا واحد قريبى معاه تيجو واتخبطت منه مرتين من ورا برضه مره عربيه نقل والمره التانيه ميكروباص المره الاولى صرفت 17000 والمره التانيه 14000 على التامين
ونصيحه هو قالى ان التوكيل اللى صلح فيه المرة التانيه افضل وهو اللى فى جسر السويس لانه جرب الفرع الرئيسى فى الحادثه الاولى وقالى انهم مش كويسين
وموضوع ان الحادثه بسبب العين طبعا لو كانت العين هى السبب يبقى العربيه هتتخبط كل يوم ربنا يسترها معانا جميعا

**mohamedhamam** · 27-11-2009 01:00 AM

الحمد لله على سلامتكم و قدر الله و ماشاء فعل و المهم انكم بخير و اللى يجى فى الريش بقشيش زى ما بيقولوا

**kottaelmasry** · 30-11-2009 10:57 PM

ربنا يحفظنا جميعا
دايما تقولوا دعاء الركوب عند دخول السيارة وبالذات الناس اللى لسه جايبه عربيات
ودايما تحمدوا ربنا انكو راكبيين عربيات لان غيرنا متشعبط يا اما فى مكروباص او اتوبيس
موضوع العين ده طبيعى ( لان اللى قدامك مايعرفش حاجه عن الدين لما بيبص لك اوبيبص على عربيتك ) والكلام ده لينا كمان لما نشوف عربيه كويسه نقول بسم الله ماشاء الله اللهم بارك
فيقول لك الملك ولك بالمثل

**mantoros** · 06-12-2009 04:01 PM

المشاركة الأصلية كتبت بواسطة attiahf

ارجو انك ما تغيرش رايك فى العربية لانى حجزت العربية بعد ما سمعت ارائك عن العربية
هى اخبارها اية دلوقتى.....ماشية كويس والا السحب فى مشكلة زى ما سمعت من بعض الناس
شكرا

يا باشا انا حبيت العربية اكتر بعد الخبطة لانها و الحمد لله صانت زوجتي و حمتها و لو كانت سيارة سيدان كانت هتكون الاصابة في السيارة كمن اكتر من كدة

......الحمد لله
و السحب مممممتاااااز و الحمد لله........السيارة وحش كاسر

ربنا يبارك فيها

و انا بقول تاني: اللي مش هيلحق يشتريها يبقي يقابلني لو عرف بعدين يجيبها لانها افضل سيارة بالامكانيات دي و السعر ده شافها السوق المصري

و اللله الموفق