الحمد لله علي كل شيء..........التيجو اتخبطت يا جماعة

**mantoros** · 31-10-2009 02:37 AM

العربية واقفة في امان الله علي كوبري الجامعة الساعة 3 العصر و الطريق زحمة و الكوبري واقف و واحد ابن حلال دخل في العربية من ورا بسرعة !!!!!!!!!!!!!!!!!!!!!!!
الباشا مشفش ان الطريق واقف ولا سرحان ولا ايه !!!
الحمد لله علي اي حال
غطاء الاستبن اتكسر و الاكصدام اتشرخ شرخ بسيط يعني
بس اللانسر بتاعته وشها باظ و الكبوت
ربنا يستر و الباب اللى ورا للتيجو ميكونش اتبهدل من جوة مكان ردة الاستبن فيه
لما افضي ان شاء الله هروح التوكيل يفكوا قلب الباب و اشوف

اهم حاجة ان مراتي بخير و الحمد لله يدوب بس صداع شديد يومين من جمودية الخبطة.... و ربنا يستر علينا جميعا يا رب و يكفينا شر الطريق و العين و الناس و اللانسر و غيرها
الحمد لله انها جت علي قد كدة و ان السيارة عالية
و ربنا يستر

"فالله خير حافظا و هو ارحم الراحمين"
صدق الله العظيم

ربنا يسلم طريقنا و طريقكم جميعا

و الله الموفق
و السلام عليكم

**Hacker5** · 31-10-2009 02:54 AM

حمد لله على سلامة زوجتك يا شامل باشا
العربيات دى بالذات عليها عين جامدة
و واضح من كلام حضرتك ان الخبطة مش جامدة اوى و كويس ان العربية عالية و قوية
ربنا يستر طريقنا كلنا