-
تانك بنزين الدوجان
السلام عليكم ورحمة الله وبركاته
طبعا ياجماعه انا لسه جايب دوجان قريب
وفيه موضوع شاغلنى ومش فهمه اتمنى الاقى الرد عندكم
العربيه اول ماجبتها اللمبه بتاعت البنزين كانت بتنور وتطفى
وفضلت ماشى بيها يومين مشاوير بسيطه وهى كده
لحد مالقيت اللمبه منوره على طول مش بتطفى
وهنا ادركت ان البنزين خلص
روحت فولت لكن لقيت التفويله كلها 33 لتر بس
اللى انا سمعته ان التانك سعته 50 لتر
هل معنى كده ان التانك مش 50 لتر ولا حاجه
ولا اللمبه بتبقى منوره على طول ولسه فى بنزين كتير فى التانك
ياريت تفيدونى بتجاربكم لان الموضوع ده مهم جدا
-
انا التنك عندي بياخد حولى 40 -45 لتر
انتا موتورك كام سي سي
-
-
هو فعلا التنك بياخد 50 لتر منهم7.5 لتر احتياطي يعني المفروض اول ما اللمبة تنور تعرف ان كدة الأحتياطي هو اللي شغال علي العموم غالباً انة كان في شغل في عوامة التنك والصنايعي اللي بيقفلها رفع العوامة زيادة عن العلامة علشان كدة بتنور بدري مش أكتر يعني دلوقتي عندك سعة التنك برضة 50 لتر منهم 23 لتر أحتياطي (: يعني بعد اللمبة لما تنور خليك فاكر لسة في 23 لتر في التنك وتكبر دماغك منها .....أو ممكن الكهربائي يحاول يرجهعا تاني بإنة يفك العوامة القديمة ويظبطها صح علي مقاس عوامة جديدة او تغير العوامة خالص هي تمنها حوالي 50 جنية جديدة والأستيراد بتقل النص بس مش مضمونة. اة صحيح ممكن البالونة بتاعة العوامة مخرومة وعايزة تتغير ودي ب 5جنية بس (:
-
الف مبروك عليك السيارة يابو هاشم ربنا يديق رزقها ويكفيك شرها
انا مثلا له شارى من اسبوعين ريجاتا موديل 90 والسى سى 1500
وكانت اللمبه منورة بس لما فولتها كان 38 لتر ولحد الان انا معرفش مساحه التنك عندى كام لتر انا كنت قرأت بيان تفصيلى عن السيارة الريجاتا ان تنكها حوالى 55 لتر لكنى مش متأكد
علشان كده اتمنى مشاركتك للسؤال عن حجم تنك سيارتى الريجاتا الصحيح
-
اللمبة بتنور لما التنك يفضل فيه 10 لتر تقريبا
-
انا سمعت انها بتكون مسائلة نسبة و تناسب ( بس مش عارف صحة الكلام دة )
يعنى الموتر1500 سي سي بيكون التنك 50 لتر
1600 سي سي التنك 60 لتر
و الله اعلم
-
اشكركم على الردود
بكره ان شاء الله هروح للكهربائى يشوف العوامه
Content Relevant URLs by
vBSEO 3.6.0 PL2