منورنا ياباشا
عرض للطباعة
منورنا ياباشا
طيب اولا انا آسف على التأخير ظروق شغل والله بس التفاصيل اهيه
العربيه فيكترا بي موديل 1998 1600cc مانيوال المكنه السودا
اللون ابيض
العداد قاري 113300 بس اعتقادي العربيه عامله اكتر من كده
الحاله فابريكه جوه و تكاد تكون فبريكه بره بإستثناء رش فرن كامل و شغل فالأكصدامات و أكيد حاجه كمان مش باينه
الحمد لله رب العالمين الكهربا و الحراره تمام (فيها ترموستات بتاع الكورسا بيخلي دورة الميه سريعه و ده بيخلي العربيه بارده)
الفوانيس الأماميه ديبو (dipo) الحته الواحده و الخلفيه فبريكه و بالمناسبه الديبو مفيهوش مواتير تعلي و توطي و ده عاملالي مشكله
الكاسيت بايظ تماما
بعض الإصلاحات و المصروفات
غيرت عصاية فيتيس عشان كت مبوشه و تمنها استعمال 350 بعد الواجب و التركيب 50 بعد الواجب
تظبيط و تزيت الإزاز الكرباء قدام (ورا مفيش) 20
تظبيط مقابض الابواب الاماميه عند السروجي عشان كانت رايحه فداهيه 20
بوجيهات جديده gm الماني الطقم 125
فلتر هوا gm مصري 40
فلتر زيت مش فاكر نوعو ولا تمنه
زيوت و تشحيم و الذي منو فالبنزينه و غسيل القطيفه الاموره الي لوحدها كانت ب 100 جنيه و شكلها مبقاش حلو قوي بردو بس احسن (قالولي بعد كده تتعمل ببخار ميه عند مش عارف مين كده)
ظبط زوايا و ترصيص (بتاع الترصيص قالي ورا مفيش داعي زنيت عليه اتمسك برأيه فقولت
أشوف)
MP3 Pioneer deh-2150ubg صيني 630
pioneer 400 watts سماعات 300
كابلات (اعتقد سوكيت للجهاز عشان لما يتفك الفابريكه يرجع بسهوله) 100
تركيب و قطع فالصاج ورا 75
بعض الإصلاحات المطلوبه
بليه كومبريسور تكيف او كمبريسور جديد (ممكن بتاع الدايو يركب و يبقى تمام) و السعر الي اتقالي 500 بس اعتقد ده بتاع الدايو مش الاوبل و بيقولو اقوى بس مش عارف و على فكره المكيف شغال و بيسقع بس الكمبريسور بيعمل صوت وحش
العفشه ورا واضح انها عايزه مساعدين عشان صوتها مش حلو فالمطبات ده غير اني اعتقد ححتاج بلي للعجل مش عارف انهو و الله اعلم إيه كمان
الجنوط حديد 14 و فيها اعوجاجات خاصة الي قدام يمين عايز يتغير بيرعش خفيف على سرعة 100 بفكر فجنوطها الاوبل الرياضي ال15 بس مش عارف بكام او أجيب الفرده البايظه دي حديد بردو و خلاص
الكاوتش GT و انا مبحبهوش ده حتى ساعات بيبقى جديد و مهيس
الطنابير الحمد لله رب العالمين كويسه التيل بإذن الله على شهرين كمان كده
شاشة الكمبيوتر مقطعه عايز اعملها بإيدي عشان الكهربائيه الحلوين ميبوظوش حاجه فالعربيه و هما شغالين اللهم احفظنا
العربيه عملت 50300 غير المصاريف المذكوره و رخصتها تخلص فمايو القادم انشاء الله فخدتها بتوكيل
اتمنى اني اكون وضحت و لو في اي اسئله انا موجود
بس ازاي ممكن تكون ماشيه اكتر من كدا ملعوب بلعداد ولا ايه
اولا مبروك على العربية وعيزين نشوفك يوم الجمعة الساعة خمسة فى الربوة على اساس انك اجدد المنضمين الى المجموعة ونقيم العربية لو حبيت
اه شكلها كده ملعوب فالعداد و بالنسبه للمقابله حبيب قالي عليها انا بس فإسكندريه حشوف لو اقدر آجي على حسب ظروف الشغل و ربنا يسهل عايز اقابل الناس الحلوه دي
ا ن شالله ياباشا تقدر تيجي
و الله يبارك فيك يا تامر
لعلو خير ان شالله