الحمد لله أكتشفت العيب ومش هابيع خلاص

**ZAMALEKALX** · 31-10-2009 11:01 AM

أولا أنا بحب أشكر المنتدى الجميل المتعاون وتحديدا الأستاذ superiorboy :
أنا كانت عندى مشكلة فى سحب العربية وعرض المشكلى على المنتدى وفعلا لقيت ردود وتانى أنا يشكرهم واللى عاوز يعرف المشكلة تحديدا موجود فى الموضوع ده أرجو المساعدة مشكلة محدش عرف يحلها fista98 ( 1 2 .

المشكله كانت فى علبة البيئة اللى راكبه بعد الموتور تحت الأكسجين سنسور والله يا جماعة المشكلة دى ولا واحد من عتولة الفورد عرفها وصرفت أكتر من 600 جنية علشلن كل واحد يقول حاجة أعملها .
اللى عرف المشكلة واحد بتاع شكمان لما رحتلوا على شان يفتح فتحة قبل العلبة يمكن المشكلة من العلبة اللى فى الأخر .
بعد ما جربت ومفيش نتيجة قاللى مفيش غير علبة البيئة مخدش على كلامه وكلمت الميكانيكى بتاعى قاللى لا مش كدة خالص الموتور ده عاوز شغل .
قررت يوم الجمعة أبيع العربية فى السوق بس النتيجة كانت وحشة خالص لما سمعت الأسعار ، قرار البيع أتلغى من دماغى وقلت هيا خربانة خربانة وطلعت على بتاع الشكمان أسمة طارق فى الحى العاشر مدينة نصر قولتله فك الشكمان وطلع علبة البيئة والله الموضوع كله مخدش منه عشر دقائق بالكتير ربع ساعة .
وأول مرة أشوف وأسمع البيرفورمنس بتاع عربيتى كدة ( ما شاء الله )
أنا حبيت زى معرضت المشكلة طبعا أقولكم على الحل واسف طولت عليكم وألف شكر

**tabeb** · 31-10-2009 12:14 PM

مبروك
علبة البيئة تعمل كل ده؟

**reamoz** · 31-10-2009 12:38 PM

الحمد لله انك عرفت الحل وإنشاء الله ربنا هيعوض عللك في اللى إنت صرفتة ويكون بفايدة
وجزاك الله خير انك نشرت حل المشكلة علشان لو حد تاني اتعرضلها يلاقي الحل في موضوعك وتاخد ثواب

**ZAMALEKALX** · 31-10-2009 05:37 PM

والله هو دا السبب اللى دعانى أنشر الموضوع ده أن الناس تاخد بالها وتحاول تلم أيه هى الحاجات اللى بتأثر على الموتور والسحب أنا مش متخصص بسي أسأل مجرب .......

**ZAMALEKALX** · 31-10-2009 05:40 PM

يا باشا أكتر من كدة ولو كنت معايا وشفت الفلتر دا شكلو اية هتصعب عليك العربية أولا أسود جدا ومسدود والراجل بتاع الشكمان كان بيكسر فية كأنو حجر سادد مكانو هو شبة الشعب المرجانية لو حد عارفها وفية أخرام كتيييير وطبعا 80% منهم مسدودين .

**petereleia** · 01-11-2009 02:39 PM

ممكن تقولي مكان بتاع الشكمانات دة فين بالظبط وكمان الميكانيكي اللي عنده جهاز كشف الاعطال
هو انت كنت يتتعامل مع مين في الحرفيين؟؟؟

**aYaBooY** · 01-11-2009 06:31 PM

الف مبروك حل المشكلة

**esloob** · 01-11-2009 10:55 PM

ع البركة

**ZAMALEKALX** · 04-11-2009 05:27 PM

ربنا يكرمك يا aYaBooY وأنا كنت مستنى ردك دا من زمان أنا متابع معاك كل ردودك وفعلا بتعجبنى .

**m_s_h_a** · 06-11-2009 11:27 AM

هى دى مشكلة الفورد فى مصر محدش فاهم فيها بالشكل المطلوب حتى التوكيل اجتهادات ربنا يحفظها لك

الموضوع: الحمد لله أكتشفت العيب ومش هابيع خلاص

LinkBack

أدوات الموضوع

عرض

الحمد لله أكتشفت العيب ومش هابيع خلاص - انشر الموضوع فى :

-

-

-

-

-

المواضيع المتشابهه

خلاص ركبت الحمد لله

بعت افليشيا خلاص الحمد لله

خلاص هابيع الشاهين موديل 2008 - 1400 سي سي ب 15000جنية فقط

الحمد لله خلاص حجزت m11

استلمت السيتي خلاص - الحمد لله

الكلمات الدلالية لهذا الموضوع

المفضلات

المفضلات

ضوابط المشاركة