سؤال لمالكي الياريس ايلي ركبوا فوانيس شبورة
الاخوة الافاضل مالكي الياريس...وايلي اضافوا فوانيس شبورة في التوكيل او برة التوكيل...
انا عرفت من خلال بعض المواقع الاوروبية ان الياريس ايلي بتنزل من غير فوانيس شبورة بتكون اصلا متجهزة لتركيب فوانيس شبورة ....بمعني انك مش هاتحتاج تمد كابلات من خلال جدار الحماية من النيران وايلي بيفضل الكابينة عن صدر العربية..Firewall
كل ايلي بتحتاجة ...الريلاي بتاع الفوانيس وتوصيل الفوانيس نفسها علي البطارية خلال صندوق الفيوزات و توصيل المفتاح من الداخل....ولو تم التوصيل بالطريقة دي....لمبة بيان فوانيس الشبورة ايلي موجودة فعلا في الطابلوة بتشتغل مع الفوانيس وبتعرفك اذا كانوا مفتوحين ولا لا...وطبعا بيكون في مفتاح مخصوص للفوانيس
انا فعلا شفت اللمبة دي عندي في التابلوة...بس طبعا مش شغالة لاني مش مركب فوانيس شبورة....وسؤالي ...للاخوة ايلي ركبوا فوانيس الشبورة...هل فعلا تم التركيب زي ما وضحت اعلاة ولمبة البيان في التابلوة شغالة ....ولا الوضع مختلف...
مفتاح الفوانيس ...ياما بيكون مفتاح منفصل (الاغلب) او بيتم تغيير ذراع الاشارة وايلي فية مفاتيح النور العالي والواطي بذراع فية دوراة لفوانيس الشبورة (بس دة موجود برة وغالي وعلشان كدة الناس بتعمل مفتاخ منفصل)
شكرا مقدما
