-
عايز احجز صيانة
السلام عليكم
يا جماعه عايز احجز لصيانة 5000 في فرع ابو رواش .. ممكن الرقم اللي هحجز منه ؟؟
وكمان لو حد تكرم يوصفلي الطريق عشان انا هروح من المنصورة .. يعني انا هوصل لحد الدائري بعد كدة اروح منين :ask:
طبعا انا مش عايز اروح الغد عشان في حاجات عايز اقولهم عليها و حاسس انهم هنا مش هيعملو اي حاجة
(المالتي بدأت تهيس :36_6_3[1]: .. خبطة في الدركسيون مع الملفات و التكسير .. الجهاز اللي بيتحكم في الأنوار بيهيس برضة :36_1_2[1]: )
لو رحت الغد ممكن يعملو الحاجات دي .. ولا اخدها من الاخر و اروح عز العرب !
و شكرا مقدما :36_1_1[1]:
-
نسيت اقول كمان في صوت هوا جامد بيدخل من الباب اللي ورا علي اليمين بعد سرعة 100 .. ده ليه حل ولا ايه !!
-
وعليكم السلام ورحمه الله وبركاته
------------------------
اولا : الف مبروك على اول 5000 وعقبــال الــ 500,000 ان شاء اللهhttp://i122.photobucket.com/albums/o...owerysmile.gif
رقم الحجــز : 0117872000
كلمها الصبح واحجز معاها بس خلى معادك بدرى ... عشان تكون من اول اليوم ...(وابعد عن يوم السبت والخميس)
-----
وصف الطريق ... الصراحه مش عارف ازاى ... البروتوناويه هيفيدوك
-----
المشاكل :-
-------
المالتى فانكشن : اظن انه هيكون عاوز يتنظف بس ... وهيرجع زى الفل ان شاء الله
خبطه فى الدريكسيون : ممكن يكون فى حاجه فى علبه الدريكسيون (بتتغير ضمان)
الجهاز اللي بيتحكم في الأنوار : (قصدك موتور الفوانيس اللى بيعلى ويوطى ؟؟؟) لو دا وفيه مشكله يتغيرلك ضمان .
صوت هوا جامد بيدخل من الباب : اسالهم هناك (ممكن يكون مشكله فى الكاوتش بتاع الباب)
-----
ان شاء الله كل المشاكل تتحل ... وربنا يباركلك فيها ويحفظهالك ويكفيك شر الطريق يارب ... وعقبال الــ 100,000 بالخير ان شاء الله
تحيــــــــــــاتـــىhttp://i122.photobucket.com/albums/o.../th_eclown.gif
-
شكرا يا أيمن باشا .. هكلمهم بكرة ان شاء الله .. ويارب بس يعملولي الحاجات دي و ميبقاش في مشاكل ان شاء الله ..
-
السلام عليكم ورحمة الله وبركاته
بالنسبه للطريق انا ممكن اساعد حضرتك فى الوصف على ادى
حضرتك وانت جاى من المنصورة هتتطلع الدائرى من عند غبور وهتفضل ماشى لغاية ماتلاقى مخرج من الطريق الدائرى ينزلك نزلة ميدان لبنان ومنها هتلاقى اليفط بتوجهك للمحور حضرتك هتطلع المحور وهتخرج من اول مخرج منه وده اللى بيودى الى طريق الاسكندرية الصحراوى بعدها مش هتمشى كتير هتلاقى على يمينك توكيل عز العرب قبل داندى مول على طول .
يا رب اكون افدتك ولو حد من الزملاء عنده وصف ادق اكيد هيسهل الموضوع اكتر .
سلامى للجميع
-
شكرا ahmedfathy77 .. كدة تمام أوي ..
Content Relevant URLs by
vBSEO 3.6.0 PL2