اتقلبت مرتين في خلال ساعتين

**Michael_Lanos** · 01-11-2009 10:51 AM

احم حاجه انك سليم ونمت وسط اهلك
ده بفلوس الدنيا كلها يا مان

**kasten** · 01-11-2009 02:53 PM

لااله الا الله
قدر الله ماشاء فعل

**MMamdouh** · 01-11-2009 03:29 PM

يا عم خضينتى... انا افتكرتك اتقلبت من "الانقلاب" مش "التقليب" و قلت ايه النحس دة... واحد يتقلب مرتين فى خلال ساعتين فقط؟؟؟

الحمد لله ان ظنى طلع غلط... و عوضك على الله... متنساش تقول حسبى الله و نعم الوكيل

MMamdouh

**أبو صلاح** · 01-11-2009 03:47 PM

المشاركة الأصلية كتبت بواسطة mmamdouh

يا عم خضينتى... انا افتكرتك اتقلبت من "الانقلاب" مش "التقليب" و قلت ايه النحس دة... واحد يتقلب مرتين فى خلال ساعتين فقط؟؟؟

الحمد لله ان ظنى طلع غلط... و عوضك على الله... متنساش تقول حسبى الله و نعم الوكيل

mmamdouh

+11111111

**R A N A** · 01-11-2009 03:51 PM

المشاركة الأصلية كتبت بواسطة MMamdouh

يا عم خضينتى... انا افتكرتك اتقلبت من "الانقلاب" مش "التقليب" و قلت ايه النحس دة... واحد يتقلب مرتين فى خلال ساعتين فقط؟؟؟

الحمد لله ان ظنى طلع غلط... و عوضك على الله... متنساش تقول حسبى الله و نعم الوكيل

MMamdouh

نفس اللي جه في دماغي بالظبط

وقلت لا حول ولاقوة الا بالله اكيد هادخل الاقي حادثة مفزعة (بعد الشر عن حضرتك طبعا) وربنا يستر على العربية وصاحبها يكون سليم

بس الحمد لله ان الموضوع طلع حاجة تانية

عموما ربنا يعوض عليك وياريت تخلي بالك من موضوع المشي العكسي ده بعد كده عشان هما ساعات بيرخموا وبيطلعوا من تحت الارض عشان يفاجئوا الناس بجد.

وبالنسبة للعلامات حصلت معايا مرة ونزلت من الشغل برده وكنت راكنة العربية في الشارع اللي ورا شركتي (مع انه شارع مأهول وقدامه مدرسة وكشك وناس متواجدة يعني) لكني روحت لاقيت العلامة اللي ورا مسروقة وحروف كلمة هيونداي نصها مش موجود والباقي الظاهر معرفش يخلعه او ملحقش وطبعا تنكدت جدا واضطريت يومها اروح اشتريهم من ش دمشق بس الحمد لله مكانوش غاليين اوي كده زي علامات عربيتك علامة هيونداي اللي ورا كانت ب 40 جنيه وكلمة هيونداي على بعضها كانت ب 20 جنيه والحمد لله خليته يلزقهملي كويس ومن ساعتها وانا بخاف اركنها في الشارع ده وبقعد الف عشان اركنها في نفس شارع شركتي.
منهم لله اللي بيسرقوا العلامات دول وفي الاخر بيبيعوها بكلام فارغ

.
عموما حمد الله على سلامتك مرة تانية والحمد لله انها جت على اد كدة وبس .

**Hossam_123** · 01-11-2009 04:09 PM

روح اعمل بلاغ باللي حصل بالظبط

**khalid_adel** · 01-11-2009 05:22 PM

يانهار ابيض بجد انا ا اسف ليكو كلكو مش عارف اقول ايه بس كل مره انا اقراها انطقلها اتقلْبت ماجاش خالص انها كده غلط وناقصه شده
هو صحيح الشده بتيجي بحرف ايه في الكيبورد ًََُ ُ ٌ ٌ مش لاقيها برضه :):):)
ياريت لو المشرف لقى الشده دي يظبط الكلمه عشان حرام اللخبطه دي
انا الصراحه مستحرم اجيبهم ب 450 ويتسرقو تاني بس في نفس الوقت مش طايق منظرها كده شكله غلط :( مش عارف اعمل ايه وكان في موضوع عن حمله للعلامات المسروقه بس للاسف ملاقيتش حل نهائي ينفع عندي بالذات لان العلامه اللي قدام في الشبكه وكده ممكن يجي يفكها لو معرفش يكسرلي الشبكه
وبالنسبه للعكسي بجد في شوارع مفيهاش علامه او تدخل انت من شارع متقاطع مع شارع ومتعرفش انك كده عكسي وفجأه يطلعولك يقولولك انت كده عكسي
لسه واحد صاحبي كان واقف بياكل عند الملكي (راكن) وطلع من شارع متفرع وركن قصاد المالكي ومخدش باله ان كده واقف باتجاه العكس المهم دفع المعلوم واخد الرخص طب ده بقي ذنبه اييييه؟؟؟
مش حقول غير حسبي الله ونعم الوكيل