الموضوع: المفتاح ضاع :((((

المشاركة الأصلية كتبت بواسطة adel152

عربيتى كانت جاية فيها ريموت للسنتر. رحت للكهربائى وطلبت منه يركبلى جهاز انذار لما بص فى العربية قالى ان العربية موجود فيها الجهاز لكن بدون سارينة وممكن أشغلك كلاكس العربية مع الأنذار الموجود. لما عمل التوصيلة اشتغل الكلاكس. كل ماافتح الباب من الرموت الكلاكس يضرب مرة ولما اقفل يضرب مرتين. بس ماعجبنيش الصوت فطلبت منه يركب سارينة للانذار. ركبلى سارينة (أنظر للصورة المرفقة) بتعمل كذا صوت مختلف لما الأنذار يشتغل. السارينة كان سعرها 20 جنية. وركبها تحت الرفرف الأمامى شمال. كل ده أخد منه تقريبا ساعة.
أرجو أن أكون قد فيدتك فى هذا الموضوع
للعلم عربيتى 2010 خليجى مش شركة.

خلاص انا موضوع السرينة ده اتحل الحمد لله
وانا متشكر جدا

المشاركة الأصلية كتبت بواسطة ramiy

عزيزى
يمكنك شراء نسخة اخرى من المفتاح و عمل برمجة له باى من فروع التوكيل بغبور
لازم يكون معاك النسخة المتبقية لعمل برمجة كلا من المفتاحين معا
اما ثمن المفتاح الخاص بسيلرتك مختلف فهو مكون من ثلاث اجزاء
الجزء المعدن و جزء الريموت و بنز التثبيت
اولا لابد من شراء مفتاح خام
ثانيا الذهاب الى اى من اماكن تشغيل عمل المفاتيح ( فتح السنون )
ثالثا الذهاب الى التوكيل لعمل البرمجة لكلا المفتاحين
رابعا التكلفة مفتاح خام كامل 1200
برمجة مصنعيات 150
اهم شئ ينبغى احضار ما يثبت انك مالك السيارة
حيث لا يسمح فى التوكيل لاى شخص غير المالك بعمل نسخة لدواعى الامن و الامان لصاحب السيارة نفسها

طيب واحدة واحدة عليا
انا دلوقتي هغير السنتر ... ومش هغير الكوالين
لأن زي ما عرفت ان الباب لو اتفتح من غير الريموت .. او بالمفتاح يبقى الانذار هيشتغل
وبالتالي انا المفتاح الكمبيوتراللي معايا هعمله نسخة منغير الريموت .... دي لوحدها تتكلف اد ايه ... ومنين اجيب المفتاح الخام ده
وانا شاكر لكل للي رد عليا

انا عملت نسخة من المفتاح الاحتياطي عند واحد عادي بتاع مفاتيح بدون برمجة طبعا ولا اي حاجة
والغريب ان المفتاح فتح الابواب ودوَر العربية .. والمفروض ان شاء الله هغير الانذار بروموتين جداد اليومين اللي جايين دول ....
انا متشكر لكل اللي ساعدني ... وكان ليا سؤالين
هوا ضياع واحد من المفتاحين ده ممكن يأثر على سعر اعادة البيع ؟؟؟
وبعدين انا ركبتلها وحدة رفع بس لاقيت الازاز بيقفل مع السنترلما يقفل من جوه مع الفرملة هل ده عادي ؟؟؟؟ وايه الحل مش عايزه يقفل الا من الريموت

ما حدش يا جماعة عنده رد للاستفسارات دي