برجاء الإفادة ...........ضرورى

**drsharra** · 31-10-2009 07:00 PM

أنا إشتريت لانوس 2006 منذ عشرون يوما و فوجئت أمس و اليوم بارتفاع أمبير الحرارة أعلى من المنتصف بأربع شرط فقمت اليوم بتفقد القربة بعد ما ركنت و وجدت بخار شديد عند لف غطاء القربة و صوت فقاقيع هواء فى الخرطوم النازل منها فقمت بقفل الغطاء سريعا . وبعد ساعة و نصف تفقدت القربة فلم أجد بها نقطة مياة واحدة . ماذا أفعل ؟ هل أزيدها ماء أم أن الهواء تسرب إلى دورة التبريد .............
أشيروا على سريعا .
مع الشكر لأحلى ناس و أحلى منتدى

**samirayad** · 31-10-2009 07:09 PM

الموضوع بتاع نقص الميه ده حصل فجأه
يعنى طوال الأيام اللى فاتت الميه مكنتش بتنقص فى القربه
وهل لاحظت خروج بخار من حول غطاء القربه قبل أن تحاول لف الغطاء فى محاولة فتحه
وأنصحك ماتحاولش تفتحه تانى بالشكل ده لأن دورة التبريد تعمل تحت ضغط أعلى من الضغط الجوى

**bondjames** · 31-10-2009 07:11 PM

إملاها و تابعها - شوف لو فيه تسريب من الغطاء - أو الكوع عند الرادياتير - أو بعد مشوار و تقف ساعة بص تحت الجنب اليمين على الأرض تكون الطلمبة بتسرب

**drsharra** · 31-10-2009 07:31 PM

شكرا جزيلا للمهندس سمير
أول مرة أفتح القربة لم أفتحها من قبل وظننت أن الماء تمام عند النظر عليها من الخارج .
نعم خرج بخار شديد فقفلتة سريعا

**drsharra** · 31-10-2009 07:33 PM

شكرا للسيد bondjames على الرد السريع سأفعل ما قلت فى ردك و سأرد عليكم

**Drift_Lover** · 31-10-2009 07:44 PM

حصلت معايا قبل كده...
ماتقلقش.
عندك تسريب في دورة التبريد...
لدرجة انه مابقاش في ميه في الرادياتير ومش بس القربة...

انتظر حتي تبرد السياره ثم دور عادي وزود ميه في القربة...
وحاول تراقب نقص الماء علشان تعرف منين وسببه ايه ...