شكرا على التوضيح بس هو الخليجى بكام
لان الى انا شفتها زي الى حضرتك وصفها بالظبط من الوكيل بس مش 111 ب 113
هو الخليجى مش ضمان 5سنين وهو انا لو جبت من معرض يبقى ميفيش ضمان
ارجو الإفادة
وشكرا لحضرتك للتوضيح
الخليجي من دي ب111,000
والخليجي ما عليهوش ضمان
يعني ممكن تعمل له صيانة دورية في التوكيل بفلوس زي عربيات الوكيل بالضبط ولكن بسعر أعلى قليلاً
ولكن لو لا قدر الله طلع العربية فيها عيب صناعة مثلاً هتصلحه على حسابك مش على حساب التوكيل
بعض المعارض بتدي ضمان على العربيات الخليجي بس الأعضاء هنا مش مبسوطين منه لوجود بعض الأجهزة اللي مش شغالة
فوق الفظيع:hlopaet_prv:
ان شاء الله هعملكم تقرير مصور بس نرسى على العربية والسعر
يعنى ياجماعة انتم تفضلو الى هيه بضمان الوكيل الى هي كرسيها مبيعلاش وكمان التكيف بكر صح
السعر حسب الى اتقال 111
ارجو الإفادة
بصراحه تقرير اكتر من رائع
المجهود اللي اتعمل فيه غايه في الروعه والاتقان
ووفر علينا وقت كبير جدا في اللف والدوران على الشركه والاجانسات علشان نعرف الفروق دي كلها والانواع دي كلها
مش لاقي كلمه اشكرك بيها احسن من جزاك الله خيرا
معلش نسيت اسالك ايه اخبار ال ebd هل موجود في العربية دي ولا مش موجود اصلا؟
وال abs موجود في عربيات التوكيل ولا الخليجي بس ولا ايه بالظبط
ارجو الافاده جزاك الله خيرا
شكرا على الموضوع الجميل الى وضحلنا فئات السيراتو الموجوده ......... بس بصراحه العمليه اخر لخبطه .!!!!
يعنى ايه انزل اجيب عربيه الاقى 20 فئه و 20 موديل !! و اقعد الف على الحاجات الى انا عاوزها !!!؟؟؟ و الاكره هنا كروم و هناك بلاستك بس فيها تكيف تاتش و هناك تاتش بس بجنط عادى و هنا بجنط عادى لكن فيها فتحه سقف و هناك ب abs لكن مفهاش ريموت ....... الموضوع عك بصراحه و حاسس ان فيه نصبايه كبيره من المستوردين .
شباب انا عاوز اعرف ايه الميزه فى العربيات الخليجى !!!!!
انا شايف ان الفئات الى منزلها التوكيل افضل فى الكماليات و تقريبا نفس السعر ..... المشكله الاساسيه فى التوكيل هى مده الانتظار , لكن ده مش عذر انى انزل اشترى عربيه فوق ال100 الف جنيه و بدون ضمان حقيقى ؟ و بكماليات مختلفه تبعا لكل معرض و كل مستورد و كل بلد . و لو حصل فيها مشكله احتاس انا بيها لانها من غير ضمان .. و حتى لو بضمان فهو ضمان وهمى !!!
عذرا لو سؤالى حيضايق حد بس انا عاوز افهم مميزات السيراتو الخليجى لانى مش مقتنع انها بالشكل ده افضل من سيارات التوكيل بأى شى بل العكس ؟
تسلم ايدك ياباشا
كمان في دلوقتي كيا فورتي من كوريا عند ناشيونال موتورز و اتعمل عنها موضوع هنا
هل من الطبيعى وجود كل هذه الفئات الملخبطة من النيوسيراتو ولا ده شيئ عادى