| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 96

  1. #1

    الصورة الرمزية batviser

    رقم العضوية : 40097

    تاريخ التسجيل : 11May2009

    المشاركات : 398

    النوع : ذكر

    الاقامة : Cairo

    السيارة: Lanos II 2002 M/T F/O

    السيارة[2]: فيات 128 مو 84

    دراجة بخارية: N/A

    الحالة : batviser غير متواجد حالياً

    Lightbulb تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس - Facebook Twitter whatsapp انشر الموضوع فى :

    hasad">

    النهارده قولت اعمل حاجه مفيده .... قولت ايه ... كان نفسى اجرب انضف البوابه "Throttle Body" حسب وصف كبير الدايواهيه محمد ممدوح .. طبعا غنى عن التعريف ....

    المهم ... نزلت و حضرت العده و كانت كالاتى :-

    زراديه "بنسه يعنى"


    مفك عاده و صليبه "بتاع العربيه القصير الاسود ده"


    مفتاح 12


    مفتاح 12 حرف L


    مفتاح بوجيهات


    علبة اسبراى WD40 كبيره


    علبتين اسبراى منظف كاربراتير جنك او اى حاجه تؤدى نفس الغرض ....


    جركن مياه خضراء "مية رادياتير .... و مش لازم الى فى الصوره حط الميه الى بتستعملها علطول و متقفلشى معايا امال "



    فوطه نضيفة بدون وبر "مش محتاجه صوره دى ! ولا ايه!!!"
    جركن مياه عاديه .... وهات ازازة ميه للشرب عشان متعطلش لما تحب تشرب ...
    لا مش كده بقه !!!! الحمام اتصرف فيه انته !! ههههه

    طيب .... ايه بقى الخطوات !!! اقولوكم ....
    يالا بينا نسمى الله و نبتدى ...

    أول هام لابد ان العربيه تكون بارده عشان متتلسعش كل شويه ! متعملوش زيييى ههههههه
    وتانى هام اوعى تنسى شوية المياه الخضراء عشان مش هتعرف تمشى و العربيه مفيهاش ميه خضراء ....

    وتالت هام ... خلينا نفضى ضغط دورة البنزين .... ازاى !!! هقولك ....
    اول حاجه ... نشيل كابل البطاريه السالب .... و ادى صورته ....


    وبعدين نشيل فيوز طلمبة البنزين .... و ادى شكل علبة الفيوزات الى فيها الفيوز ده ... العلبه الى جوه الكبوت ...


    نفتح العلبه ازاى ؟ العلبه مقفوله بكلبسين زى ما انت شايف فى الصوره ...
    اسحب الكلبسين لبره و شد الغطا لفوق ... هيطلع فى ايدك ...

    و بعدين شيل الفيوز قبل الاخير الشمال ... ده ...


    روح بقه حط الكبل السالب بتاع البطاريه ... ركبه اى كلام كده هنشيله تانى ...
    و دور العربيه .... هتدور و هتبطل لوحدها بعد ثانيتين ثلاثه ....
    دور مارش لمدة 5 ثوانى و طفى ..... و دور تانى 5 ثوانى و طفى ...
    خلاص كده مبقاش فى اى بنزين عند الموتور خالص ....
    شيل بقها الكابل السالب تانى و نبتدى الشغل ان شاء الله ...

    اولا جوله سريعه كده عشان نعرف اسامى الحاجات الى هنشتغل فيها ...


    اول حاجه هنفك خرطوم العمه ... وده عن طريق تهوية الأفيز بمفك عاده ... وبعدين تفصله عن البوابه بالشد اليدوى ....

    تانى حاجه هتتفك هى حساس الايدل "Idle Controller" و حساس موقع الاكسراتير "Throttle Position Sensor" و ده عن طريق فك الفيش بتاعتهم ثم فك المسمارين الى مربوط بيهم كل منهم بمفك صليبه ... "المسامير فى الجهة الخلفيه" ....


    و انت بتفك حساس الأيدل خلى بالك من الجوان اوعى يضيع منك ...


    انا عندى معرفتش افك حساس موقع الاكسراتير عشان كان فى مسمار من مساميره قافش اوى فسبته احسن يبوظ .....

    و بعدين يا معلم هتفك سلك الاكسراتير من على بكرة الاكسراتير ... طب ازاى !!!! اقولك ...
    هتلف البكره لاقصى اليمين و تفضل ماسكها كده ... و بعدين تحرر الرصاصه الى فى اخر السلك من المجرى بتاعتها و تطلعها بره خالص ....


    هيطلع فى ايدك كده ...


    و بكده هيتبقى اربع خراطيم ماسكه البوابه ... هنفك الاتنين الى فى الوسط ... ودول واحد بتاع الفاكيوم "الامامى" و التانى بتاع البنزين "الورانى" ..... معلش مفيش صوره لان المكان كان مزنوق قوى .... بس ادى صوره لاماكنهم بعد ما اتفكت البوابه ....


    هنسيب خراطيم المياه الى هى تحت على الاطراف "خرطومين كبار بقفايز" لان فكهم اسهل لما نفك البوابه خالص .....

    و بعدين نيجى للحظة فك البوابه من على المانيفولد .... ان ان ااااان ... تششششش .....

    البوابه ماسكه فى المانيفولد عن طريق مسمارين 12 .... و بين البوابه و المانيفولد فى جوان البوابه .... اوعى يضيع منك و انت بتفك ....

    المسمار الى فوق فكه سهل قوى .... حط الراس المدوره من مفتاح 12 و فك يا ريس هيطلع فى ايدك علطول ....

    المسمار التانى بقى تحت و فى حته مزنوقه قوى فا لازم مفتاح حرف L عشان تعرف تفكه ... هيطلع عينك لو اصريت تفكه بالمفتاح البلدى .... اسمع كلامى عشان انا جربت طريقة المفتاح البلدى دى و قعدت افك فيه ييجى ربع ساعه و كمان جرحت صباعى ...

    و ادى اماكن المسامير اهى ...


    بعد متفك المسمارين البوابه هتطلع فى ايدك .... بس متشدش لسه خراطيم الميه الى كنا قولنا عليها من شويه ... دول ....


    و دول ياسيدى ماسكين فى مكانهم بأفايز .... بيتفكو ازاى ..... بيتفكو بزراديه ... تمسك الافيز من بوزه و تضمه و تنزل الأفيز كله تحت مكانه كده بتاع 5 أو 6 سم .... هنفك الافايز الاتنين و بعدين تسحب الخرطوم الامامى الاول من البوابه و تحط المسمار 12 بتاع البوابه فى الخرطوم عشان ميقعدش يخر مياه كتير و بعدين الخرطوم الخلفى نفس الوضع تسحبه و تقوم كاتمه بالمسمار برضه ... و ادى صوره بعد ما شيلنا البوابه ....


    و ادى صوره للبوابه اول متفكت ....


    عيش حياتك بقى نضافه يا معلم بمنظف الكاربراتير .... و متخلصشى العلبتين على البوابه بس !!! لسه فى حساس الأيدل و حساس موقع الاكسراتير و المانيفولد .... نضف كل دول بمنظف الكاربراتير .... و متخفشى من منظف الكاربراتير الى بينزل جوه المانيفولد هقولك تعمل ايه فيه حالا ..... عاوزك بس تخلى الدنيا بتبرق .....

    و ادى صورة البوابه بعد ما نضفت ....


    بعد متخلص الغسله التمام .... هنحط WD40 على الاماكن الى بتتحرك زى بكره الاكسراتير فى اماكن الاتصال مع البوابه .... يعنى من الاخر الاماكن الى فيها احتكاك ... و نشغلها بأيدينا شويه ... و فايدة ال WD40 هنا مش التزييت لا ... فايدته انه ينزل الصدا و الرواسب و غيره .... و برده رش WD40 على حساس الأيدل و حساس موقع الاكسراتير .... و نغسل الكل مره تانيه بمظف الكاربراتير بسرعه كده ... و نسيبهم ينشفو ....

    و بعدين نحط نقطتين زيت باور جوه حساس الأيدل ... متكترشى عشان متلحوسشى الدنيا ... و نشف الزياده ....

    كده بقى لما نضفنا المانيفولد من جوه بمنظف الكاربراتير ... اكيد المنظف خد التراب و الزيت و نزل على تحت ..... طب عاوزين نطلع الزباله دى بره الموتور ... نعمل ايه ....

    فك سلوك البوجيهات .... متشدش من السلك نفسه عشان هيبوظ لو عملت كده .... شد من الجسم الحديد الى ماسك فى البوجيه نفسه .. و ادى صوره توضيحيه يا سيدى ....


    طبعا الصوره فيها البوجيهات مفكوكه .... فكيناها ازاى .... اكيد بمفتاح البوجيهات الى وريتكم صورته فوق .... و ادى صورة البوجيه للى ميعرفشى شكله ....


    عشا نطرد الزباله دى هندور المارش و العربيه زى ما هيه كده ... البوابه مفكوكه و البوجيهات مفكوكه ....

    بص .... اهم حاجه فى الشغلانه دى ... ان ميبقاش فى اى شخص او اى شى امام العربيه لمسافة 5 متر .... مفيش عربيات تانيه ... مفيش اى حاجه انت خايف عليها .... عشان السائل الى هيطلع لما ندور العربيه دلوقتى بيبوظ الدهان بتاع اى حاجه .... و طبعا من قوة اندفاعه ممكن يأذى اى كائن حى ...

    حط فوطه على الرادياتير و الشنب و الاكصدام الامامى عشان هيغرقوا بتاع من الى بيبوظ الدهان ده ... السائل ده هيطلع من فتحة البوجيهات فا متسدهاش و متغطيهاش ....

    وصل كابل السالب بتاع البطاريه ... اى كلام كده ... هنشيله تانى .... و ادخل جوه العربيه و دور مارش 5 ثوانى و طفى ... و كرر كمان مرتين نفس النظام ... و ممكن اكتر لو لسه بتطلع رذاذ برده ....

    خلاص بطلت تطلع ؟؟؟ تمام ... انزل شيل كابل البطاريه .... و ركب البوجيهات بعد متنضفهم .... بالفوطه و ممكن بمنظف الكاربراتير ..... و ركب سلوك البوجيهات ....

    تعالى بقى نركب البوابه .... ببساطه هنعمل عكس الى احنا عملناه ... اى عكس ترتيب الفك ....

    1- نركب كابلين المياه مع ربط الافايز ....
    2- نحط الجوان بين البوابه و المانيفولد ... الجوان له عدله ... شغل مخك شويه ...
    3- نشبط المسامير بتاعت البوابه و نقرط عليهم الاتنين ...
    4- نركب خرطوم الفاكيوم و البنزين ...
    5- نركب حساس موقع الاكسراتير ... و نربط المسمارين بتوعه و نركب فيشته ...
    6- نركب حساس الأيدل ... و نربط المسمارين بتوعه و نركب فيشته ....
    7- نركب خرطوم العمة و نربط الافيز بتاعه ...
    8- نركب سلك الاكسراتير على بكرة الاكسراتير ...
    9- نركب فيوز طلمبة البنزين و نقفل علبة الفيوزات ....
    10- نركب كابل البطاريه السالب و نقرط عليه كويس ...

    و بكده يبقى ميكانيكيا كله تمام ....
    تعالى بقى نعمل حاجه اسمها .... ايدل ليرن " Idle Learn" ....
    و الأيدل ليرن ده عباره عن مجموعة من الخطوات .... فايدتها ضبط سلانسيه الموتور ...
    و ده عن طريق اعادة ضبط الحساسات .... و الطريقه كالاتى ....

    1- افتح الكونتاك لحد التكه الى هيه قبل متدور مارش دى ... و سيبه خمس ثوانى و اقفل تانى ... و كرر ثلاثة مرات ....
    2- دور العربيه بدون متدوس بنزين .... و سيبها كده دايره ثلاث دقائق ...
    3- افتح التكييف على اعلى درجه ... و سيبه دقيقتان ... و بعد كده اقفله ...
    4- طفى العربيه ....

    جرب تطفى العربيه و تشغلها كذا مره لحد متظبط معاك ...

    و انت واقف كده و العربيه دايره ... زود لفات الموتور بالضغط على دواسة البنزين لحد RPM تلاته و نص مثلا و سيبها كده مثلا 5 ثوانى و بعدين شيل رجلك فجأه و كرر الموضوع ده بتاع عشر مرات ولا حاجه ... لحد متلاقى العربيه ظبطت و مش بتترج لما تشيل رجلك فجأه ....

    و بعدين اطلع مشوار فى طريق مفتوح و جرب العربيه ... و قولنا حاسس باختلاف ولا لأ !

    انا حسيت بفرق فى صوت سلانسيه الموتور .. هدى شويه ...و فرق فى السحب و خصوصا فى ال RPM الواطى بس ميستاهلشى وجع الدماغ ده كله .... يمكن عشان انا البوابه عندى مكانتشى وسخه اوى يعنى .... و يمكن عشان انا طبيعة سواقتى هاديه فى معظم الاحيان ... فا مش حاسس قوى بالتغيير ... لانى كده كده مبطلبشى اى حاجه جامده من العربيه ...

    ارجو ان الموضوع يكون عجبكم ... و متنسونيش انا و ممدوح من دعاكم ...

    جربو كده و قولولنا ايه رايكم ...


    #000000
    اللهم اغفر لى و ارحمنى ، ربى انى كنت من الظالمين.


  2. #2

    الصورة الرمزية maka

    رقم العضوية : 5950

    تاريخ التسجيل : 18Feb2008

    المشاركات : 8,108

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : maka غير متواجد حالياً

    افتراضي -

    موضوع ممتاز و شرح ممتع وبسيط .........تسلم ايدك

    وارجو من المشرف نقله الى اهم موضوعات القسم

    بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ


  3. #3

    الصورة الرمزية hani945

    رقم العضوية : 9455

    تاريخ التسجيل : 23Apr2008

    المشاركات : 976

    النوع : ذكر

    الاقامة : مصر

    السيارة: لا يوجد

    السيارة[2]: لا يوجد

    دراجة بخارية: لا يوجد

    الحالة : hani945 غير متواجد حالياً

    افتراضي -

    موضوع أكثر من رائع
    ومشكور على هذا المجهود الكبير

    سبحانك اللهم وبحمدك ، أشهد أن لا إله إلا أنت أستغفرك وأتوب إليك


  4. #4

    الصورة الرمزية mahmoudbadr

    رقم العضوية : 40498

    تاريخ التسجيل : 17May2009

    المشاركات : 1,004

    النوع : ذكر

    الاقامة : Alexandria

    السيارة: ----------------

    السيارة[2]: Daewoo espero 1.5 1994

    دراجة بخارية: لا

    الحالة : mahmoudbadr غير متواجد حالياً

    افتراضي -

    تسلم إيدك يا باشا و الصور 100 100

    لا تعجبن على حال الزمان لطالما...رقصت على جثث الأسود كلاب
    لا تحسبن برقصها تعلو على أسيادها...تبقى الأسود أسود و الكلاب كلاب


  5. #5

    الصورة الرمزية samirayad

    رقم العضوية : 19543

    تاريخ التسجيل : 20Sep2008

    المشاركات : 18,152

    النوع : ذكر

    الاقامة : ismailia/Egypt

    السيارة: لايوجد حاليا

    السيارة[2]: نوبيرا 2007

    الحالة : samirayad غير متواجد حالياً

    افتراضي -

    عرض جميل
    أشكرك على الشرح المبسط


  6. #6

    الصورة الرمزية abou_sama

    رقم العضوية : 440

    تاريخ التسجيل : 03May2007

    المشاركات : 619

    النوع : ذكر

    الاقامة : Maadi

    السيارة: ISA

    السيارة[2]: Daewoo Lanos 2008

    دراجة بخارية: no

    الحالة : abou_sama غير متواجد حالياً

    افتراضي -

    موضوع جميل
    يا ريت يتثبت من الاداره

    سبحان الله وبحمدة سبحان الله العظيم


  7. #7

    الصورة الرمزية A.samy

    رقم العضوية : 9127

    تاريخ التسجيل : 18Apr2008

    المشاركات : 869

    النوع : ذكر

    الاقامة : مدينة نصر

    السيارة: لا

    السيارة[2]: لانوس

    دراجة بخارية: لا

    الحالة : A.samy غير متواجد حالياً

    افتراضي -

    احسن موضوع اتشرح


  8. #8

    الصورة الرمزية maka

    رقم العضوية : 5950

    تاريخ التسجيل : 18Feb2008

    المشاركات : 8,108

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : maka غير متواجد حالياً

    افتراضي -

    سوال على الماشى يارجلة : هو الايدل والبوابة والمنافولد مفروض يتظفوا كل كام كم ؟؟؟

    بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ


  9. #9

    الصورة الرمزية abo_lamar

    رقم العضوية : 41545

    تاريخ التسجيل : 31May2009

    المشاركات : 2,093

    النوع : ذكر

    الاقامة : Cairo

    السيارة: ربنا يدينا

    السيارة[2]: daewoo lanos 2000

    دراجة بخارية: لا

    الحالة : abo_lamar غير متواجد حالياً

    افتراضي -

    بصراحة شرحك ولا أروع منه وياريت مشرفين القسم يوافقوا على تثبيته .. شكرا يا باشا على مجهودك


  10. #10

    الصورة الرمزية samirayad

    رقم العضوية : 19543

    تاريخ التسجيل : 20Sep2008

    المشاركات : 18,152

    النوع : ذكر

    الاقامة : ismailia/Egypt

    السيارة: لايوجد حاليا

    السيارة[2]: نوبيرا 2007

    الحالة : samirayad غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة maka مشاهدة المشاركة
    سوال على الماشى يارجلة : هو الايدل والبوابة والمنافولد مفروض يتظفوا كل كام كم ؟؟؟
    حينما تستشعر خلل فى آداء المحرك
    وخصوصا على السرعه الخامله (السلانسيه )



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. صوت حساس الأيدل للفيرنا 2012
    بواسطة KING_A841 في المنتدى هيــونــداى
    مشاركات: 8
    آخر مشاركة: 15-12-2012, 02:37 PM
  2. حساس الأيدل كنترولر iac
    بواسطة drmagieed في المنتدى المحركات
    مشاركات: 18
    آخر مشاركة: 19-05-2012, 02:36 AM
  3. حساس الأيدل
    بواسطة hosar في المنتدى دايــو+شيفرولية لانوس
    مشاركات: 23
    آخر مشاركة: 16-11-2011, 03:14 PM
  4. عايز اغير حساس الأيدل
    بواسطة abo_lamar في المنتدى دايــو+شيفرولية لانوس
    مشاركات: 7
    آخر مشاركة: 17-05-2011, 08:10 PM
  5. العربيه بتطلع دخانه سودا من الشكمان بعد تنظيف حساس الأيدل
    بواسطة shaddadfalcon1 في المنتدى دايــو+شيفرولية لانوس
    مشاركات: 49
    آخر مشاركة: 26-09-2010, 04:08 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2