المشاركة الأصلية كتبت بواسطة ahmeddarhos
مساء الخير يا أستاذ هيما...
اولا ألف ألف مبروك على العربية الجميلة دى وربنا يحفظها ان شاء الله...
أولا انا أول مرة أدخل منتدى الاسبيرانزا وده بسبب ال m11 .. لأنى لما شفتها
فى معرض ابوالفتوح فى المهندسين عجبتنى جدا جدا وتقريبا قررت أشتريها بس تقسيط..
انا مش خبير قوى فى العربيات بس الانطباع الاول عنها انها عربية مميزة وشيك جدا..
وبدأت فى استطلاع الاراء.. ويا ريتنى ما بدأت .. بصراحة لقيت كل اصحابى فى المستشفى (انا حكيم عيون ) بيقولوا ابعد عن الاسبيرانزا .. وكل واحد يحكيلى حكايه عن واحد صاحبه او قريبه ما اعرفش حصل لعربيته ايه؟؟؟
بصراحه انا محتار جدا واحب اخد منك نصيحة لانك مجربها.. وياريت تعمل لنا تقرير شامل عن اول 1000 كم وتقول العيوب (يا رب ما يكون فى عيوب خالص) قبل المميزات بشكل موضوعى.
زاخيرا اسف جدا للاطالة وجزاك الله ألف خير..