يوم الخميس حصل معايا موقف وحش جدا(206 موديل 2001)
انا شغلي فى القريه الذكيه و انا رايح الصبح لقيت العربيه سقطت غيارات مش عايزه تجيب اي غيار غير الثالث و الرابع بس المهم عافرت بيها لغايه ما رحت التوكيل
هناك المهندس استلم منى العربيه و قاللى هنكشف عليها و نعرف الفتيس محتاج ايه و بعدين هكلمك
بعد حوالي ساعه كلمني و قاللي انها محتاجه عصايه فتيس بالشجره بتاعتها بس مش موجوده و هيحاول يجيبهالى من اي فرع تاني طيب سالته هتتكلف كام قاللي لما نلاقيها الاول هقولك علشان هو مش عارف سعرها
بعد ساعه تاني قاللي لقيناها فى غمره و سعرها 550 جنيه بدون الضريبه و المصنعيه قلتله تمام اشتغل فيها قالي بس هتستلمها يوم السبت قلتله تمام
النهارده كلمني الصبح و قاللي العربيه خلصت و اتكلفت 350 جنيه فقط
قلتله هستلمها منك بكره
و بكره انشاء الله هكملكم التفاصيل