الموضوع: إية نظام الفورد فيستا ؟

عربية جميلة جدا لكن متجبهاش متهانة و اكشف كويس جدا لانها كانت معايا ال99 بتاعتها 1300 انجيكشن كانت روعة و الله لكن تعبتني قوي لان اللي قبلي ربنا يسامحو مطرح ماهو قاعد بقى كان هاينها جدا لكن نيجي لثبات و تجميع و قاعدة و راحة الفيستا تكسب تجميها مكانش تجميع عربية صغيرة 1300 و انا مجبتش بيها اكثر من 120 علشان حالتها مكانتش تتضمن لكن ثابتة و متحسش انك ماشي بسرعة
صاجها متين لدرجة ان مرة اختي دخل فيها من الجنب اتوبيس بسرعته ردينا الرفرف على البارد بدون اي مشاكل :) قطع غيارها من 96 لحد 99 اسعارها في اللذيذ و موجودة مفيش حاجة سألت عليها و ملقتهاش الا غطا تانك البنزين دخت عليه لحد مالقيته لانه غريب شوية و بتاع البنزينة كسرهولي
ابتداءا من 2000 العربية شكلها بيختلف و بيبقى اكسواسرها اكسسوار فوكاس و علشان كدة بيبقى غالي بس موتور ال2000 1250 سيسي 2 كامة فافضل في التكنولوجيا و الاداء من ال 1300 كامة واحدة اللي كانت معايا و بالتالي هتبقى افضل في استهلاك البنزين معاك
اسعار قطع الغيار معقولة جدا اغلى من الكوري شوة صغيرة لكن بتركبها و تنساها
و نصيحة من واحد التعذب مع عربيتو اللي كان بيحبها جدا اشتريها بس تكون حالتها كويسة لانها لو فتحت معاك و معرفتش تسدها هتكره اليوم اللي اشترتها فيه و مع ان ده حصل معايا لكن لازلت بحبها
الميكانيكية بتاعتها