السلام عليكم ياجماعة
انا وافع في نفس المشكلة معايا ميزانية حوالي 70000 جنية ومش عارف اجيب الافيو ولا الهيونداي الفيرنا الفيفا الجديدة
بعد لف وفحص وتمحيص وتدقيق وجدت الاتي
1-فيرنا فيفا كاملة: عربية جميلة شكلا وتقفيلها احسن من المصري + أوسع من جوة + التابلوة بتاعها لونين مش لون واحد زي الفيرنا القديمة (تحس انك راكب عربية لعبة :-) ) بس فيها مشكلتين رئيسيتين الاولي ان الموتور بتاعها موديلة قديم شوية موديل 2005 والمشكلة التانية ان العربية نازلة من غير سماعات خلفية يعني سماعات امامية فقط
2- الافيو: علي الرغم من انها مفهاش كماليات بس الحاجة اللي بتشفعلها ان صالونها اشيك من الفرنا + اوسع بكتير من الفيرنا
بس للاسف الحلو مايكملش لان لما سالت عن الفيفا لقيت ان استلامها فوري بعد 3 ايام انما الافيو حستني 3 شهـــــــــــور كمان بعد سؤال كام واحد من اصحاب الافيو لقيت ان الافيو صوتها عالي حبتين لما تيجي تشغل التكييف ودة راجع لان الكبوت مش متبطن زي الاوبترا -ممكن التغلب علي هذة المشكلة برفع صوت الكاسيت :D -
ياريت حد يديني رأية فيرنا 3 ايام ولا افيو 3 شهور :-)
المفضلات