ممكن في يوم و ليلة التوكيل يختفي و ماتلاقيش مثلا فانوس و لا رفرف !
عرض للطباعة
ممكن في يوم و ليلة التوكيل يختفي و ماتلاقيش مثلا فانوس و لا رفرف !
استنى شويه لأنهم ناويين يجمعوها فى مصر و بيقولو ان رينج سعرها هيبقى 60
ContactCars | وكيل BYD يبدأ تجميع F3 في مصر بسعر جديد!
الbyd جميلة وفى ناس بتشكر فيها وفى التوكيل والصيانة اللى فى اسكندرية ممكن حضرتك تتابع معاهم وتسالهم اخبار العربية اية بس من شكلها وادائها فهى افضل من الاسبيرنزا a516 لاكن اعتقد ان الm11 جيدة ولاكن ليست فى وسع الbyd f3 فشوف انت متطلباتك اية من العربية وتوكل على الله اهم حاجة تتاكد من ملاكها قبل ماتشترى
صيني ايه وبتاع ايه........
انا من رأي حط فلوسك في حاجه مضمونه وريح دماغك احسن متيجي يووم وتندم انك جبتها وتخسر فلوسك علشان العربيااات ديه مش معمره
اشتريتها تبع توكيل سايمكس انترناشيونال اللى فلسع على رأي المهندس أحمد كمال ب 64 الف كاملة 1600 abs +ebd بدون ايرباج , واول ما طلعت بيهخا من المعرض وهات يا شخاليل من كل حتة وروحت المنيا روحت لسمكرة ادور على الاصوات دى منين وطلع ان البلاستيك بتاع السوست كان بيخبط فيها فى المطبات
هووب واول شهر وراحت علبة الدركسيون جابت زيت وغيرتاها فى الضمان
هووب تانى شهر وبوردة التحكم فى الزجاج الكهربائى باظت , وصلحتها بمعرفتى
وهوووب والزجاج اليمين اتكسر من تلقاء نفسه والحمد لله لقيته فى التوكيل
وهوووووب التوكيل قفل وما فيش قطع غيار
وبييييييع يا معلم
اعلان الاهرام خلصهالى بعد اسبوعين بالضبط , اخدها واحد من الزقازيق حيث كان فى فرع من التوكيل فاتح وعارفينها هناك كويس
اشتراها ب 42 الف والعوض على الله
بصراحة انا مش بقتنع بالصيني لكن اسمع ان ال byd افضل سيارة صيني موجودة في مصر يمكن كمان اسمع انها احسن من الاسبرانزا
شوف حضرتك ،، أنا معايا ال-byd f3 من سنتين والعربية فعلاً أحسن بمراحل كتيرة من أي عربية صيني تانية ..
من الثبات والتسارع وحتى الأبشنز ، بس فعلاً في عيب فالتوكيل إنه مش مديها حقها وسط السوق خالص مع إن كل ملاك العربية بيقولوا إنه معاه كنز هو مش عارف قيمته ..
الصيانة فيها مش سيئة قوي بس تحس كدة انها زي نظام الورش ،، ممكن يفاصل معاك في عمايل الحاجات ويقولك انها مش محتاجة تغيير عشان ينجزوا ويريحوا نفسهم بس عربيتنا ولله الحمد طول سنتين مظهرش فيها مشاكل مع العلم انها كل يوم بتطلع العاشر من رمضان بحكم شغل الوالد (أحنا في مصر الجديدة ) ومغيرناش فيها إلا كابالن بعد 35000 كيلو وسيور متور وهما محددين وقت للتغيير ، طبعاً غير الزيوت و تربيط عفشة ..
النقطة إلي أنا شايف انها سيئة هي سعر إعادة البيع ، احنا عايزين نبيع العربية - للترقية مش أكتر - وحاسين إن السوق هيخسف بسعرها الارض ودة بسبب زي من قلت إن التوكيل مش مسمع ومش عامل شغل للعربية ..
الخلاصة انها عربية مناسبة جداً وسط الفئة بتاعتها ، بس الكلام بتاع السعر إلي مش هيعدي حاجز ال-60000 جنيه لو حصل ، فعلاً مش هيبقى ليها منافس تماماً ، لكن السعر بتاعها دلوقتي ممكن تضيف عليه حاجة صغيرة وتجيب ياريس مثلاً ، لأن العربية مفيش منها إلى الأوتوماتيك دلوقتي وافتكر انها تعمل 83000 .
وبخصوص سؤالك عن العربية الإلي شبة المرسيدس هي اسمها byd f6 وأنا كنت شفتها فالمعرض إلي في مدينة نصر بصراحة حاجة تهبل من كل شيء ، دى العربية الصيني إلي ممكن تغير مفاهيم السوق عن الصيني ، بس للاسف برضه الوكيل معرفش يسوقها فافتكر إن فكرة نزولها دلوقتي إتلغت ، وبصراحة خسارة عربية زي دى تبقى في إيد توكيل زي دة ...
يا استاذ احمد
يعنى عربيه باظت فيها حاجات من اول شهر ووراها حاجات تانيه بمرور الوقت تديك فكره عن كل العربيات الصينى؟
طيب ما الاسبيرانزا بقالها سنتين وماشيه تمام ليه بقى نعمم على الصينيى كله؟
وبعدبن حضرتك معندكش اى منتج صينى نهائى ولا موبايل ولا لابتوب ولا لاسلكى ولا.................... لو قعدت اقول امثله مش هخلص
واتذكر مليون مره قبل كدا ان سبب رداءه المنتج الصينى المستوردين المصريين ومش هتكلم كتير فى الموضوع دا
يبقى ليه نشتم فى الصينى واحنا بنستخدمه كتير فى كل حاجه بخلاف العربيات
حضرتك المبدأ لا يتجزأ الى بيشتم فى الصينى وقرفان منه مايستخدمش حتى استيكه صينى مش تبقى حياتنا كلها صينى ونشتم فى صناعتهم
ياريت احنا بس نبقى واحد على مليون من الناس دى الى احنا افشل ناس فى العالم مقارنه بالصناعه عندهم وانجح ناس فى الانتقاد وبس
تحياتى لحضرتك