السلام عليكم ورحمة الله وبركاتة
انا هغير تيل فرامل أمامي قريب للفيستا 1100 كنت عاوز أعرف لو حد جرب نوع معين وكان كويس معاه ياريت يتفضل مشكور ويقولي عليه علشان انا لسة منزلتش وشفت الأنواع الموجودة.
عرض للطباعة
السلام عليكم ورحمة الله وبركاتة
انا هغير تيل فرامل أمامي قريب للفيستا 1100 كنت عاوز أعرف لو حد جرب نوع معين وكان كويس معاه ياريت يتفضل مشكور ويقولي عليه علشان انا لسة منزلتش وشفت الأنواع الموجودة.
انصحك في التيل انك تبعد عن المنتج الصيني
انا كنت جبت التركي اعد حوالي 7 شهور - انا بمشي بالعربية متوسط 4000 كم شهريا- بس اكل الطنابير و كنت بسمع صفارة اوقات
و كان تمنة 85 جنيه من عند الخليل و بعدين جبت الاسباني - الموصي به من معظم الصنيعية - بـ 120 من عند سامي فخري اداءة جيد بس صوت الصفارة موجود احيانا غيرهم مجربتش لسة
fe wa7ed fe share3 zaki fe el tawfikia esmo bedrosyan ro7 w hatla2y 3andohom el haga el kowaisa 3an tagroba
طبعا مش هجيب صيني
انا التيل اللي عندي معرفش نوعه إية هو راكب في العربية من ساعتة ماشتريتها بقالة أكتر من 3 سنين ومش راضي يخلص :Ta_clap[1]:
انا كنت فرحان علشان كنت كل مابص عليه الاقية لسة مليان بس طلع انه هو مش بيخلص بس عمال ياكل في الطنابير وهي اللي بتخلص:mahf(5):
غيرت الطنابير ومش هسيبة بقى يخلصلي على الجديدة كمان لازم اتغدى بيه قبل مايتعشى بالطنابير :049:
انت قصدك بالأسباني اللي هي اسمها ريمسا ؟
علشان دي انا سمعت عنها من فترة بس كانت ب 90 مش 120
ياجماعة انا سألت عند الخليل قالي عندة التركي ب 75قولتله انا عايز حاجة أحسن قالي دة على ضمانتي ولو صفر فكه وهاتهولي ده انا ببيع منة بقالي كتير ومحدش اشتكى منه وواضح انه معندوش غيرة
إبراهيم سليمان اللي في التوفيقية بردة عندة التركي ده بس قالي ب80 وبردة شكر فيه كتير وعندة نوع تاني بيقول عليه فرنساوي تقريبا ب 90 أو 95 مش فاكر وفية pix الماني ب120 جنية بس انا أعرف إن pix دي بتاعة عفشة وانا جبت بيض مقص الماركة دي قبل كدة اول مرة اسمع انها بتعمل تيل
التركي مبيصفرش غير قليل بس بياكل الطنابير
الفرنساوي و الالماني معرفهمش