هو عدد مشاركات العضو لية ما بقاش يظهر فى اللوجو الجديد للمنتدى وعايزين كمان كل عضو يبقى مكتوب عمرة عشان المقمات تبقى محفوظة مايبقاش واحد عندة 20 سنة وبيتكلم مع واحد عندة 40 سنة وبيكلمة كانة ادة:Ta_clap[1]:
عرض للطباعة
هو عدد مشاركات العضو لية ما بقاش يظهر فى اللوجو الجديد للمنتدى وعايزين كمان كل عضو يبقى مكتوب عمرة عشان المقمات تبقى محفوظة مايبقاش واحد عندة 20 سنة وبيتكلم مع واحد عندة 40 سنة وبيكلمة كانة ادة:Ta_clap[1]:
السلام عليكم
كلام مش وحش والله
إقتراح مقبول
أوافق
أخوكم فى الله هانى
هوا حضرتك ليه حطيت الموضوع دا هنا
بص شخصية الناس لا تقاس بعمر الانسان ابدا بدليل فى ناس كتير تعدى 50 سنة وبصراحة عقلة لسة صغير وفى ناس من كتر المرمتة وعندهم 25 سنة بس يعجبك وتتعلم منة صح انا مش شايف اى اهمية لمثل هذة الاعتبرات
مش كل حاجه نقيس بيها العمر
العمر دخله ايه بمنتدى سيارات ؟
وكمان احنا هنا كلنا اخوات زكر ام انثى
كمان عدد المشاركات بيظهر بس لو غيرت شكل الصفحة من ادنى اليمين فى الصفحة
انا مش عارف الكل دخل فيا شمال لية دة مجرد اقتراح
ومتزعلش مننا بقى
الله ينور علينا وعليك ياباشا احنا حبايب
السلام عليكم ورحمة الله
على فكرة مافيهاش أى حاجة لما الراجل يقترح إقتراح المناقشة عامة لازم تكون بشكل تانى غير كدة
مش يبقى كله بيرد بهجوم كدة
عامة هو موضوع السن دة مش مقياس للمعرفة والخبرة يعنى ممكن تلاقى حد هنا عندة 25 أو 30 سنة بس خبرتة فى السيارات أكبر وأكتر من حد أكبر منه فى السن
وبعدين لو الموضوع عشان الإحترام فدة موجود هنا بالفعل ومن أجمل الحاجات اللى عجبتنى هنا روح الإحترام والتعاون الموجودة هنا فى المنتدى
عموماً لازم نشكر الأخ صاحب الإقتراح على إقتراحه ونحاول نفهم وجهة نظره وبعدين نرد عليه
أخوكم فى الله هانى
بص ياحبيب قلبى اى فكرة تحتمل الموافقة والرفض ودى اى فكرة فى الدنيا ان فى ناس هتوفق وفى ناس هترفض مفيش هجوم ولا حاجة بس كل واحد بيعبر عن رئى مبدئى عندما يراى الموضوع وهذا هو الانطباع الاول ليس الا انا مش شايف اى خروج عن نص الادب والاحترام العامة بل بالعكس كل اعضاء الاوبل بذات من خيرة الناس ارجو ان تتقبل النقض بكل ترحاب ممكن حجات انت متخدش بالك منها مش اكتر بس لو هتزعل خلاص ممممممممممممموافقوووووووو وووون متزعلش
اوفق الراي
الكلام مظبوط ولكل مقامٍ مقال. صح لازم تتعرض التفصيلات عشان تتم المراعاة فى الرد.
تحياتي.
اكيد
انا كان قصدى الاحترام ممكن يكون عندة 65 سنة وانا عندى 25 سنة وتكون خبرتى اعلى منة انا بقول على اسلوب الكلام
كلام سليم ياباشا
انا بختلف معاك فى النقطة دية بزات لان العمر هنا ملوش اى قيمة لعدة اسباب
بص الانترنت والمنتديات بالخصوص قيمة على اساس
1 - صاحب المعلومة وهو الاساس
2- متلقى المعلومة
نيجى للنقطة بتاعت السن هل تفرق معاك لو عندة 10 سنين بس مطلع وعندة معلومة من معلومة واحد 65 سنة الفيصل هنا صحة المعلومة وليس مقام صاحب المعلومة او جنسة او سنة لانة عندما يضع الموضوع سيطلع علية الكبير والصغير والكل سيشارك سواء بالتئيد او الشكر او بالجدال حول المعلومة لذالك انت تتعامل مع كيان المعلومة وليس كيان الشخص
ودي يا جماعه اراء ناس واقتراحاته بس انا مشفتش اي هجوب شخصي ع الموضوع دا
هو الموضوع ماله سخن كده ليه
السن مش هيفدنا فى حاجة ده غير ان احسن حاجة فى المنتدى هنا تبادل الاحترام بين الجميع
ولحد دلوقتى مشفتش اى حد بيرد بطريقة وحشة على حد تانى
كمان احنا كلنا اخوات واسرة مع بعضينا
والواحد منا لو عنده اخ اكبر منه ب10 سنين بتناديله باسمه عادى مع حفظ الالقاب وبتكن ليه كل احترام وتقدير وفى الاخر كلنا اخوات
اخوكم فى الله
هيثم الغزالى
haitham el-gazaly
لا ياباشا لا سخن ولا حاجه احنا وضحنا وجهة نظرنا واكيد الصوره وضحت امام الجميع
مفيش حاجه ياباشا الموضوع ماشي عادي
مفيش هجوم عليك يا عم طارق و لا حاجة
و الأختلاف فى الرأى لا يفسد للود قضية
و كلنا اخوات
ا ن شالله ميكونش زعلان مننا هنا في سوء تفاهم بس واحنا وضحناا
هو فيه بعض الإعتبارات لازم توضع فى الحسبان برضه ، وزي اللى قبلنا ما قالوا الأدب فضلوه على العلم ، القصد إن ممكن يكون صاحب المعلومة يكون صغير فى السن - وده فعلاً ملحوظ - وبيرد على عضو سنه كبير بإسلوب ممكن يضايقه لو طريقة الكتابة لم تتم مراعاتها.
وعموما المنتدي كله ناس محترمين والغالب عارف برضه ولو بالأسماء فقط بس مش لازم ننسي إن فيه أعضاء جداد بينضموا كل يوم!
أخيراً القصد إننا بنحرك إتجاه المنتدي نحو الأفضل ولله القصد من قبل ومن بعد.
تحياتي.
الله ينور ياباشا
انا مش زعلان خااااااااااااااااااااالص على فكرة انا عمرى ما دخلت منتدى تويوتا الى المكفروش اخشى فية ما بخشش غير منتدى اوبل عشان انا حبيت الاعضاء وروحهم الحلوة مع بعض وانتو شجعتونى انى اشترى عربية اوبل وهبيع عربيتى قريب ان شاء الله واجيب عربية اوبل عشان افضل معااااااااااااااااااااااا اكم
يبقى خلاص ياباشا بقيت ابلاوي مبرووووك