كلمة ونصف - السادس عشر من نوفمبر 2007

**Abdallah** · 16-11-2007 08:46 PM

كعادتى كل جمعة وانا اتصفح ملحق السيارات بجريدة الاهرام وجدت تلك المعلومتان الغربيتان.
اولهم ان السوبارو الجديدة محركها 1500 سى سى وليس 1600 كما تعودنا منها.
والمفاجأة الاخرى هى اى كورولا الجديدة ستتوافر بمحركان اولهما 1400 سى سى وليس 1300 كما تعودنا منها.
خلاصة الكلام ان الشركات الكبرى تغير جلدها فما هو السر فى هذا التغير وهل سيكون للاحسن ام للأسوء وهل لهذا علاقة بتحريك اسعار الطاقة ؟؟

**محمدايهاب** · 16-11-2007 09:59 PM

امعلومات دي سمعناها قبل كده في المنتدى
أنا أتمنى إن التغيير يكون نحو الأحسن بس لو هتفلسف و أقول رأي
أنا شايف إن التغيير ده بيدي المستهلك احساس كاذب إن الشركة بتتطور و إن إلي فات حاجة و إلي جاي حاجة تانية
أنا شايف إن الحكاية مش حكاية تطور و لا حاجة
التغيير ده عامل إضافي لجذب العميل بعد أن قل تأثير التغير في الشكل الخارجي و كمان فرق الماركات ( في العربيات الشعبية طبعا) فأحبحت كل العربيات فيها شكل جمالي عالي و أصبحت تويوتا قريبة من هوندا قريبة من هيونداي قريبة من فولكس

**أبو عبدالله** · 16-11-2007 11:48 PM

امعلومات دي سمعناها قبل كده في المنتدى
أنا أتمنى إن التغيير يكون نحو الأحسن بس لو هتفلسف و أقول رأي
أنا شايف إن التغيير ده بيدي المستهلك احساس كاذب إن الشركة بتتطور و إن إلي فات حاجة و إلي جاي حاجة تانية
أنا شايف إن الحكاية مش حكاية تطور و لا حاجة
التغيير ده عامل إضافي لجذب العميل بعد أن قل تأثير التغير في الشكل الخارجي و كمان فرق الماركات ( في العربيات الشعبية طبعا) فأحبحت كل العربيات فيها شكل جمالي عالي و أصبحت تويوتا قريبة من هوندا قريبة من هيونداي قريبة من فولكس

كلام مظبوط
ولكن التغييرات دي جوهريه شويه
يعني مش هيغيره اداء ماتور عربيه عالميه زي السوبارو الأمبريزا ويغير الماتور كله وامكانياته علشان التسويق والدعايه
الأمبريزا قلل السي سي وزود قوة الأحصنة وده انتاج جديد يحسب لها طبعا
والكورولا كذلك تغيير اداء الماتور وتغيير مفهوم الفخامة في هذه الفئة من السيارات العائلية الصغيرة
لكي تواكب مثيلاتها من الأوكتافيا والجيتا والميجان
وبهذا السعر الجديد بصراحه المنافسه محسومة للكورولا