الحمد لله استلمت السيراتو و اخدت مخالفه سير عكس الاتجاه
الحمد لله استلمت النيو سيراتو ex و ما شاء الله العربيه جميله جدا
العربيه موتورها شديد حتي في فتره التليين العربيه عايزه تجري
اما بخصوص مباركه الشرطه لي فعملولي مخالفه سير عكس الاتجاه و تعريض حياه المواطنين للخطر ( يااااه دا انا مؤذي اوي )
الحكايه ان انا دخلت شارع من نصه ( من تقاطع ) ولسه بادخل يمين وقفوني و اخدوا الرخص
المشكله ان مفيش اي علامات ارشاديه تمنع الدخول للشارع يقولي علي اول الشارع
الشارع ده طويل جدا و في حوالي 30 تقاطع مفيش ولا تقاطع عليه علامه تمنع الدخول
هي علامه واحده في اول الشارع بتقول ممنوع الدخول والمفروض ان اللي يدخل من اي تقاطع يروح يبص الاول علي اول الشارع
اخدوا الرخص و عملولي محضر في القسم و اتحول للنيابه
نصيحه ما حدش يصدق اي حد من الداخليه في التلفزيون يقول ان لو مفيش علامه المخالفه ما بتتحسبش
و عمار يا مصر
اسف علي الاطاله و لو حد ليه اسئله عن العربيه يتفضل
