عاوز اعرف اسعار كورولا زيرو خليجى و المعارض اللى بتبيعها
عرض للطباعة
عاوز اعرف اسعار كورولا زيرو خليجى و المعارض اللى بتبيعها
من ساعة ما التوكيل نزل الأوتوماتيك في الجنوب افريقي الخليجي مبقاش ليه حس زي الأول ومعظم الأعضاء في المنتدي بقوا يشتروا بتاعت التوكيل
ونصيحة مني اشتري من التوكيل افضل ضمان وموتور جديد وامكانيات اعلي بكتيييييير من الخليجي.
الميزة الوحيدة اللى في الخليجي هي ان قطع غيارها ارخص شوية من الجنوب افريقي علشان منتشرة عند التجار اكتر وكمان تكنولوجيا قديمة.
وكمان خلي بالك ان الجنوي افريقي عربية مختلفة تماما عن الخليجي.
وعلي العموم الخليجي اسأل عليها عند جابر عبد الشهيد وناشيونال موتورز.
و اسال كمان عند سمير ريان ..
بس زاى ما ابو وليد قالك .. بتاعت التوكيل افضل بمراحل
انا اعرف سعر الكامله بفتحة سقف وجنوط 16(نفس جنوط الادفانسيد فى الجنوب افريقى) + مالتى فانكشن+كاسيت تاتش سكرين بيشغل dvd و 6 cds وفيها عتب ومريات ضم shift وطبعا abs , ebd
سعرها 165 الف جنيه
فيه واحد متخصص فى التويوتا كورولا الخليجى عنده ستوك كتير قوى وتسليم فورى كل الالوان ومكانه فى ميدان الساعه جنب توكيل نيسان وجيلى
تحياتى
ياريت تليفون و وصف بالتفصيل و اسم المعرض
...روح شوف موتور سيتى شارع النزهة قبل الاتوستراد وبعد دار الدفاع الجوى بشوية..
التوكيل نزل العربية بالفتيس الاوتو العادى ... فكر قبل ما تجيب الخليجى
+1
واقترح على حضرتك تبص على مواصفات موتور العربية الجنوب افريقى فى الموضوع ده قبل ما تاخد قرارك الأخير
http://www.nilemotors.net/Nile/104205-a.html
الأفريقي أوسع و طارة أحدث و جنط 16 و عالية عن الأرض اكتر و كاسيت جديد سي دي و موتور جديد و ايه بي أس و عجل 205 و حاجات كتيررررر جدا مش في الخليجي و خلاص الجير بقى أوتوعادي
ده غير الضمان أهوه برضه بينفع في حالات كتير لا قدر الله