ركوبه وعفشه الشاهين ولا الجين

**tamer_aj** · 02-11-2009 01:07 PM

يا راجل حرام عليك, بتفارن إيه بـ إيه؟!!!!!!!

الشاهين دي دولاب ماشي علي ظهره بأربع عجلات......

**eslam_wega** · 02-11-2009 02:11 PM

طبعا مستحيل اى مقارنة اساسا بس الراجل
بيقارن العفشة فقط لا غير
لكن كعربية مستحيل لان الشاهين ليست بسيارة من الاساس

**mimo3000** · 02-11-2009 03:51 PM

ياباشا المقارنه متنفعش خالص الشاهين تعتبر عربيه قديمه مهما كان الموديل عالى تكنولوجيا قديمه يعنى مهما كانت عفشه الجين 2 ناشفه عمرها مهتوصل للشاهين بس لو عاوز تقارن تقارن اسعار العفشتيين ببعض لو قصدك انهى عفشه هتبقى تكاليفها اقل ومتصرفش معاك لو لقدر الله حصل حاجه يبقى الشاهين طبعا
وكل اللى بيجيب الشاهين بيجبها عشان الحته دى اللى هى ان قطع غيارها رخيصه وموجوده فكل حته واى ميكانيكى بيشتغل فيها مش بيشتريها على انها عربيه بيشتريها عشان التكاليف بس

**emadhamdy** · 02-11-2009 05:16 PM

هي حصلت المقارنه بالشاهين حتي لو في العفشه بس هههههههههههههههه
دي كده بقت خل خالص:POINTI~2[2]::POINTI~2[2]::POINTI~2[2]: الرحمه من عندك يارب

جينتاوي وافتخر

**mnabil1980** · 02-11-2009 05:36 PM

المقارنة بين أى سيارتين سليمة حتى لو الفرق كبير من كل النواحى. لهذا وجدت المقارنات.. لتوضيح الفروق بين الأشياء.

**Ahmed A Rahman** · 02-11-2009 05:54 PM

المشاركة الأصلية كتبت بواسطة mnabil1980

المقارنة بين أى سيارتين سليمة حتى لو الفرق كبير من كل النواحى. لهذا وجدت المقارنات.. لتوضيح الفروق بين الأشياء.

الله يبارك لك متفق معاك قلبا وقالبا
الناس كانت حتاكل الراجل كأنه غلط في الإمام البخاري
بالراحة يا جماعة على الراجل

بالمناسبة انا اول ما قريت العنوان ضحكت جدا
لسبب بسيط انك ممكن في الجين تو تعيب على كل حاجه إلا العفشة (انا بفترض ان فيها عيوب لأن الكمال لله)

وبعد كده ضحكت اكتر بعد ماقريت ان الناس ممكن يحصل لها حاجه من الكلام ده

لكن عايز اوضح نقطة
الواحد لما بيجرب اي حاجه ويعرفها بتكون هي دي نقطة المقارنة لما يجرب حاجه جديدة
بتبقى يعني عنده Standard unit اللي بيتقاس عليها

يا سيدي الجين تو احسن من الشاهين الف مرة
ماشي بس ما هي برضه مقارنة (وحدة القياس فيها الشاهين و الجين عملت 1000 مرة)

انا فاكر لما كان معايا ال 128 وكنت بجيب اللانسر
قلت لهم هي قعدتها مريحة اد ايه عن ال 128
الناس كانت حتاكلني واللي يبص لي ويسيبني ويمشي
بس انا كنت اعمل ايه مكنتش سقت غير ال 128 ولو كانوا روا عليا مثلا وقالوا هي اقل راحة 9 مرات من المرسيدس, انا كنت حستفيد ايه ؟ مانا مركبتش مرسيدس !!!!!

انا حسيت ان الراجل زعلان من ردودنا عليه
فياريت فعلا من رجالة الجين تو يعملوا مقارنة بجد

**ahmedfathy77** · 02-11-2009 07:29 PM

السلام عليكم و رحمة الله و بركاته
مفيش حاجه يا اخوانا اسمها المقارنه ما تنفعش حتي لو كان الفرق شاسع و خاصة ان الاخ الكريم بيقارن بين حاجه واحده مش عربيه بعربيه
فمن حقه علي كل اللي جرب العربيتين انه يدله و ينقل له تجربته مش يتريق
يا اخوانا بلاش العنصريه دي حتي لو كانت عنصريه لصالح جين 2 اللي ما بنحبهوش يتقال علي جين 2 ما نحبش نقوله علي اي ماركه تانيه
انا عملت موضوع زمان عن جميع مقارنات جين 2 في قسم المقارنات و لو حد قرا الموضوع فه مش هيصدق جينا دخلت في مقارنات مع ايه عربيات تفوقها في كل حاجه و عربيات زييها و اقل و مش عاوز اقول انا كنت ببقي حزين اد ايه لما حد يتكلم بعنصريه او بتريقه علي نغمة دي ماليزي او ايش جاب لجاب
زي ما بنحب نقارن جينا بما هو اكبر و اغلي و اقيم لازم نتقبل المثل
سلامي للجميع

**hanyetsh** · 02-11-2009 08:44 PM

المشاركة الأصلية كتبت بواسطة muhammedsoliman

يا راجل حرام عليك جين2 وشاهين

!!!! ؟؟؟؟ بس أنا من رأي خليك فى الشاهين .. طالما الموضع كده
تحياتى

+111111111111

**emansalah** · 02-11-2009 09:18 PM

المشاركة الأصلية كتبت بواسطة ahmedfathy77

السلام عليكم و رحمة الله و بركاته
مفيش حاجه يا اخوانا اسمها المقارنه ما تنفعش حتي لو كان الفرق شاسع و خاصة ان الاخ الكريم بيقارن بين حاجه واحده مش عربيه بعربيه
فمن حقه علي كل اللي جرب العربيتين انه يدله و ينقل له تجربته مش يتريق
يا اخوانا بلاش العنصريه دي حتي لو كانت عنصريه لصالح جين 2 اللي ما بنحبهوش يتقال علي جين 2 ما نحبش نقوله علي اي ماركه تانيه
انا عملت موضوع زمان عن جميع مقارنات جين 2 في قسم المقارنات و لو حد قرا الموضوع فه مش هيصدق جينا دخلت في مقارنات مع ايه عربيات تفوقها في كل حاجه و عربيات زييها و اقل و مش عاوز اقول انا كنت ببقي حزين اد ايه لما حد يتكلم بعنصريه او بتريقه علي نغمة دي ماليزي او ايش جاب لجاب
زي ما بنحب نقارن جينا بما هو اكبر و اغلي و اقيم لازم نتقبل المثل
سلامي للجميع

الموضوع: ركوبه وعفشه الشاهين ولا الجين

LinkBack

أدوات الموضوع

عرض

-

-

-

-

المواضيع المتشابهه

يعنى ايه عفشه ناعمة وعفشه خشنة

فيكترا ايه ركوبه احسن من الفيكترا بى

مساعدين وعفشه .. فكترا a

تغير فتيس وعفشه

دبرياج وعفشه الجيتز

الكلمات الدلالية لهذا الموضوع

المفضلات

المفضلات

ضوابط المشاركة