ركوبه وعفشه الشاهين ولا الجين

**ayman_83** · 02-11-2009 12:56 AM

ياريت للي جرب ركوبه الشاهين والجين 2 يقول انهي عفشه اريح وانهي ركوبه احسن
عشان انا معايا شاهين وعايز اجيب الجين 2 بس في ناس بتقول ان عفشتها ناشفه شويه عشان رياضيه والثبات بتاعها وكده ومش حلوه اوي في المطبات الرخمه الاساسيه اللي في مصر
ياريت اللي داس في الاتنين يرد ياعسل

**Abdelrahman.H** · 02-11-2009 01:08 AM

أنا معايا شاهين 99 وجين 2 2006.......
أكييييييييد مافييش مقارنة خاالص بين الشاهين والجين2 ززز دا فرق السما من الأرض يا راجل.
هي الجين2 عفشتها ناشفة شوية بس مش لدرجة انك تقارنها ب الشاهين.
الشاهين دي دبابة ماشية على كاوتش.
توكل على الله وإشتري الجين2 وانت تعرف الفرق.

**eslam_wega** · 02-11-2009 01:11 AM

انا راكبت شاهين لفترة كبيرة مع صاحبى بنروح ونرجع سواء من الجامعة عشان احنا كمان جيران
ومن خلال تجربتى اقولك وبصراحة ان عفشة الشاهين افضل فى المطبات فقط لا غير
بس طبعا الثبات فى الضياع عكسها تماما الجين مش حلوة فى الطرق المكسرة اوى
بس ثبات تحفة فا مستحيل تاخد الحاجتين يا الثبات يا الراحة القصوى
وخير دليل على ذلك الكورولا القديمة قمة النعومة فى المطبات بس ثبات وحش
اتوكل على الله وهات الجين ومش هتندم ان شاء الله

**m.3abdel3al** · 02-11-2009 01:22 AM

انت بتقول اه ؟؟؟؟؟؟؟؟؟؟؟؟؟؟؟؟؟؟؟؟

**memoo305** · 02-11-2009 08:16 AM

مقارنة ظالمة جدااااااااً

**مصطفى_صديق** · 02-11-2009 09:21 AM

كان معايا شاهين 2003 وقعدت معايا خمس سنين...مفيش مقارنة بين الاتنين....الشاهين عربية حلوة وبتستحمل جامد....بس دى حاجة ودى حاجة تانية خالص

**ahmed76** · 02-11-2009 09:45 AM

الناس بتقارن الجين تو بالنيو اكسينت والياريس واللينيا و .....
ومحتارين بينهم
وحضرتك لسه بتقارنها بالشاهين
انا متهيألى فيه ناس ممكن يحصل لها حاجه من السؤال ده

**MuhammedSoliman** · 02-11-2009 10:04 AM

يا راجل حرام عليك جين2 وشاهين!!!! ؟؟؟؟ بس أنا من رأي خليك فى الشاهين .. طالما الموضع كده
تحياتى

**alfa** · 02-11-2009 10:06 AM

ياراجل انت ظالم اوي
حد يقارن المقارنة ده ؟؟
يعني زي ماقالو الاخوة انك ممكن تقارن بالنيسان تيدا مثلا او بالتويوتا ياريس
بس بجد انا ركبت مرة بالشاهين وهي عربية كبيرة ومريحة عالمطبات والشوارع التعبانة بس صدقني جنجونتي هي برضو مريحة جدا ولكن الاخوة الاعضاء وقت يقولو انها ناشفة شوية فهم بيقصدو انها ناشفة بالنسبة للعربيات الكوري مثلا او الياباني
توكل على الله وربنا يختارلك يالي فيه الخير