طبعا بعد ما نركب الاستوب نرجع كل حاجه زى ما كانت بالترتيب العكسى........
نيجى بقى لساعه التابلوه.......
ساعه التابلوه غير منفصله عن الفريم أو الاطار المحيط بيها....
بمعنى أن فى اللانوس مثلا....كان فى طبه بتفكها وبتشترى الساعه بصوره مستقله وتركبها مكان الطبه البلاستيك زى ما بتركب زرار الفوجات مكان الطبه البلاستيك كده......
لكن فى الفيرنا الساعه مرتبطه بالفريم المحيط بيها واللى بيشمل من مكان الساعه من اعلى ووصولا لحامل الاكواب واعلى الطفايه من اسفل.....
طب نعمل ايه.....؟!
الفريم موجود بالكامل بساعته وحتى بمفاتيح التكييف والطبب...لكن بدون مفتاح الفوجات وتقريبا من غير مفتاح الانتظار او السخان بتاع الزجاج الخلفى.....
الاطار بيبقى فى حدود ال 200 جنيه...ممكن يوصل ل 150 او 250 حسب حالته وخلوه من الخرابيش او الحاله العامع والنظافه......
طريقه فك الاطار رخمه شويه ومش عارف أشرحها....فمعلش هنخليها لما أقدر أصورها فيديو زى أخويا احمد أبو زيد ما عمل فى تنظيف البوابه والحساسات....إن شاء الله...