رأيكم فى جولف موديل 91

السلام عليكم يا أهل الخبرة دلوقتى أنا معايا هيونداى أكسنت 1500 كاملة موديل 2000 واتعذرت فى فلوس ومضطر أبيعها ومعروض عليا عربية جولف موديل 1991 1600 سى سى وحالتها حلوة تنصحونى بيها ولا ...ايه ولما أروح أبص عليها ..أبص على ايه بالضبط لأن كل عربية لها تركاتها المعروفة وبصفة عامة ايه رأيكم فى العربية دى هل هأحس بفرق كبير عن الأكسنت لأنى بصراحة أول مرة هاركب العربيات دى والنبى ردوا بسرعة:Ta_clap[1]:

هتحس بفرق كبير جدا لصالح الجولف لو ربنا كرمك بحاله كويسه

فرق كبير فى القوه و المتانه و السحب و الآداء و الثبات لصالح الجولف طبعاً لكن المهم الحاله السليمه.

شكرا ياجماعة على الاهتمام والرد

الكوري لا يقارن بالالماني ابدااا ولو ربنا كرمك والجولف دي حالتها سليمة يبقى انت فعلا هتسمتع بقيادة سيارة محترمة وقوية وثابته وفيها اغلب تكنولوجيا العربيات الحديثة

الجولف بنت حلوة و مؤدبة, ركبتها بتمتعك و تمتع كل حواسك, صوتها حركتها يمين و شمال, جريها, لما تتمشى معاها...في كل الاحوال و انت راكبها بتمتع كل حواسك, لمس خامات الصالون, سماع صوتها مزيكا...كل الحواس بتستمتع طول مانت راكبها إللا حاسة النظر...بتمتع حاسة النظر لما تنزل منها...بص عليها و هي بصالك و عنيها كلها غضب لانك سايبها و بتبعد عنها بالاضافة إلى الحسب و النسب, جولف هي العربية الوحيدة اللي من انتاج VW اللي عمر ما حد لمسها من خارج المانيا... الوحيدة اللي بتتصنع من يوم ما أنتجوها حتى يومنا هذا في المانيا لا صين ولا جنوب افريقيا و لا حتى البرازيل المانيا و بس و مع ذلك ملهاش طلبات !!بلؤمتها...بنزين و زيت...واحدة فيها كل المميزات ده عايز تدفع فيها زي ما بتدفع لاي واحدة تانيا ؟!! دة كفاية كل ما تمسك حتة فيها تلاقي مكتوب عليها Made in Germany واحد عندوا جولف
　

متنساش حاجه مهمه انتة راكب اكسنت زي قطع غيرها اولا متوافره بكثره ورخيصه
الجولف قطع غيار مولعه ومش منتشره وده اهم فرق
وياترى مطلوب فيها كام

وهتبيع الاكسنت بكام

اقتباس:

---

المشاركة الأصلية كتبت بواسطة memeto

الجولف بنت حلوة و مؤدبة, ركبتها بتمتعك و تمتع كل حواسك, صوتها حركتها يمين و شمال, جريها, لما تتمشى معاها...في كل الاحوال و انت راكبها بتمتع كل حواسك, لمس خامات الصالون, سماع صوتها مزيكا...كل الحواس بتستمتع طول مانت راكبها إللا حاسة النظر...بتمتع حاسة النظر لما تنزل منها...بص عليها و هي بصالك و عنيها كلها غضب لانك سايبها و بتبعد عنها بالاضافة إلى الحسب و النسب, جولف هي العربية الوحيدة اللي من انتاج vw اللي عمر ما حد لمسها من خارج المانيا... الوحيدة اللي بتتصنع من يوم ما أنتجوها حتى يومنا هذا في المانيا لا صين ولا جنوب افريقيا و لا حتى البرازيل المانيا و بس و مع ذلك ملهاش طلبات !!بلؤمتها...بنزين و زيت...واحدة فيها كل المميزات ده عايز تدفع فيها زي ما بتدفع لاي واحدة تانيا ؟!! دة كفاية كل ما تمسك حتة فيها تلاقي مكتوب عليها made in germany واحد عندوا جولف
　

---

دا أيه الغزل دا كلو ههههههههههههههههههه بس معاك حق أنا راكب أختها الصغيره وبحس بالى بتقول عليه ده

الجولف ......كفاية تسمع اسمها و تعرف ان الشاسيه بتاعها بينزل بمكنة 1300سي سي و راسخ في التماسك لحد مكنة 3200 سي سي ستة سلندرات. ده غير لما تجرب تأخذ بيها غرزة ضيقة جدا ايا كانت سرعتك و لما تدخل المنحنيات ايا كانت بدون ما تحس بقوة الطرد المركزي و لما تجري على اي سرعة و العربية ماتحسسكش بالسرعة اللى انت ماشي بيها و صاجها مش بيتنغز ولا بيصدي الا في النادر يعني لما تقول Performance تذكر Golf بس على قد ما ادتك حاجات كتير هي برده عايزة قطع غيارها الأصلية فقط،الألماني فقط لو حطيت حاجة متوافقة ايطالي او صيني او فرنساوي او تشيكي او حاجات من سكودا يبقى انت بتقتل العربية بنفسك و بتفقد الأداء الراقي ده جزء بعد جزء و حتوصل في الأخر انك حتبيعها. سيبك من خدعة
Volkswagen Gruppe/Group ده هجص بيضحكوا بيه على الناس اللى راكبه سكودا علشان مبيعات شركة سكودا ماتتدهورش"انا أسف بس هي دي الحقيقة" مش معني ان قطعة الغيار تقدر تركب في العربيتين يبقى حتدي نفس الأداء.
اركب جولف أو باسات أو بورا حسنة الحالة مش لازم زيرو وبدون وجود مشاكل ميكانيكية فيهم و سوق سواقة رياضية من حرق و غرز و فرامل في المنحنيات و دخول منحنيات بسرعة تتوافق مع الكيان الرياضي و بعد كده سوق نفس السواقة دي في اي سكودا حتي لو موديل السنة وزيرو وحتي لو High Line و انت حتعرف بنفسك الحقيقة و حتعرف يعني ايه كلمة جولف و المجهود الرائع لطاقم العمل في تصميم هذه العربية و ازاي بقي في منها جولف 12 سلندر و ازاي حافظة اسمها كل السنين دي مع الإلتزام بالأداء الرياضي الراقي المحترم