اجندة المقابله (رقم 5)

**A. Ibrahim** · 03-11-2009 05:43 PM

تمام كده يا جماعه

تم تاكيد الموضوعين دول في الاجنده
1- الضمان بيغطي ايه (والاكيد انه كل حاجه حتي البطاريه و الكاوتش )
2- اقتراح عمل call center يعني ___19 اي حاجه للصيانه في القاهره و الاسكندريه.

كلام زي الفل اللي بعده

**eslam_wega** · 04-11-2009 01:15 AM

المشاركة الأصلية كتبت بواسطة mohamed_3abdel3al

انا out of game يا دكتور معرفش ممكن اجي وممكن لا بس بجد زهقت من القاهرة

خلاص يا محمد يبقا احنا نجيلك الاسماعلية

**m.3abdel3al** · 04-11-2009 06:06 PM

المشاركة الأصلية كتبت بواسطة eslam_wega

خلاص يا محمد يبقا احنا نجيلك الاسماعلية

حبيبي يا اسلام ربنا يخليك انت تشرف في اي وقت بس والله الحوار مش اسماعلية لو السخنة او اسكندرية جامدة جدا انا مش فارقه الي يدخلني القاهرة في الزحمة ويوديني الهرم يخليني اطلع على اسكندرية او يخليني اروح السخنة مش هتفرق انما البلد دي زحماااااااااااااااااااااا ااااااااااااااااااااا

**eslam_wega** · 05-11-2009 01:46 AM

مهو انت هتستحمل الزحمة دى عشان تشوف حبايبك ولا انت مش بتحبنا
اصلا انا مش هسيبك هزن عليك لغايت يوم 20
وفى الاخر هتقتنع وهتيجى
بص قدامك 3 اختيارات
هتجى المقابلة
لازم تكون فى المقابلة
مينفعش متجيش المقابلة
شوف انا مسهل عليك الدنيا ازى
اختر انت بقا برحتك من التلاتة دول

**Ayman_52** · 08-11-2009 05:50 AM

باردوا عاوزين نشوف موضوع الفنيين اللى فى التوكيل ...

وانا فى الصيانه وبشوف الفنى ... سايق العربيه عشان يدخلها الورشه ... والله ولا كأنه سايق عربيته فى حلبة سباق

وكذا مره عربيه اتخربشت هناك بسبب الهبل دا !!!!!!!!!!

ياريت فعلا نشوف حل للموضوع دا

تحيـــــــــــــــــــاتـ ـــــى

**A. Ibrahim** · 08-11-2009 06:59 PM

المشاركة الأصلية كتبت بواسطة eslam_wega

مهو انت هتستحمل الزحمة دى عشان تشوف حبايبك ولا انت مش بتحبنا

اصلا انا مش هسيبك هزن عليك لغايت يوم 20

وفى الاخر هتقتنع وهتيجى

بص قدامك 3 اختيارات

هتجى المقابلة

لازم تكون فى المقابلة

مينفعش متجيش المقابلة

شوف انا مسهل عليك الدنيا ازى

اختر انت بقا برحتك من التلاتة دول

والله انا شايف انك بتريحه علي الاخر و اكيد حل من التلاته هيعجبه

و ممكن نعمل استقصاء علي المنتدي للموضوع ده

**A. Ibrahim** · 08-11-2009 07:08 PM

المشاركة الأصلية كتبت بواسطة ayman_52

باردوا عاوزين نشوف موضوع الفنيين اللى فى التوكيل ...

وانا فى الصيانه وبشوف الفنى ... سايق العربيه عشان يدخلها الورشه ... والله ولا كأنه سايق عربيته فى حلبة سباق

وكذا مره عربيه اتخربشت هناك بسبب الهبل دا !!!!!!!!!!

ياريت فعلا نشوف حل للموضوع دا

تحيـــــــــــــــــــاتـ ـــــى

كلام تمام نوصل الموضوع لي م\امر

و كمان بمناسبت الفنين اكيد اي فني بيشتغل في العربيه بيمضي علي امر الشغل و ده معناه ان لو فيه اي مشكله نعرف مين السبب

و انا ليا اقتراحين كمان بمناسبت الصيانه

1- ان التوكيل يعمل حسابه في المركز الجديد ان يكون في زجاج عي الورشه و ده هيريح الزبون و يخف السؤال كل شويه "العربيه خلصة ولا لسه"

2- كل العاملين بالتوكيل زي اي مكان محترم يكون كاتبين اسماءهم علي القميص و ده عشان اقدر اشكرهم او اشتكيهم عند الريس "لا مش قصدي ده ,,,, قصدي مدير التوكيل"

**A. Ibrahim** · 16-11-2009 11:57 PM

السادة الافاضل ده اخر تحديث و تجميعة لنقط الاجندة و فيها ما يلي :-

1- الضمان بيغطي ايه خصوصا في موضوعين الموتور و الفيتيس ده الموضوع الاول الموضوع التاني كاوتش الباب و رفايع العربية و احب اوجه انتباهكو بان جهاز حماية المستهلك بياكد علي ان العربية بالكامل مسئولية الوكيل بما فيها الكاوتش و العربية فطبعا كاوتش الباب يعتبر داخل ضمان العربية خصوصا لو كانت العربية لسه جديدة و طبعا ده حيبقي موضوع للنقاش مع الوكيل

2- اقتراح عمل كول سنتر للصيانة بنمرة ---19 للحجز بالقاهرة و الاسكندرية مثلا و ده لان المشاكل حصلت كتير من عدم الرد علي التليفونات للحجز و ده برضه مع التوكيل

3- اقتراح عمل زجاج بين مكان الانتظار للعملاء و الورشة حتي يمكن للعميل متابعة العربية و مايفضلش يسال عليها كل شوية و نبقي ريحنا الطرفين و الاقتراح ده خصوصا للمركز الجديد (المزعم انشائه في القرية الذكية)

4- عمل نظام كارت لقياس جودة الخدمة و تلقي الاقتراحات من العملاء و دي برضه حناقشها مع التوكيل

5- توافر قطع الغيار في التوكيل خصوصا الحاجات المطلوبة كتير

6- هل في مراكز بديلة للصيانة برة التوكيل سواء تابعة للتوكيل او لا (و دي بينا و بين بعض علي اساس الخبرات الشخصية )

7- الكماليات و الاكسسوارات و دي ايضا بين الاعضاء و بعضها زي الفرش و الغطا

آخر نقطة و انا شايفها اهم نقطة عايزين نشوف حل لايمن لانه كل مرة بيتاخر جدا عاوزينوا يبطل الموضوع ده

يا ريت يا جماعة حد هو اللي يتولي الاجندة من حيث المناقشة و كتابة الردود علي المنتدي لاني للاسف حتحرم منكو المرة دي لاني مسافر في شغل ضروري يا ريت حد يتطوع و يمسك الموضوع ده الدكتور عماد مثلا او احمد رجب او اي حد من الاخوة الافاضل و شكرا للجميع

**Eng. Rafy Samy** · 17-11-2009 12:37 PM

احب اضيف نقطة مهمة لو سمحتولي وهي مدة الضمان على الموتور والجيريبوكس هل هي 60 الف ولا 100الف وهل هي 3 سنوات ولا 5 سنوات
لازم نعرف رد على الاسئلة اللي في الموضوع ده
http://www.nilemotors.net/Nile/94126-a.html

وتقبلوا خالص تحياتي واتمنى لكم مقابلة ناجحة

**A. Ibrahim** · 17-11-2009 03:16 PM

المشاركة الأصلية كتبت بواسطة eng. Rafy samy

احب اضيف نقطة مهمة لو سمحتولي وهي مدة الضمان على الموتور والجيريبوكس هل هي 60 الف ولا 100الف وهل هي 3 سنوات ولا 5 سنوات
لازم نعرف رد على الاسئلة اللي في الموضوع ده
http://www.nilemotors.net/nile/94126-a.html

وتقبلوا خالص تحياتي واتمنى لكم مقابلة ناجحة

يا باش مهندس فعلان الموضوع ده مهم و هو اول نقطه في النقاش ان شاء الله

الموضوع: اجندة المقابله (رقم 5)

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

و اخيرا تمت المقابله

تأكيد المقابله

فين فيديوهات المقابله ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة