اكبر شاحنة في العالم .... انها العملاقة كاتربيلار B797
الشاحنة دي غير طبيعية ..... الكاوتش بتاعها قطره اكتر من ضعف طول الانسان ... وثمن الأطار الواحد 50 الف دولار .... يعني ثمن عربية فاخرة
طب ليه اساسا صنعوها .... الشاحنة دي مصنوعة علشان تقوم بعمل عشرات الشاحنات العادية .... واكيد ده ح يوفر في اقتصاديات التشغيل وكذلك في قيمة الشاحنة نفسها
العمل الرئيسي لهذه المعجزة هو نقل التربة المستخرجة من المناجم .... وخصوصا في مناجم البترول في كندا ....
عندهم البترول مش في شكل بحيرات تحت الارض زي باقي الأماكن .... لكن البترول ممتزج بالتربة .... ف بياخدو التربة المشبعة بالبترول ويستخلصو منها البترول في معامل خاصة لهذا الغرض
بالتالي لازم ينقلو كميات مهولة من التربة لخطوط الفصل كي تفصل التربة عن البترول
الشاخنة دي بتنقل 363 طن ...... كارثة .... يعني اللي ممكن تنقله عشرات الشاحنات العادية .... هي بتنقله في نقلة واحدة ...
والشاحنة مصممة على ان تعمل باستمرار ..... 24 ساعة في اليوم

طيب المحرك الجبار اللي بيشغل العملاق ده شكله ايه ...... اكيد محرك عملاق هو كمان .... هو مش محرك هما محركان يعملان معا بتناغم غير مسبوق .... ويولدان طاقة جبارة قدرها 3550 حصان ( القدرة الصافية 3370 حصان )
المحركان الجباران دول بيمكنو الشاحنة من بلوغ سرعة قصوى قدرها 42 ميل في الساعة وهي محملة بالحمولة الكاملة لها ...... بتبقي عاملة زي ما يكون جبل صغير بيجري
طول الشاحنة 47 قدم
وعرضها 31 قدم
وارتفاعها 22.5 قدم
الخلوص عن الارض 3.5 قدم
خزان الوقود يتسع ل 1800 جالون .... جالون مش لتر
الشاحنة لها 6 اطارات 2 امامي و 4 خلفي
والسيارة لها 7 نقلات امامية ونقلة خلفية ....... الفتيس جبار ...وزنه حوالي 5 طن
ثمن الشاحنة يتراوح من 3.5 الي 5 مليون دولار حسب المواصفات المطلوبة ومكان التسليم

اسيبكم مع الصور .... اعتقد انها ح تكون اقدر على الوصف من كلامي







عاملين غطاء للاطار الخلفي علشان الجليد






الصورة دي في المصنع اثناء الاختبارات النهائية




شوفو السلم اللي بيطلع عليه السائق .... زي سلم العمارة عندنا








لكن برضه لكل جواد كبوة




عاملة زي الفيل لما يقع















وسع ياجدع انت وهو من حنبي ........ اللي خايف على عمره يجري





راحت النص نقل في خير كان ...... افترسها الوحش