الموضوع: الى كل بروتوني لا يملك غطاء لسيارته... عاوز تغطيها ولاهتسيبها تبرد !!

المشاركة الأصلية كتبت بواسطة mark_milad_95

انا معاكو , بس يا ريت لو فى اسرع وقت عشان انا محتاجه .

دانا كنت نازل اشترى غطا من شارع دمشق انهاردة

استاذي الفاضل
ان شاء الله تكون معانا
ياريت تبعتلي رساله انك عاوز الغطاء
انا ناوي اننا نجمع المبلغ يوم المقابله
على الاقل يكون الكل حاضر ونتفق على مكان الاستلام
ان شاء الله

فكره ومبادره رائعه منك ا/محمود

شكـــرا على طرح الفكـــره ... لمساعدة البروتوناويه ...

انا بجد لما فى كام واحد طلبو الغطا منى ... كان نفسى اجبهولهم على طول ... حتى لو هدفع فرق الدييل من جيبى .

بس الصراحه الفتره الاخيره حصلتلى كام موقف خلتنى افكر 1000 مره قبل ما اساعد اى حد تانى

ودا لان بجد للاسف قابلت ناس كتيره مش بتقدر اى حاجه ... وبجد كنت قرفت وكنت هقفل سواء دييل الغطيان او الفرش من اللى شفته

سواء بقى اللى يطلب غطا (ويخلينى اجبهوله مخصوص) وبعد كده ماياخدوش وانا اللى البسه , ولا اللى وهو بيستلمه يقعد يبصلى من فوق لتحت و يقولى بس دا وحش مش زى اللى انا كنت متوقعه (كانى انا اللى مصنعه) و مع انى كاتب كل مواصفاته فى التوبيك , واللى يقعد يفاصل معايا فى تمنه.

بس مادام بجد البروتوناويه محتاجين الغطا كده ... انا بجد والله ماقدرش اتاخر لحظه عن طلبهم.

----

وعشان كده

انا عملت اوردر بـ (5 اغطيه) ... (3جين , 2 بيرسونا)

وهيكونوا معايا خلال يومين ان شاء الله

انا عملت الاوردر للناس المستعجله دلوقتى ... وعملت بــ 5 بس ... لانى مش معايا فلوس تكفى اكتـــر (لانى انا اللى بدفع تمنهم لحد ماسلمهم للناس)

.
.

التمن الراجل قالى هيحاول يدهونى بنفس الدييل او اكتر حاجه بسيطه (ودا لانى مش طالب 10 زى الدييل)

المهــــم ... اول مايجيهولى هابلغ حضراتكـــم

ولو حد عاوز تانى ممكن نجمع محموعه كمان مش شرط 10 ممكن (5) ... ونعمل اوردر وهيكون معايا خلال يومين باردوا ان شاء الله

-----

ملحوظه اخيره ... عشان حضراتكم تتاكدوا من السعر ... ياريـــــت

تكلموا الشركه -Top Cover Egypt- وتتاكدوا من تمن الغطا ... وحاولوا تجيبوا احسن سعر ليه منهم

Tel: (202) 25561498 - (202) 25561674



تحيـــــــــــــــــاتـــ ـى

شكرا يا يمون

تسلم ايديك

وربنا يخليك لكل البروتوناوية الغلابة

ومعلش.....فى ناس بتقدر...وناس مهما عملت...مش هاتقدر....بس صدقنى معظم الناس هنا مقدرين مجهوداتك ....واللى بفضل الله وكرمه بنجيب نتيجة كويسة ..من تخفيضات للزملاء اللى حاجزين وغطيان وتخفيضات فى التوكيل ونسب خصم الى اخره من مجهوداتك...ده غير تنظيم المقابلات وتعبها

من لا يشكر الناس لا يشكر الله...

شكرا يا جميل ...وكفاية بس المجهود والتعاطف

جزاك الله خيرا

أيمن , شكرا على ردك وتفاعلك مع الموضوع
انا هقولك ايمن علشان انا في سنك تقريبا :d
المهم : انا عارف انك خدوم بس في ناس نفوسها ضعيفه
ومبيعجبهاش العجب
عشان كدا فكرت اني اجمع المبلغ من الناس الاول وبعد كدا اعمل الاوردر ونستلم ونفرح كلنا
وبصراحه عاوز اقولك انك غلطان
علشان المفروض انك تستلم الفلوس الاول وتعمل الاوردر وبعد كدا تسلم الغطيان
( حتى لو كانت دي قلة زوق (عذرا في الكلمه)بس هو دا الصح اللي لازم يتعمل ولا يصح الا الصحيح)
شكرا على تعاونك ومجهوداتك
كلو في ميزان حسناتك ان شاء الله
ومعلش لو زعلتك من ردي بس انا صريح ومدب :d

المشاركة الأصلية كتبت بواسطة musiccairo

أيمن , شكرا على ردك وتفاعلك مع الموضوع
انا هقولك ايمن علشان انا في سنك تقريبا :d
المهم : انا عارف انك خدوم بس في ناس نفوسها ضعيفه
ومبيعجبهاش العجب
عشان كدا فكرت اني اجمع المبلغ من الناس الاول وبعد كدا اعمل الاوردر ونستلم ونفرح كلنا
وبصراحه عاوز اقولك انك غلطان
علشان المفروض انك تستلم الفلوس الاول وتعمل الاوردر وبعد كدا تسلم الغطيان
( حتى لو كانت دي قلة زوق (عذرا في الكلمه)بس هو دا الصح اللي لازم يتعمل ولا يصح الا الصحيح)
شكرا على تعاونك ومجهوداتك
كلو في ميزان حسناتك ان شاء الله
ومعلش لو زعلتك من ردي بس انا صريح ومدب :d

للأسف كلامك صح فى الزمن اللى احنا فيه...ويكفى أوى انه بياخد من وقته ومجهوده ويعمل خدمات للناس

لكن ......والف خط تحت لكن......تخيل ان الدنيا مفيهاش ناس كويسين زى أيمن...ومبقاش فى ولا حد عنده حب عمل الخير وقضاء حوائج الناس....أكيد الدنيا اللى احنا فيها هاتبقى أصعب بكتير ، أكتر ماهى صعبة بالاساس

يبقى خلينا نقوله ، انت صح....والناس هى اللى غلط.....وخليك صح على طول....وان شاء الله كله هايتردله ، أولا أم شاء الله بالجزاء الطيب من عند الله....ثانيا من حب الناس اللى بتقدر ليه كل الللى هو بيعمله

وزى مافى ناس مش بتقدر.....أكيد ان شاء الله في أضعافهم بيقدرو..وبيدعولو