تساقط الشعر :(

**Ahmed Selim** · 22-11-2009 08:05 PM

المشاركة الأصلية كتبت بواسطة mido777

ياريت لو حد من أطباء المنتدى يعرف يقوللنا ايه اخبار موضوع زراعة الشعر ولو ممكن يرشح لنا مركز او مستشفى يتعمل فيه الموضوع ده ..

وممكن لو حنبقى كذا واحد ح يعمل الموضوع ده ممكن ناخد خصم نايل موتورز:e_braces[1]:

محمد بك.....كيف حالك...واحشنى من يوم مقابلة الكنج :)

الحل ده فكرت فيه من سنتين مثلاً......كل لما أتصل بمستشفى من أعلانات الوسيط يقولولى بس حضرتك تعالى و هنشوف.......حسيت أنى بكلم ميكانيكى مش فاهم.....كبرت دماغى

بس أعرف 2 معايا فى الشغل عملوها برة مصر ( تقريباً فى رومانيا أو اليونان ).....أتكلفت مبلغ وقدره..........5 ألاف يورو.

**bmya** · 01-12-2009 05:12 PM

فيه سبراي اسمه selvel واحد صحبي جربه وبيقولي كويس هو يقوي الشعر وبيقلل تساقطه ويتقله علي حسب كلامه بس النتيجه تبدأ تظهر في خلال شهر ونص شهرن حد يعرف الاسبراي د ؟

**hossam_elwani** · 01-12-2009 05:25 PM

انا كمان عندى نفس المشكلة من سن 21 الى الان 29 سنه وجربت الهير باك وللاسف عايز استعمال بشكل دورى من غير كسل

**theking2690** · 02-12-2009 11:55 PM

هو كل ده يا جماعه من الجيل و الكريم ولا ايه؟؟؟؟؟؟؟؟؟؟؟؟؟
اصل لو كده الواحد يبطلهم ويشوفلوا اى صرفه تانيه

**م.محمد علاء** · 03-12-2009 03:53 AM

والله تقريبا المشكله دى مشكلة بضاعه مضروبه فى السوق..مهو الجل أو الكريم لو نضيف مكنش ده حصل..و طبعا أكيد العامل الوراثى.ولا هو ممكن حد مفيش فى عيلتهم حد أصلع و شعره يقع؟؟؟؟
مش عارف النقطه دى..بس انا كنت بحط جل ..بس بطلته ..وبحط كريم..بردو مفيش فرق..
شكلى ححط جاز..
فى نقطه تانيه..الحاله النفسيه.أول حاجه بتبان على الواحد لو حالته النفسيه وحشه هى سقوط الشعر..يا ريت لو حد يقولى ان كان كلامى صح ولا لأ..انا مش دكتور بس والدى دكتور أمراض جلديه

**mahmoud_magdy** · 16-12-2009 02:26 AM

المشاركة الأصلية كتبت بواسطة engmohamed

والله تقريبا المشكله دى مشكلة بضاعه مضروبه فى السوق..مهو الجل أو الكريم لو نضيف مكنش ده حصل..و طبعا أكيد العامل الوراثى.ولا هو ممكن حد مفيش فى عيلتهم حد أصلع و شعره يقع؟؟؟؟
مش عارف النقطه دى..بس انا كنت بحط جل ..بس بطلته ..وبحط كريم..بردو مفيش فرق..
شكلى ححط جاز..
فى نقطه تانيه..الحاله النفسيه.أول حاجه بتبان على الواحد لو حالته النفسيه وحشه هى سقوط الشعر..يا ريت لو حد يقولى ان كان كلامى صح ولا لأ..انا مش دكتور بس والدى دكتور أمراض جلديه

أكيد الحاله النفسيه بتفرق
انا كانت حالتي النفسيه زي الزفت من فتره وفجأه لقيت شعري بيخف

مع اني 22 سنه بس لكن الهم ملوش عمر

انا كنت لسه داخل اعمل موضوع عن الشعر وعاوز اسأل دكتور
بس واضح ان مفيش امل
اللي بيروح مبيرجعش للاسف

**mido777** · 22-12-2009 11:48 AM

المشاركة الأصلية كتبت بواسطة Ahmed A.Maksoud

محمد بك.....كيف حالك...واحشنى من يوم مقابلة الكنج :)

الحل ده فكرت فيه من سنتين مثلاً......كل لما أتصل بمستشفى من أعلانات الوسيط يقولولى بس حضرتك تعالى و هنشوف.......حسيت أنى بكلم ميكانيكى مش فاهم.....كبرت دماغى

بس أعرف 2 معايا فى الشغل عملوها برة مصر ( تقريباً فى رومانيا أو اليونان ).....أتكلفت مبلغ وقدره..........5 ألاف يورو.

الله يخليك يا ابو حميد ... ان شاء الله ح نكررها تانى فى شهر يناير2010

من اسبوع واحد بس كنت فى القاهرة وعملت زيارة لدكتور اسمه "احمد عادل نورالدين"
علشان موضوع زراعة الشعر الطبيعى وبعد ما كشفت وقالى ايه اللى حيتم بالضبط قاللى انها حتتكلف 14 الف جنيه.......
وده الموقع بتاعه www.Hb-clinic.com
بس على فكره هو مشهور وشاطر جدا فى موضوع زراعة الشعر واعرف كمان ان اعلب الشخصيات المشهورة سواء فنانين او شخصيات عامة زارعة عنده

وفيه كمان واحد اسمه د/ مجدى عبدالعزيز فى مدينة نصر .. جنب سيتى ستارز
روحتله وكشفت وكل حاجه بس هو فى الأساس دكتور امراض جلدية وبيقول ان ده افضل طبعا من دكتور التجميل
وقالى حتتكلف 6 الاف جنيه
وده الموقع بتاعه المركز التخصصي لزراعة الشعر

مش عارف انا متردد جدا بس عايز اعمل الموضوع ده

**Ahmed Selim** · 22-12-2009 02:58 PM

كده هتخليها تلعب فى دماغى :) طيب سؤال...........أيه الفرق بين اللى ب 6 و اللى ب 14 ألف ؟؟؟؟؟؟ كام عدد الشعرات اللى هتتزرع عند ده و عند ده ؟؟؟؟ كام جلسة و الجلسة كام ساعة و ينفع يخلص الجلسات كلها فى يوم واحد ولا لأ ؟

-

الموضوع: تساقط الشعر :(

LinkBack

أدوات الموضوع

عرض

-

-

-

-

-

-

-

المواضيع المتشابهه

علاج تساقط الشعر

عن تساقط الشعر اتحدث

نوع جديد من اختبارات التصادم .... شاهد تساقط الموديلات الفارهة

رجالة نايل موتورز حد جرب "الميزوثيرابي" لعلاج تساقط الشعر؟

هو فعلا كريمات الشعر بتنعم الشعر و لا دية فكرة خاطئة؟

الكلمات الدلالية لهذا الموضوع

المفضلات

المفضلات

ضوابط المشاركة