تساقط الشعر :(

**Vet.Mera** · 20-08-2011 12:05 AM

و الله يا جماعة انا ممكن اقولكم على وصفة كويسة جدا جدا لتساقط الشعر و الميزة اللي فيها انها طبيعية 100 *100 و انا مجرباها و شعري كان بيقع جدا و بعد ما استخدمت الوصفة دي باسبوع و الله شعري بطل يقع بهبل زي ما كان في الاول بس بقى بيقع في المعدل الطبيعي و كمان تقل و طول الحمد لله
قبل ما اقول الوصفة بس عايزة اقول حاجة على بانتوجار الدوا ده كويس جدا للرجال لكن في بعض السيدات بياثر على نمو الشعر في اماكن اخرى و بيخليه كثيف و ممكن يؤدي كمان لظهور الشعر في مناطق ماكانش بيطلع فيها قبل كده
نيجيبقى للوصفة بتاعتنا السهلة جدا و عايزة الناس تجرب و تقولي النتيجة بعد اسبوع من التجربة
الحاجات المطلوبة دي من عند العطار
هنجييب بذور جرجير + روز ماري
ملعقة من البذور و ملعقة روزماي و هنحطهم على 2 كوب ماء مغلي و نغطي الماء لحد ما يبرد و بعد ما نغسل الشعر كويس هنشطف الشطفة الأخيرة بالمياه دي بعد مانصفيها طبعا و مانغسلهاش تاني و الحكاية دي نكررها من مرتين لتلات مرات في الاسبوع
و ان شاء الله هتحسوا بالفرق
جربوا و ادعولي

**abdalah_hashem** · 16-12-2011 02:30 AM

انا 20 وشكلى فى ال 50 بسبب سقوط الشعر المتين ولم يتبقى الا الهلال المعتاد

طيب فكرت فى دكتور من بتاع اربع سنوات ومجابش نتيجة

فكرت ازرع ولقيت فلوس بالهبل + ممكن يقع + بياخد شعر من ورا القفا

فكرت فى باروكة طب الواحد وهو بيتوضأ فى جامع برة البيت هيبقى منظرة اية او لو جة هواء شديد
طب البروكة هتعمل اية فى المعركة اليومية فى الاتوبيسات هيبقى الواحد منظرة مش حلو لو الباروكة وقعت وهياااااااااكل كلااااااااااااااااااااااا ااام يسم البدن هههههههههههههه هيخلى شعر راسة يطلع من الكسفة :))

طب حد عندة حل بالنسبة للباروكة ارخص الحلول وايسرها واسهلها ؟؟؟؟؟

او مممكن نلزقلها فرخ كربون زى اللى بيتلزق على الكابوت ههههههههههه او نفيمها ههههههه بس مش عارف هينزلوا على الرخصة ( اقصد البطاقة ) وللا هناخد مخالفة :)))

تصدقوا انا مش عايز اروح اغير البطاقة عشان الصورة فيها بشعر ودلوقتى بقت صحراء جرداء لا زرع فيها ولا ماء

**bmya** · 18-12-2011 03:18 PM

المشاركة الأصلية كتبت بواسطة Vet.Mera

و الله يا جماعة انا ممكن اقولكم على وصفة كويسة جدا جدا لتساقط الشعر و الميزة اللي فيها انها طبيعية 100 *100 و انا مجرباها و شعري كان بيقع جدا و بعد ما استخدمت الوصفة دي باسبوع و الله شعري بطل يقع بهبل زي ما كان في الاول بس بقى بيقع في المعدل الطبيعي و كمان تقل و طول الحمد لله
قبل ما اقول الوصفة بس عايزة اقول حاجة على بانتوجار الدوا ده كويس جدا للرجال لكن في بعض السيدات بياثر على نمو الشعر في اماكن اخرى و بيخليه كثيف و ممكن يؤدي كمان لظهور الشعر في مناطق ماكانش بيطلع فيها قبل كده
نيجيبقى للوصفة بتاعتنا السهلة جدا و عايزة الناس تجرب و تقولي النتيجة بعد اسبوع من التجربة
الحاجات المطلوبة دي من عند العطار
هنجييب بذور جرجير + روز ماري
ملعقة من البذور و ملعقة روزماي و هنحطهم على 2 كوب ماء مغلي و نغطي الماء لحد ما يبرد و بعد ما نغسل الشعر كويس هنشطف الشطفة الأخيرة بالمياه دي بعد مانصفيها طبعا و مانغسلهاش تاني و الحكاية دي نكررها من مرتين لتلات مرات في الاسبوع
و ان شاء الله هتحسوا بالفرق
جربوا و ادعولي

بس معرفش الوصفه دي تنفع مع الرجاله ولا ايه

عموما نجرب الروزماري موجود والدتي بتستعمله في الاكل ونجيب بذور جرجيير ولو منفعتش نزرعها برده تطلع جرجير

**Ahmed_lol2007** · 08-01-2012 07:03 PM

يا جماعة أنا عندى 20 سنة ووالدى ربنا يديله الصحة أصلع وأنا الحمد لله دخلت بقوة ف مرحلة الصلع
بس ولا هاممنى أى حاجة وعايش حياتى وبخرج وبروح وبأجى ولا شاغل بالى بأى حاجة كنت شايل الهم من فترة بس دلوقتى ولا الهوا

**mazagngi2010** · 08-01-2012 07:13 PM

المشاركة الأصلية كتبت بواسطة أحمد كمال

تاني نقول

لو كان الشعر عزيز ..... ماكانش طلع في المعيز

هتغلط مره وهتتوقف

**hi5** · 04-04-2012 11:40 PM

افضل غذاء للشعر هو الغذاء الداخلى الصحى يعنى الاكل الصحى السليم يجعل شكل وقوة ولمعان الشعر جيدة وعلى العموم اهتم بفتيامين الف وكمان زنك دة مهم قوى للتغذة الشعر النتاجور ممتاز بس مان فيه مكمل غذائى افضل منه ميت مرة كان اسمة هاى بوتنسى كان رائع وكان تمنه 16 جنية للشريطين بس للاسف مش موجود دلوقتى لو تقدر تجيب هتحس بفرق سريع بقوة الاشعر وشف لو قشرة يبقى لازم تتعالج وخلى بالك من الغسيل بالشامبو اغسل شهر بالشامبو مرتين بس فى الاسبوع اكتر من كدة تضر الشعر وغير كدة يبقى مية بس وكمان الجرجير رائع للشعر والصبار