ترشيحاتكم..دام فضلكم !! (وائل عطية)

**وائل عطية** · 17-11-2007 02:45 PM

للأسف ياكريم انت بتقوللي على حاجة أنا مش متقبل لشكلها بالمرة ..فعلاً مش عارف إيه التصميم دا ..أنا كل ما بشوف واحد راكبها باقعد أسأل نفسي هو تقبل شكلها كده ازاى ..أقوم أنا أروح أشتريها ..لأ صعب جداً ..أنا عارف إنها خامات ووسع وتقفيل ووكيل ممتازة ولكن الشكل الخارجي للسيارة عندي عليه مايقرب من 85 % من قبولي لها

**Sharky** · 17-11-2007 02:46 PM

بصراحة يا كيمو هو معايا و مش حاسس إنه وحش بس لو حتقارنه بالمانيوال طبعا المايوال سحبها أحسن

**محمدايهاب** · 17-11-2007 03:50 PM

حقيقة في كلام صح و كلام غلط إتقال في الردود
أولا اليارس فيها RPM طبعا الماويل و الأوتماتيك ممكن تربو قصده الكورولا 1300 الفاضية
ثايا : أنا حاولت أفهم يعني إيه تابلوه اليارس فقير لم أجد رد مقنع تابلوه اليارس واسع و وجود العدادت في الوسط يعطي انطباع بإن التابلوه فقير صحيح مفيش مؤشرات حرارة و بنزين بس اليارس فيها عدادت ديجيتال ( ودي ميزة مش عيب) أنا مش فاهم يعني إيه تابلوه فقير كاسيت موجود مرايات كهربه موجودة أزرار الزجاج (في الكاملة ) موجود مكيف موجود بكل أزراره زرار الزجاج الحراري موجود
النقطة دي بالذات فيها لبس كتيير و ده بسبب وسع التابلوه ووجود العدادت في الوسط ( أنا رأي إن تابلوه اليارس فخم)
حضرتك يا أستاذ وائل إسأل نفسك تابلوه اليارس ناقصه إيه عن اللانسر أو الماتيريا أو الإيبيزا أو الكورولا مش هتلاقي جواب

ثالثا: ماتور اليارس سحبه جامد جدا الموضوع مش كام سي سي بس الموضوع وزن عربية + قوة محرك + تسارع + قدرة المحرك على السحب عند التحميل و الأمثلة كتيير
سحب اليارس1300 أحسن من الإيبيزا 1400 ( إحنا عندنا الإتنين)
سحب الفيرنا أحسن من سحب الصني ( سقت الإتنين)
سحب اليارس أحسن من سحب اللانسر 1300
سحب اليارس أحسن من سحب الصني 1600
سحب الإلنترا أحسن من سحب الصني
سحب الماتريكس أحسن من الإلنترا

رابعا:أنا أفضل اليارس المانويل على الأوتوماتيك عمتي عندها الأوتوماتيك هي ساقت المانويل قالت عنها سحبها أحسن و المكيف ما بيأثرش خالص في السحب

خامسا : إحنا بنتكلم عن 14 ألف فرق يعني جنوط سبور +فوج لايت +cd + dvd +فرش جلد فخم + فلوس هتفضل معاك
سادسا : مع كامل احترامي للسوزكي هي مش زي التويوتا

في الجهة الأخرى
أولا : المقارنة بين وضع الإسبيرانزا و السوزوكي أنا شايفه مش منطقي دي شركة جديدة في العالم مع تجميع مصري و التانية شركة يابانية عريقة في السوق من زمان
ثانيا : أنا شفت sx4 شكلها جامد جدا و شنطتها واسعة و العربية فيها تميز جامد
ثالثا: أنا كمان شايف إن حضرتك مقتنع جدا بالسوزوكي يبقى استخير و اتوكل على الله

طبعا أنا مش هشتت حضرتك ( علشان فوبيا الشراء تخف :P ) لكن لو حضرتك رسيت على العربيتن دول و راضي فرق السعر و بتحب التميز يبقى هات السوزوكي
لكن لو حضرتك عايز توفر الفرق و استهلاك أقل للبنزين و عربية ليها سمعتها في العالم يبقى هات اليارس

رأي الشخصي أنا شفت الإتنين و هاختار اليارس مش علشان هي أحسن بس علشان الفرق مايستاهلش و السوزكي بشكل عام في مبالغة في أسعارهم( حتى أكتر من التويوت) و السويفت أكبر مثال على كده

**hussein** · 17-11-2007 06:19 PM

وائل باشا اولا بحييك على حسن اختيارك (العربيتين زى الفل)
فاذا اشتريت اى واحده فيهم فان شاء الله انت الكسبان
انا لو مكانك الياريس
لانى صعب استوعب الخسارة الكبيرة عند اعادة البيع (خاصة انك بتغير كتيييير)
استخييييييييييير و اتوكل على الله

**sokasoon** · 17-11-2007 06:38 PM

طيب ما فى حل كويس اوى علشان تشترى السوزوكى sx4

شوف واحدة كسر زيرو وبكده لو جيت تبيع مش هتخسر غير ما

تكون جايبها زيروو ايه رأيك فى الحل ده ؟

**وائل عطية** · 17-11-2007 06:47 PM

المشاركة الأصلية كتبت بواسطة sokasoon

طيب ما فى حل كويس اوى علشان تشترى السوزوكى sx4

شوف واحدة كسر زيرو وبكده لو جيت تبيع مش هتخسر غير ما

تكون جايبها زيروو ايه رأيك فى الحل ده ؟

شكراً على الاقتراح بس العربية لسه جديدة تماماً والوكيل والديلرز بتوعه ماباعوش منها لسه يمكن 7 عربيات على بعض يعني حكاية كسر زيرو دي مش هاتنفع

**M_Abdallah** · 17-11-2007 08:34 PM

رأيي لو هتجيب ياريس تجيب مانوال عشان يبقي سحبها
حلو وبالنسبة للسوزوكيسsx4 واضح انها روعة من كلامك
عليها ومش تقلق من التوكيل لأنه أكيد في الفترة اللي جاية محتاج
يكسب ثقة الناس فهتلاقي معاملته حلوة وموفر قطع الغيار وأسئل
في التوكيل عن كل حاجة تخصها وعن قطع الغيار.لكن أيه رأيك
تشوف لانسر 1600اوتوماتيك الشكل القديم وتكون سبور هتلاقي
فيها كل اللي تتمناه من ناحية 1600 وسحب الاوتوماتيك بتاعها قوي
وشكلها شيك وقطع غيار متوفرة وأي حد بيفهم فيها انا عارف انها منشرة
بشكل غير طبيعي بس دة مش عيب وسعرها مناسب جدا.

__________________
محمد عبدالله

**Dr Ahmed** · 17-11-2007 08:42 PM

شوف الجمال: سوزوكى SX4 روووووعة
لا ياريس ولا مارس

**dreslam** · 17-11-2007 08:48 PM

استاذ وائل
الف مبروك ان شاء الله على السوزوكي مقدما

**محمدايهاب** · 17-11-2007 09:30 PM

شوف الجمال: سوزوكى SX4 روووووعة
لا ياريس ولا مارس

هو استاذ وائل بيفكر في السيدان مش الهاتشباك
ياريت حد يرفع صورتها

مشاهدة نتائج الإستطلاع: أي السيارتين تُفضل ؟

الموضوع: ترشيحاتكم..دام فضلكم !! (وائل عطية)

LinkBack

أدوات الموضوع

عرض

-

-

-

-

المواضيع المتشابهه

هل أنت من السخفاء؟!! (وائل عطية)

20 نكته...!! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة