كيفية فصل الأيرباجز في التويوتا بشكل عام

من فترة وانا كنت بفكر في فصل منظومة الأير باجز و جاء الموضوع ده

http://www.nilemotors.net/Nile/100161-a.html

و خلاني استقر علي اني افصل وسادة الراكب الي جنب السائق علي الاقل .
وبالفعل قمت بذلك وكان الموضوع سهل و بسيط ولكني لم استطيع تصوير وبالصدفه وجدت واحد بيستبدل الأيرباجز في تويوتا ايكو وهي شديدة الشبه بمثيلتها في الياريس و الكورولا

طبعاً هوه ده المنظر المؤسف بعد خروج الأير باجز

http://www.stealthman.com/images/Aut..._airbag001.JPG

http://www.stealthman.com/images/Aut..._airbag002.JPG

يتم خلع درج التابلوه من مكانه :

http://www.stealthman.com/images/Aut..._airbag014.JPG

حتلاقي سوكيت لونه اصفر حتخلعه :

http://www.stealthman.com/images/Aut..._airbag030.JPG

بس كده وحتلاقي علامه الأيرباجز حتفضل منوره في التابلوه

انا عندى فى حتة فى الجنب بتستخدمها عشان تقفل الايرباج ..

طبعا مشكور على تعبك و مشاركتنا بالمعلومات دى ..

بس هو الواحد يفصله ليه اساسا ؟؟ يعنى لو حد جيه يقعد جنبى .. اقعد اعمل كل دة ؟؟

لو فكرت فى الموضوع بعمق هتلاقى أن العربية تولع بجاز و ربنا يكتب للواحد النجاة أفضل من انك لقدر الله تموت او تتخرشم و تعيش بقيت عمرك متبهدل علشان تحافظ على تابلوة العربية و متدفعش تمن تصليح الأيرباج لو حصلت مشكلة
ربنا يسترها معانا

اقتباس:

---

المشاركة الأصلية كتبت بواسطة smartchoice

لو فكرت فى الموضوع بعمق هتلاقى أن العربية تولع بجاز و ربنا يكتب للواحد النجاة أفضل من انك لقدر الله تموت او تتخرشم و تعيش بقيت عمرك متبهدل علشان تحافظ على تابلوة العربية و متدفعش تمن تصليح الأيرباج لو حصلت مشكلة
ربنا يسترها معانا

---

100000000000+

اقتباس:

---

المشاركة الأصلية كتبت بواسطة kareemhisham

انا عندى فى حتة فى الجنب بتستخدمها عشان تقفل الايرباج ..

طبعا مشكور على تعبك و مشاركتنا بالمعلومات دى ..

بس هو الواحد يفصله ليه اساسا ؟؟ يعنى لو حد جيه يقعد جنبى .. اقعد اعمل كل دة ؟؟

---

طب ممكن يا استاذ كريم تصورها علشان نشوفها علشان انا مش عارف هي فين بالظبط

اقتباس:

---

المشاركة الأصلية كتبت بواسطة ابو الوليد المصرى

طب ممكن يا استاذ كريم تصورها علشان نشوفها علشان انا مش عارف هي فين بالظبط

---

هصورهالك .. بس هى سهلة

افتح باب القدام على اليمين .. هتلاقى فى حنب التابلوه حتة تحط فيها مفتاح ..

فتطلع المفتاح من الريموت و تدخله .. و هتلاقى مكتوب حواليها تلفه ازاى

اقتباس:

---

المشاركة الأصلية كتبت بواسطة kareemhisham

هصورهالك .. بس هى سهلة

افتح باب القدام على اليمين .. هتلاقى فى حنب التابلوه حتة تحط فيها مفتاح ..

فتطلع المفتاح من الريموت و تدخله .. و هتلاقى مكتوب حواليها تلفه ازاى

---

بس ده للكرسيين اللى قدام ولا كرسي السائق بس.

اقتباس:

---

المشاركة الأصلية كتبت بواسطة ابو الوليد المصرى

بس ده للكرسيين اللى قدام ولا كرسي السائق بس.

---

دة بيبقى للكرسى الجنب السائق ..

ايرباج السائق مينفعش يتقفل فى اى عربية

متابع باهتمام

تصدق ان الموضوع دا افدنى جدآآآآآآآآآآآآآآآآآآآآآآآ آآآآ بس بالعكس هههههههه يعنى انا استفدت منو عشان حقدر اشغل الايرباج وغيرى طبعآ استفاد ازاى يقفلو ههههههه طبعآ محدش فاهم حاجه انا حقولكم .

انا من فتره ولمبه الايرباج فى التابلوه عندى منوره .. دا معناه ان الايرباج مش شغال طبعآ وحتجنن واقول ليه مش شغال ليه ليه ليه لحد ما شوفت الموضوع دا

انا كنت فاكك الدرج دا اكتر من مره قبل كدا بتاع التابلوه عشان اوصل اسلاك للسوند سيستم .. اكيد مره من المرات اللى كنت فاكك فيها التابلوه حد لعب فى الاسلاك دى بكرا باذن الله لما انزل حخلع الدرج تانى واشوف الاسلاك دى ..


ياعم فى داهيه التابلوه والعربيه كلها كمان طبعآ المهم انى اطلع سليم انا واللى معايا .. والحمد لله على كل شيئ

شكرآ لموضوعك المفيييييييييييد اوى بالنسبالى عالاقل عشان مخلانيش اروح ادفع 500 600 جنيه فى التوكيل فى توصيل سلكه ههههههههه

طب يا باشا ...... هل الكلام ده ينفع فى الياريس الجديدة ؟؟؟؟؟

و هل ممكن ترجعها بسهولة قبل كده ؟؟؟؟؟ يعنى هل عملية الوصول للكلبس ده سهلة و لا ايه ؟؟؟؟؟

شكرا للافادة ؟

و اخيرا سعر الطارة بتاعة الياريس بالايرباج كااااااااااااااااااااااام ؟؟؟؟؟؟؟؟؟

يا جماعة مش المفروض إن الإير باج فيها حساس وزن؟؟؟
يعنى لو مافيش حد فى الكرسى إللى جنب السواق الإير باج مش هتتفتح!! ... مش كلامى مضبوط ولا فى حاجة غلط؟

ربنا يكفينا شر الحوادث

يبقي التوكيلات ليهم حق لما ينزلوا العربيات من غير ايرباجز خالص بما ان دي هي طريقة تفكير المستهلك المصري

Good luck with you car

اقتباس:

---

المشاركة الأصلية كتبت بواسطة relentless_mayhem

يا جماعة مش المفروض إن الإير باج فيها حساس وزن؟؟؟
يعنى لو مافيش حد فى الكرسى إللى جنب السواق الإير باج مش هتتفتح!! ... مش كلامى مضبوط ولا فى حاجة غلط؟

---

متهيألي مش في كل العربيات

اقتباس:

---

المشاركة الأصلية كتبت بواسطة dodino2006

يبقي التوكيلات ليهم حق لما ينزلوا العربيات من غير ايرباجز خالص بما ان دي هي طريقة تفكير المستهلك المصري

good luck with you car

---

فعلاً كان المفروض يبقي اختياري ...وعلي فكره ده ميعبش المستهلك المصري في حاجه ...حط المستهلك المصري في بيئه محترمه وبعدين نحكم علي طريقة تفكيره ..مش نسيبه للتوكيلات تتسلي عليه بالشكل ده

اقتباس:

---

المشاركة الأصلية كتبت بواسطة dodino2006

يبقي التوكيلات ليهم حق لما ينزلوا العربيات من غير ايرباجز خالص بما ان دي هي طريقة تفكير المستهلك المصري

good luck with you car

---

مظبوط كلامك .. بس برضو الشركات عاوزة توفر تكاليف .. وكمان ممكن الواحد يفصلها فعلا ويشغلها لما يكون مسافر .